Зохигчдын эвлэрлийг баталж,

хэргийг хэрэгсэхгүй болгох тухай

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч Ж.Лхагвасүрэн би

 

Нэхэмжлэгч: УБ, тоот хаягт байрлах ******* ББСБ ХК /*******/-ийн нэхэмжлэлтэй

 

Хариуцагч: УБ, тоотод оршин суух ******* овогт *******ын ******* /*******/-д холбогдох

 

зээлийн гэрээний үүрэгт 6,166,165.54 төгрөг гаргуулах тухай нэхэмжлэлтэй иргэний хэргийг хянаад

 

ТОДОРХОЙЛОХ нь:

 

Зохигчдын хооронд байгуулагдсан 2025.03.06-ны өдрийн эвлэрлийн гэрээнд: Хариуцагч Б.******* нь ******* ББСБ ХК-ийн нэхэмжилсэн 6,166,165.54 төгрөгийг 2025.03.20-ны өдөр 400,000 төгрөг, 2025.04.20-ны өдрөөс 2025.08.20-ны өдрийг хүртэлх хугацаанд сар бүр 1,000,000 төгрөг, үлдэх 766,165.54 төгрөгийг 2025.09.20-ны өдрийн дотор төлж барагдуулна. Иймд хэргийг хялбаршуулсан журмаар шийдвэрлэж өгнө үү гэв.

ҮНДЭСЛЭХ нь:

 

Нэхэмжлэгч ******* ББСБ ХК нь хариуцагч Б.*******д холбогдуулан зээлийн гэрээний үүрэгт 6,166,165.54 төгрөг гаргуулах нэхэмжлэл гаргажээ.

Хэрэг хянан шийдвэрлэх ажиллагааны явцад хариуцагч нь нэхэмжлэлийн шаардлага болох 6,166,165.54 төгрөгийг 2025.03.20-ны өдөр 400,000 төгрөг, 2025.04.20-ны өдрөөс 2025.08.20-ны өдрийг хүртэлх хугацаанд сар бүр 1,000,000 төгрөг, үлдэх 766,165.54 төгрөгийг 2025.09.20-ны өдрийн дотор төлж барагдуулахаар нэхэмжлэгчтэй харилцан тохиролцож, эвлэрлийн гэрээ байгуулжээ.

Талуудын байгуулсан эвлэрлийн гэрээ нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул шүүх эвлэрлийг баталж, хэргийг хэрэгсэхгүй болгож шийдвэрлэв.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75⁸ дугаар зүйлийн 75⁸.1, 123 дугаар зүйлийн 123.1 дэх хэсэгт заасныг удирдлага болгон ЗАХИРАМЖЛАХ нь:

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75⁸ дугаар зүйлийн 75⁸.1-т зааснаар ******* ББСБ ХК-ийн нэхэмжлэлтэй, хариуцагч Б.*******д холбогдох иргэний хэрэгт хариуцагч нь нэхэмжлэлийн шаардлага болох 6,166,165.54 төгрөгийг 2025.03.20-ны өдөр 400,000 төгрөг, 2025.04.20-ны өдрөөс 2025.08.20-ны өдрийг хүртэлх хугацаанд сар бүр 1,000,000 төгрөг, үлдэх 766,165.54 төгрөгийг 2025.09.20-ны өдрийн дотор төлж барагдуулахаар нэхэмжлэгчтэй эвлэрсэн тул зохигчдын эвлэрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчийн улсын тэмдэгтийн хураамжид төлсөн 113,609 төгрөгийг улсын орлогод хэвээр үлдээж, 56,804 төгрөгийг улсын орлогоос буцаан гаргуулж, хариуцагч Б.*******гээс 56,804 төгрөг гаргуулж тус тус нэхэмжлэгч ******* ББСБ ХК-нд олгосугай.

3. Энэ захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэсүгэй.

4. Зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

 

ШҮҮГЧ Ж.ЛХАГВАСҮРЭН