2025 02 20 197/ШШ2025/01533

 

 

 

 

Зохигчийн эвлэрлийг баталж,

Хэргийг хэрэгсэхгүй болгох тухай

 

 

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч А.Батмандах би

Нэхэмжлэгч:  тоотод байрлах ******* ******* ББСБ ХХК-ийн нэхэмжлэлтэй,

Хариуцагч:  тоотод оршин суух хаягтай, *******ын ******* /РД: *******/-т холбогдох,

1.513.517,10 төгрөг гаргуулах тухай нэхэмжлэлийн шаардлагатай иргэний хэргийг хүлээн авч, хянаад

ТОДОРХОЙЛОХ нь:

Нэхэмжлэгч шүүхэд гаргасан нэхэмжлэлдээ: ...Зээлдэгч О.******* нь тус ББСБ-тай 2023 оны 01 дүгээр сарын 05-ны өдөр Зээлийн гэрээ байгуулан 2.000.000 төгрөгийг, 6 сарын хугацаатай, жилийн 36 хувийн хүүтэйгээр зээлж авсан. Иймд О.*******ын зээлийн гэрээний зээл, зээлийн үндсэн хүү нийт 1.153.517,10 төгрөгийг УТХ-д төлсөн төлбөрийн хамт гаргуулж, ******* ******* ББСБ ХХК-д олгуулахаар шийдвэрлэж өгнө үү. гэжээ.

Хариуцагч О.******* нь шүүхэд гаргасан тайлбартаа: ...Миний бие О.******* нь нэхэмжлэлийн шаардлага болох 1.513.517,10 төгрөг төлөхийг хүлээн зөвшөөрч, уг төлбөрийг 3 хуваан бүрэн төлж барагдуулна... гэжээ.

ҮНДЭСЛЭХ нь:

******* ******* ББСБ ХХК нь хариуцагч О.*******т холбогдуулан 1.513.517,10 төгрөг гаргуулахаар шүүхэд хандсан.

Хэрэг хянан шийдвэрлэх ажиллагааны явцад зохигчид шүүхэд бичгээр хийсэн эвлэрлийн гэрээг ирүүлжээ. Эвлэрлийн гэрээний агуулгаас үзэхэд хариуцагч О.******* нь нэхэмжлэлийн шаардлага болох 1.513.517,10 төгрөг төлөхийг хүлээн зөвшөөрч, уг төлбөрийг 3 хуваан бүрэн барагдуулахаар талууд эвлэрсэн байна.

Нэхэмжлэгч болон хариуцагч нар дээрх байдлаар эвлэрсэн нь бусдын эрх, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул шүүхээс талуудын эвлэрлийг баталж, хэргийг хэрэгсэхгүй болгож шийдвэрлэх нь Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2 дахь хэсгүүдэд нийцнэ.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 75⁸ дугаар зүйлийн 75⁸.1 дэх хэсэгт заасныг удирдлага болгон

ЗАХИРАМЖЛАХ нь:

1. Хариуцагч О.******* нь нэхэмжлэлийн шаардлага болох 1.513.517,10 төгрөг төлөхийг хүлээн зөвшөөрч, уг төлбөрийг 3 хуваан бүрэн төлж барагдуулахаар талууд эвлэрснийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт заасныг баримтлан нэхэмжлэгчээс улсын тэмдэгтийн хураамжид төлсөн 39.166,28 төгрөгөөс 19.583,14 төгрөгийг улсын орлогод хэвээр үлдээж, улсын төсвийн данснаас 19.583,14 төгрөг, хариуцагчаас 19.583,14 төгрөгийг тус тус гаргуулан нэхэмжлэгчид олгосугай.

 

3. Хэргийг хялбаршуулсан журмаар хянан шийдвэрлэсэн тул зохигчид давж заалдах, хяналтын журмаар хянан шийдвэрлүүлэхээр гомдол гаргах, эвлэрсэн асуудлын хүрээнд анхан шатны шүүхэд дахин нэхэмжлэл гаргах эрхгүйг мэдэгдсүгэй. 

 

 

 

 

ШҮҮГЧ А.БАТМАНДАХ