Зохигчийн эвлэрлийг баталж,

хэргийг хэрэгсэхгүй болгох тухай

Дорноговь аймаг дахь сум дундын анхан шатны шүүхийн ерөнхий шүүгч Ц.Ариунзул би

Нэхэмжлэгч: Г ХК,

Хариуцагч: Н,

Нэхэмжлэлийн шаардлага: Зээлийн гэрээний үүрэгт 10,296,267.49 төгрөг гаргуулах тухай

ТОДОРХОЙЛОХ нь:

Нэхэмжлэгч Г ХК нь шүүхэд гаргасан нэхэмжлэлдээ: ... Н нь 2024 оны 07 дугаар сарын 12-ны өдөр Голомт банктай дижитал зээлийн гэрээ байгуулж 10,000,000 төгрөгийн зээлийг жилийн 21% хүүтэй, 30 сарын хугацаатай авсан. М.Н нь зээлийн гэрээний хавсралтын дагуу тохиролцсон зээлийн эргэн төлөлтийн хуваарийг удаа дараа зөрчиж, зээлээ хугацаанд нь төлөх тухай мэдэгдсэн боловч төлөөгүй 116 хоног хугацаа хэтрүүлэн банкыг хохироож байгаа бөгөөд 2024 оны 12-р сарын 26-ны өдрийн байдлаар зээлийн гэрээний үүргийн гүйцэтгэлд 10,296,267.49 төгрөгийг гаргуулж өгнө үү. гэжээ.

Хариуцагч М.Н шүүхэд гаргасан хариу тайлбараа: ...Нэхэмжлэлийн шаардлага болох 10,296,267.49 төгрөгтэй маргах зүйл байхгүй авсан нь үнэн болно. Нэхэмжлэгч талтай эвлэрлийн гэрээг байгуулахаар болсон тул эвлэрлийн гэрээг баталж хялбаршуулсан журмаар хэргийг шийдвэрлэж өгнө үү. гэжээ.

Талууд шүүхэд гаргасан эвлэрлийн гэрээндээ: ...2025 оны 10 дугаар сарын 25-ны өдрийн дотор нэхэмжлэлийн үнийн дүн болох 10,296,267.49 төгрөгийг Г дахь *** тоот дансанд дараах байдлаар төлнө. 2025 оны 02 дугаар сарын 25-ны өдөр 1,145,000 төгрөг, 2025 оны 03 дугаар сарын 25-ны өдөр 1,145,000 төгрөг, 2025 оны 04 дүгээр сарын 25-ны өдөр 1,145,000 төгрөг, 2025 оны 05 дугаар сарын 25-ны өдөр 1,145,000 төгрөг, 2025 оны 06 дугаар сарын 25-ны өдөр 1,145,000 төгрөг, 2025 оны 07 дугаар сарын 25-ны өдөр 1,145,000 төгрөг, 2025 оны 08 дугаар сарын 25-ны өдөр 1,145,000 төгрөг, 2025 оны 09 дүгээр сарын 25-ны өдөр 1,136,267.49 төгрөг... гэжээ.

Нэхэмжлэгчээс итгэмжлэл, Улсын тэмдэгтийн хураамж төлсөн баримт, итгэмжлэл, Зээлийн гэрээ, Зээлийн эргэн төлөлтийн хуваарь зэргийг нотлох баримтаар ирүүлсэн байна.

ҮНДЭСЛЭХ нь:

Г ХК-ийн нэхэмжлэлтэй М.Нд холбогдох 10,296,267.49 төгрөг гаргуулах тухай иргэний хэрэгт хариуцагч нь 2025 оны 02 дугаар сарын 25-ны өдөр 1,145,000 төгрөг, 2025 оны 03 дугаар сарын 25-ны өдөр 1,145,000 төгрөг, 2025 оны 04 дүгээр сарын 25-ны өдөр 1,145,000 төгрөг, 2025 оны 05 дугаар сарын 25-ны өдөр 1,145,000 төгрөг, 2025 оны 06 дугаар сарын 25-ны өдөр 1,145,000 төгрөг, 2025 оны 07 дугаар сарын 25-ны өдөр 1,145,000 төгрөг, 2025 оны 08 дугаар сарын 25-ны өдөр 1,145,000 төгрөг, 2025 оны 09 дүгээр сарын 25-ны өдөр 1,136,267.49 төгрөгийг тус тус төлөхөөр эвлэрлийн гэрээ байгуулжээ.

Талуудын дээрх эвлэрэл нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул зохигч талуудын эвлэрлийг баталж, хэргийг хэрэгсэхгүй болгож шийдвэрлэх үндэслэлтэй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1 дэх хэсгийг удирдлага болгон

ЗАХИРАМЖЛАХ нь:

1.Г ХК-ийн нэхэмжлэлтэй М.Нд холбогдох 10,296,267.49 төгрөг гаргуулах тухай иргэний хэрэгт хариуцагч нь 2025 оны 02 дугаар сарын 25-ны өдөр 1,145,000 төгрөг, 2025 оны 03 дугаар сарын 25-ны өдөр 1,145,000 төгрөг, 2025 оны 04 дүгээр сарын 25-ны өдөр 1,145,000 төгрөг, 2025 оны 05 дугаар сарын 25-ны өдөр 1,145,000 төгрөг, 2025 оны 06 дугаар сарын 25-ны өдөр 1,145,000 төгрөг, 2025 оны 07 дугаар сарын 25-ны өдөр 1,145,000 төгрөг, 2025 оны 08 дугаар сарын 25-ны өдөр 1,145,000 төгрөг, 2025 оны 09 дүгээр сарын 25-ны өдөр 1,136,267.49 төгрөгийг тус тус төлөхөөр эвлэрсэн эвлэрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид төлсөн 179,690 төгрөгөөс 89,845 төгрөгийг улсын орлогод хэвээр үлдээж, 89,845 төгрөгийг хариуцагчаас, 89,845 төгрөгийг улсын төсвийн орлогоос гаргуулж улсын орлогод оруулсугай.

3.Захирамжийг талууд сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4.Хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

ЕРӨНХИЙ ШҮҮГЧ Ц.АРИУНЗУЛ