2025 02 27 197/ШШ2025/01787

 

 

Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч Э.Долгорсүрэн би,

 

Нэхэмжлэгч: Уийн нэхэмжлэлтэй,

 

Хариуцагч: У-т холбогдох,

 

Зээлийн гэрээний үүрэгт 4,446,300 төгрөгийг гаргуулах тухай нэхэмжлэлийг 2025 оны 02 дугаар сарын 06-ны өдөр хүлээн авч, 2025 оны 02 дугаар сарын 11-ний өдөр иргэний хэрэг үүсгэн хянаад,

 

ТОДОРХОЙЛОХ нь:

 

1. Нэхэмжлэгч ... зэгэстэй ХХК нь шүүхэд гаргасан нэхэмжлэлдээ: ...Зээлдэгч хариуцагч Ж....ын хүсэлтийн дагуу 2023 оны 04 дүгээр сарын 04-ний өдрийн 23-555 тоот зээлээр шатахуун худалдах, худалдан авах гэрээг 9-н сарын хугацаатай байгуулсан. 2023 оны 09 дүгээр сарын 02, 11 дүгээр сарын 11-ний өдрүүдэд авсан түүний мөнгө болох үндсэн 2,964,200 төгрөг, алданги 1,482,100 төгрөг, нийт 4,446,300 төгрөгийг нэхэмжилж байна. Бид алдангийг үндсэн үнийн дүнгийн 50 хувьд нийцүүлж тооцсон болно гэжээ.

 

2. Хариуцагч Ж.... шүүхэд ирүүлсэн тайлбартаа: ...... зэгэстэй ХХК -иас нэхэмжилсэн 4,446,300 төгрөгийг хүлээн зөвшөөрч байна гэжээ.

 

ҮНДЭСЛЭХ нь:

 

Нэхэмжлэгч ... зэгэстэй ХХК нь хариуцагч Ж....т холбогдуулан шатахуун худалдах, худалдан авах гэрээний үүрэгт 4,446,300 төгрөгийг гаргуулах тухай нэхэмжлэлийн шаардлагыг гаргажээ.

 

Хэрэг хянан шийдвэрлэх ажиллагааны явцад хариуцагч Ж.... нь нэхэмжлэлийн шаардлага болох 4,446,300 төгрөгийг бүхэлд нь хүлээн зөвшөөрсөн тайлбарыг ирүүлсэн байна.

 

Хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй хуульд харшлаагүй байх тул хариуцагчийн зөвшөөрлийг баталж, хэргийг хэрэгсэхгүй болгож шийдвэрлэх нь зүйтэй гэж шүүх үзлээ.

 

Хэргийг хялбаршуулсан журмаар хянан шийдвэрлэж байгаа тул улсын тэмдэгтийн хураамжийн хэмжээг тал хувиар бууруулан тогтоож, хуульд заасан журмаар гаргуулахаар шийдвэрлэлээ.

 

Зохигч давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг тус тус дурдах нь зүйтэй.

 

Иргэний хэрэг шүүхэд хянан шийдвэрлэх тухай хуулийн 75⁸ дугаар зүйлийн 75⁸.1, 74 дүгээр зүйлийн 74.2, 75 дугаар зүйл, 123 дугаар зүйлийн 123.1 дэх хэсэгт заасныг удирдлага болгон ЗАХИРАМЖЛАХ нь:

 

1. ... зэгэстэй ХХК-ийн нэхэмжлэлтэй, хариуцагч Ж....т холбогдох, иргэний хэрэгт хариуцагч нь нэхэмжлэлийн шаардлага болох 4,446,300 төгрөгийг хүлээн зөвшөөрсөн тайлбарыг ирүүлсэн тул хариуцагчийн зөвшөөрлийг баталж, хэргийг хэрэгсэхгүй болгосугай.

 

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дах хэсэгт зааснаар нэхэмжлэгчийн улсын тэмдэгтийн хураамжид урьдчилан төлсөн 86,090 төгрөгийг улсын төсөвт хэвээр үлдээж, улсын төсвөөс 43,045 төгрөгийг, хариуцагч Ж....оос 43,045 төгрөгийг тус тус гаргуулж, нэхэмжлэгч ... зэгэстэй ХХК-д олгосугай.

 

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар хэргийг хялбаршуулсан журмаар шийдвэрлэсэн тул зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

4.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дах хэсэгт зааснаар шүүгчийн захирамжийг биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

 

 

 

 

                              ШҮҮГЧ                           Э.ДОЛГОРСҮРЭН