Зохигчдын эвлэрлийг баталж,

хэргийг хэрэгсэхгүй болгох тухай

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч Ж.Лхагвасүрэн би

 

Нэхэмжлэгч: УБ,  байрлах ******* ХК /*******/-ийн нэхэмжлэлтэй

 

Хариуцагч: УБ,  тоот хаягт оршин суух ******* овогт *******гийн ******* /*******/,

 

Хариуцагч: УБ,  тоот хаягт оршин суух ******* ******* /*******/ нарт холбогдох

 

зээлийн гэрээний үүрэгт 6,867,409 төгрөг гаргуулах тухай нэхэмжлэлтэй иргэний хэргийг хянаад

ТОДОРХОЙЛОХ нь:

 

Зохигчдын хооронд байгуулагдсан 2025 оны 02 дугаар сарын 10-ны өдрийн эвлэрлийн гэрээнд: Нэхэмжлэгч ******* ХК нь хариуцагч С.*******эд холбогдох нэхэмжлэлийн шаардлагаасаа татгалзаж, хариуцагч Д.******* нь нэхэмжлэлийн шаардлага болох 6,867,409 төгрөгийг 2025 оны 3 дугаар сарын 10-ны өдрөөс 2025 оны 7 дугаар сарын 10-ны өдрийг хүртэлх хугацаанд сар бүр 1,145,000 төгрөг, үлдэх 1,142,409 төгрөгийг 2025 оны 8 дугар сарын 10-ны өдрийн дотор төлж барагдуулна. Иймд хэргийг хялбаршуулсан журмаар шийдвэрлэж өгнө үү гэжээ.

 

ҮНДЭСЛЭХ нь:

 

Нэхэмжлэгч ******* ХК нь хариуцагч Д.*******, С.******* нарт холбогдуулан зээлийн гэрээний үүрэгт 6,867,409 төгрөг гаргуулах нэхэмжлэл гаргажээ.

Хэрэг хянан шийдвэрлэх ажиллагааны явцад нэхэмжлэгч нь хариуцагч С.*******эд холбогдох нэхэмжлэлийн шаардлагаасаа татгалзаж, нэхэмжлэлийн шаардлага болох 6,867,409 төгрөгийг 2025 оны 3 дугаар сарын 10-ны өдрөөс 2025 оны 7 дугаар сарын 10-ны өдрийг хүртэлх хугацаанд сар бүр 1,145,000 төгрөг, үлдэх 1,142,409 төгрөгийг 2025 оны 8 дугар сарын 10-ны өдрийн дотор төлж барагдуулахаар нэхэмжлэгчтэй харилцан тохиролцож, эвлэрлийн гэрээ байгуулжээ.

Талуудын байгуулсан эвлэрлийн гэрээ нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул шүүх эвлэрлийг баталж, хэргийг хэрэгсэхгүй болгож шийдвэрлэв.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75⁸ дугаар зүйлийн 75⁸.1, 123 дугаар зүйлийн 123.1 дэх хэсэгт заасныг удирдлага болгон ЗАХИРАМЖЛАХ нь:

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75⁸ дугаар зүйлийн 75⁸.1-т зааснаар ******* ХК-ийн нэхэмжлэлтэй, хариуцагч Д.*******, С.******* нарт холбогдох иргэний хэрэгт нэхэмжлэгч нь хариуцагч С.*******эд холбогдох нэхэмжлэлийн шаардлагаасаа татгалзсаныг баталж, холбогдох хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар ******* ХК-ийн нэхэмжлэлтэй, хариуцагч Д.*******д холбогдох иргэний хэрэгт хариуцагч нь нэхэмжлэлийн шаардлага болох 6,867,409 төгрөгийг 2025 оны 3 дугаар сарын 10-ны өдрөөс 2025 оны 7 дугаар сарын 10-ны өдрийг хүртэлх хугацаанд сар бүр 1,145,000 төгрөг, үлдэх 1,142,409 төгрөгийг 2025 оны 8 дугар сарын 10-ны өдрийн дотор төлж барагдуулахаар нэхэмжлэгчтэй эвлэрсэн тул зохигчдын эвлэрлийг баталж, хэргийг хэрэгсэхгүй болгосугай.

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчийн улсын тэмдэгтийн хураамжид төлсөн 124,829 төгрөгийг улсын орлогод хэвээр үлдээж, 62,414 төгрөгийг улсын орлогоос, хариуцагч Д.*******ос 62,414 төгрөгийг тус тус гаргуулж, нэхэмжлэгч ******* ХК-д олгосугай.

4. Энэ захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэсүгэй.

5. Зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ Ж.ЛХАГВАСҮРЭН