МОНГОЛ УЛСЫН НЭРИЙН ӨМНӨӨС

                                    

 

           Сүхбаатар аймаг дахь сум дундын анхан шатны шүүхийн шүүгч П.Болормаа даргалж, тус шүүхийн шүүх хуралдааны “Б” танхимд хийсэн иргэний шүүх хуралдаанаар,

 

Нэхэмжлэгч: Сүхбаатар аймгийн Онгон сумын 3-р багт оршин суух, ******* овогт ******* ******* нэхэмжлэлтэй

 

            “Ажиллаж байсан байдал тогтоолгох” тухай нэхэмжлэлийг 2025 оны 01 дүгээр сарын 17-ны өдөр хүлээн авч, 2025 оны 01 дүгээр сарын 24-ний өдөр иргэний хэрэг үүсгэн хянан хэлэлцэв.

 

Шүүх хуралдааны оролцогчид:

            Нэхэмжлэгч *******

Шүүх хуралдааны нарийн бичгийн дарга: И.Өсөхбаяр нар оролцов.

 

ТОДОРХОЙЛОХ нь:

 

 1. Нэхэмжлэгч ******* нь “ажиллаж байсан байдал тогтоолгох” тухай нэхэмжлэлийг шүүхэд гаргасан.

 

  Нэхэмжлэгч нэхэмжлэлийн шаардлагын үндэслэлээ дараах байдлаар тодорхойлж байна. Үүнд: Миний бие 1988 оны 06-р сард 10-р ангиа төгсөөд илгээлтээр малчин болж, аав, ээжийнхээ хамт Сүхбаатар аймгийн Онгон сумын Хөгжилт нэгдэлд хонин суурь маллаж байсан. Нийгмийн даатгалын хэлтсээс тус ажиллаж байсан хугацааг шүүхийн шийдвэрээр баталгаажуулах шаардлагатай гэсэн. 1990-1992 онуудад цэргийн алба хаасан. Иймд намайг бие 1988 оны 06 дугаар сарын 22-ны өдрөөс 1990 оныг хүртэл Сүхбаатар аймгийн Онгон сумын Хөгжилт нэгдэлд малчнаар  ажиллаж байсан болохыг тогтоож өгнө үү гэв.

 

 2. Нэхэмжлэгчээс иргэний үнэмлэхийн хуулбар, улсын тэмдэгтийн хураамжид 70,200 төгрөг төлсөн баримт, Сүхбаатар аймгийн Архивын тасгийн 2024 оны 12 дугаар сарын 12-ны өдрийн 11/295 дугаартай лавлагаа, Р.******* хөдөлмөрийн дэвтрийн хуулбар, гэрч асуулгах хүсэлт зэргийг шүүхэд нотлох баримтаар ирүүлсэн.

 

             3. Нэхэмжлэгчийн хүсэлтээр шүүх *******, ******* нараас гэрчийн мэдүүлэг авсан байна.

 

ҮНДЭСЛЭХ нь:

1. Нэхэмжлэгч ******* нь 1988 оны 06 дугаар сарын 22-ны өдрөөс 1990 оныг хүртэл Сүхбаатар аймгийн Онгон сумын Хөгжилт нэгдэлд малчнаар  ажиллаж байсан байдлыг тогтоолгох тухай нэхэмжлэлийг шүүхэд гаргасан.

 

            2. Нэхэмжлэлийн шаардлагыг бүхэлд нь хангаж шийдвэрлэх үндэслэлтэй гэж үзэв.

 

            3. Хавтаст хэрэгт авагдсан, шүүх хуралдаанаар хэлэлцэгдсэн нэхэмжлэгчийн тайлбар, бичгийн бусад нотлох баримтаар дараах үйл баримт тогтоогдож байна.

