Хариуцагч нэхэмжлэлийн шаардлагыг

биелүүлснийг баталж, хэргийг

хэрэгсэхгүй болгох тухай

 

Хөвсгөл  аймаг дахь сум  дундын  анхан  шатны  шүүхийн  шүүгч  Б.Бээжин  би,

Нэхэмжлэгч: Хөвсгөл аймгийн Мөрөн сумын Уран дөш багт байрлах, Хөвсгөл аймгийн Хөдөлмөр, халамжийн үйлчилгээний газрын нэхэмжлэлтэй,

Хариуцагч: Хөвсгөл аймгийн ************ сумын **** дүгээр багт оршин суух, ******** ургийн овогт ***************, РД: (*************)-д холбогдох,

Нэхэмжлэлийн шаардлага: Зээлийн гэрээний үүргийн үлдэгдэл төлбөр нийт 600,000 (зургаан зуун мянга)  төгрөг гаргуулах тухай нэхэмжлэлийг 2024 оны 12 дугаар сарын 31-ний өдөр хүлээн авч, 155/2024/00063/и дугаар индекстэй, иргэний хэрэг үүсгэн хянаад 

ТОДОРХОЙЛОХ нь:

Нэхэмжлэгч Хөвсгөл аймгийн Хөдөлмөр, халамжийн үйлчилгээний газрын дарга Т.Раднаабүд шүүхэд гаргасан нэхэмжлэлдээ: Иргэн *********** нь Хөдөлмөр эрхлэлтийг дэмжих сангийн “Ажлын байрыг дэмжих хөтөлбөр”-т хамрагдаж 2017 оны 9 дүгээр сарын 21-ний өдөр “Аж ахуй, бичил бизнес эрхлэгчдэд эргэн төлөлттэй санхүүгийн дэмжлэг олгох гэрээ”-г байгуулж, түүнд 1,000,000 төгрөгийг 24 сарын хугацаатай, гэрээний хугацаанд зээлийн төлбөрийг төлж барагдуулах нөхцөлтэйгөөр зээлдүүлсэн.

Гэвч ************ нь зээлийн төлбөрөөс 400,000 төгрөгийг төлж, 600,000 төгрөгийг төлөөгүй байна.

Иймд 2017 оны 9 дүгээр сарын 21-ний өдөр байгуулагдсан “Аж ахуй, бичил бизнес эрхлэгчдэд эргэн төлөлттэй санхүүгийн дэмжлэг олгох гэрээ”-ний үүрэгт 600,000 төгрөгийг **************** гаргуулж өгнө үү гэжээ.

ҮНДЭСЛЭХ нь:

Нэхэмжлэгч Хөвсгөл аймгийн Хөдөлмөр, халамжийн үйлчилгээний газар нь хариуцагч ********* холбогдуулан зээлийн гэрээний үүрэгт 600,000 (зургаан зуун мянга) төгрөг гаргуулах тухай нэхэмжлэлийн шаардлагыг шүүхэд гаргажээ.

Хэрэг хянан шийдвэрлэх ажиллагааны явцад нэхэмжлэлийн хариуцагч **************** нь 2025 оны 01 дүгээр сарын 31-ний өдөр зээлийн гэрээний үүрэг 600,000 төгрөгийг төлж барагдуулсан тухай баримт (хх-29х)-ыг шүүхэд ирүүлсэн байна. Энэ нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагч ********** нь нэхэмжлэлийн шаардлагыг төлж барагдуулан биелүүлснийг баталж, хэргийг хэрэгсэхгүй болгох нь зүйтэй байна.

Хэргийг хялбаршуулсан журмаар шийдвэрлэсэн тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар улсын тэмдэгтийн хураамжийг тал хувиар бууруулж тогтоов.

Иймд Иргэний хэрэг шүүхэд хянан шийдвэрлэх тухай хуулийн 58 дугаар зүйлийн 58.3, Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч  байгууллагын нэхэмжлэл нь улсын тэмдэгтийн хураамжаас чөлөөлөгддөг болохыг дурдаж, Иргэний хэрэг шүүхэд хянан шийдвэрлэх тухай хуулийн  74 дүгээр зүйлийн 74.5-д зааснаар  хариуцагч ********** 600,000 (зургаан зуун мянга) төгрөгт тохирох улсын тэмдэгтийн хураамж 18,650 (арван найман мянга зургаан зуун тавь) төгрөгийн тал хувь 9,325 (есөн мянга гурван зуун хорин тав) төгрөгийг гаргуулж улсын орлогод оруулах нь зүйтэй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 2, 75 дугаар зүйл, 75⁸ дугаар зүйлийн 75⁸.1, 123 дугаар зүйлийн 123.1-д заасныг удирдлага болгон 

ЗАХИРАМЖЛАХ нь:

1. Хөвсгөл аймгийн Хөдөлмөр, халамжийн үйлчилгээний газрын нэхэмжилсэн зээлийн гэрээний үүрэгт 600,000 (зургаан зуун мянга) төгрөгийг төлж барагдуулан, нэхэмжлэлийн шаардлагыг хариуцагч ********** биелүүлснийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 58 дугаар зүйлийн 58.3, Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч  байгууллагын нэхэмжлэл нь улсын тэмдэгтийн хураамжаас чөлөөлөгддөг болохыг дурдаж, Иргэний хэрэг шүүхэд хянан шийдвэрлэх тухай хуулийн  74 дүгээр зүйлийн 74.5-д зааснаар  хариуцагч *************** 600,000 (зургаан зуун мянга) төгрөгт тохирох улсын тэмдэгтийн хураамж 18,650 (арван найман мянга зургаан зуун тавь) төгрөгийн тал хувь 9,325 (есөн мянга гурван зуун хорин тав) төгрөгийг гаргуулж улсын орлогод оруулсугай.

 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй.

 

  

 

 

 ШҮҮГЧ                             Б.БЭЭЖИН