Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч А.Батмандах би

Нэхэмжлэгч: тоотод оршин суух хаягтай, Банзрагчийн ******* /РД: *******/,

Хариуцагч:  тоотод оршин суух хаягтай, *******ийн ******* /РД: *******/,

Гэрээний үүрэгт 4.000.000 төгрөг гаргуулах нэхэмжлэлийг 2025 оны 01 дүгээр сарын 31-ний өдөр хүлээн авч хянаад

ТОДОРХОЙЛОХ нь:

Нэхэмжлэгч Б.******* шүүхэд гаргасан нэхэмжлэлдээ: ...Б.******* миний бие нь хариуцагч П.*******тай 2023 оны 08 дугаар сарын 24-ний өдрөөс 2024 оны 08 дугаар сарын 24-ний өдөр хүртэл өөрийн өмчлөлийн Баянзүрх дүүргийн 16 дугаар хороо, 38а байрны өрөө орон сууцыг эхний 1 сарыг нь 1.050.000 төгрөгөөр, 2 дахь сараас эхлэн 1.000.000 төгрөгөөр хөлслүүлэхээр харилцан тохиролцож хөлслүүлсэн. Хариуцагч нь нийт 12.050.000 төгрөгийг төлөх үүрэгтэй байсан боловч 8.050.000 төгрөгийг төлж, үлдэгдэл 4.000.000 төгрөгийг 2024 оны 09 дүгээр сарын 10-ны өдрийн дотор төлж барагдуулахаар харилцан тохиролцсон боловч өнөөдрийг хүртэл төлж барагдуулаагүй болно. Иймд хариуцагч П.*******аас эд хөрөнгө хөлслөх гэрээний үүргийн гүйцэтгэлийн үлдэгдэл төлбөр 4.000.000 төгрөгийг гаргуулж, нэхэмжлэлийн шаардлагыг бүхэлд нь хангаж өгнө үү. гэжээ.

Хариуцагч П.******* шүүхэд гаргасан хариу тайлбартаа: ...Миний бие П.******* нь Б.*******ын нэхэмжилсэн 4.000.000 төгрөгийг хүлээн зөвшөөрч байна. Миний бие уг мөнгөн дүнг 2025 оны 05 дугаар сарын 25-ны өдөр гэхэд бүрэн төлж барагдуулна. Иймд уг хэргийг хялбаршуулсан журмаар хянан шийдвэрлэж өгнө үү гэжээ.

ҮНДЭСЛЭХ нь:

Нэхэмжлэгч Б.******* нь хариуцагч П.*******д холбогдуулан гэрээний үүрэгт 4.000.000 төгрөг гаргуулах нэхэмжлэл гаргажээ.

Хэрэг хянан шийдвэрлэх ажиллагааны явцад хариуцагч П.*******д нэхэмжлэлийн шаардлага 4.000.000 төгрөгийг төлөхийг зөвшөөрсөн тул хариуцагчийн зөвшөөрлийг баталж хэргийг хэрэгсэхгүй болгох үндэслэлтэй.

Хэргийг хялбаршуулсан журмаар шийдвэрлэж байгаа тул хуульд зааснаар хариуцагчийн төлөх улсын тэмдэгтийн хураамжийг 50 хувиар бууруулах нь зүйтэй.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1 дэх хэсгийг удирдлага болгон

ЗАХИРАМЖЛАХ нь:

1. Нэхэмжлэгч Б.*******ын нэхэмжлэлийн шаардлага 4.000.000 төгрөгийг төлөхийг зөвшөөрсөн хариуцагч П.*******ы зөвшөөрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 78.950 төгрөгийн 50 хувь болох 39.475 төгрөгийг улсын төсвөөс, 50 хувь болох 39.475 төгрөгийг хариуцагч П.*******аас гаргуулж Нүүдэлчний соёл ХХК-д олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4. Хэргийг хялбаршуулсан журмаар хянан шийдвэрлэсэн тул зохигч давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

 

ШҮҮГЧ А.БАТМАНДАХ