 

4. Нэхэмжлэгч ******* овогт ******* ******* нь 1988 оны 06 дугаар сарын 22-ны өдрөөс 1990 оныг хүртэл Сүхбаатар аймгийн Онгон сумын Хөгжилт нэгдэлд малчнаар ажиллаж байсан болох нь нэхэмжлэгчийн шүүхэд гаргасан тайлбар, Р.******* 1988-1989 онуудад Сүхбаатар аймгийн Онгон сумын Хөгжилт нэгдэлд малчнаар ажиллаж байхдаа авч байсан цалингийн бичиглэл бүхий 11/295 дугаартай архивын лавлагаа (хх-5х), *******ыг 1988 онд Сүхбаатар аймгийн Онгон сумын Хөгжилт нэгдэлд малчнаар ажилд томилсон бичилт бүхий хөдөлмөрийн дэвтрийн хуулбар (хх-6х),

 

5. Гэрч *******ын шүүхэд өгсөн: “...******* нь 1988 онд 10 дугаар анги төгсөөд илгээлтээр гарч аав, ээжийнхээ хамт Онгон сумын “Хөгжилт” нэгдэлд мал маллаж байсан. гуайнх этгээд ажилсаг, сайн малч удамтай улс. Манайхан айл саахалт “Ганжуурын дэрс”, “Бага элс” гэх газруудаар нутаглаж байсан. Эднийх ихэвчлэн бог мал (хонь) их малладаг байсан. Бид айл саахалт нутаглаж, нэг худгаас малаа усалдаг, бэлчээр нэгтэй байлаа. ******* 1990 оны хавар цэрэгт явтлаа мал маллаж байсан. *******х манайхан айл саахалт байсан болохоор түүнийг малчнаар ажиллаж байсныг мэднэ” гэх мэдүүлэг,

 

 6. Гэрч *******гийн шүүхэд өгсөн: “....******* нь 1988-1989 онуудад Онгон сумын “Хөгжилт” нэгдэлд хонь хариулж байсан. Бид Онгон сумын 3 дугаар баг буюу “Нүдэн” гэх газарт нэг суурьт хамтдаа хонь маллаж байсан. *******тай нэгдэлд хамт мал маллаж байсан” гэж мэдүүлсэн мэдүүлэг зэрэг нотлох баримтуудаар тогтоогдож байна гэж шүүх дүгнэлээ.

 

 7. Иймд ******* овогт ******* ******* 1988 оны 06 дугаар сарын 22-ны өдрөөс 1990 оныг хүртэл Сүхбаатар аймгийн Онгон сумын Хөгжилт нэгдэлд малчнаар ажиллаж байсан байдлыг тогтоож шийдвэрлэлээ.

 

             8. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1, 7.1.2 дахь хэсэгт зааснаар нэхэмжлэгчийн улсын тэмдэгтийн хураамжид урьдчилан төлсөн 70,200 төгрөгийг улсын төсвийн орлогод хэвээр үлдээх нь зүйтэй байна. 

 

             Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118 дугаар зүйлүүдэд заасныг удирдлага болгон

 

ТОГТООХ нь:

 

1. Иргэний хэрэг шүүхэд хянан шийдвэрлэх тухай хуулийн 133 дугаар зүйлийн 133.1, 135 дугаар зүйлийн 135.2.6 дахь хэсэгт заасныг баримтлан нэхэмжлэгч ******* ******* 1988 оны 06 дугаар сарын 22-ны өдрөөс 1990 оныг хүртэл Сүхбаатар аймгийн Онгон сумын Хөгжилт нэгдэлд малчнаар ажиллаж байсан байдлыг тогтоосугай. 

 

2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1, 7.1.2 дахь хэсэгт зааснаар нэхэмжлэгчийн улсын тэмдэгтийн хураамжид урьдчилан төлсөн 70,200 төгрөгийг улсын төсвийн орлогод хэвээр үлдээсүгэй. 

 

3. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 119.4, 119.7-д зааснаар шийдвэр танилцуулан сонсгомогц хуулийн хүчинтэй бөгөөд зохигч 14 хоногийн дотор шүүхэд хүрэлцэн ирж шийдвэрийг өөрөө гардан авах ба шийдвэрийг гардан аваагүй нь гомдол гаргах хугацааг хуульд заасан журмын дагуу тоолоход саад болохгүй болохыг дурдсугай. 

 

4. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар нэхэмжлэгч шийдвэрийг гардан авснаас хойш 14 хоногийн дотор Сүхбаатар аймгийн Эрүү, Иргэний хэргийн давж заалдаж шатны шүүхэд давж заалдах гомдол гаргах эрхтэй болохыг дурдсугай

 

 

 

 

ДАРГАЛАГЧ ШҮҮГЧ                         П.БОЛОРМАА