Хариуцагчийн зөвшөөрлийг баталж,

хэргийг хэрэгсэхгүй болгох тухай

 

 

 

Хэргийн индекс: 307/2025/00378/и

 

Дархан-Уул аймаг дахь сум дундын анхан шатны шүүхийн шүүгч Г.Энхцэцэг би,

Нэхэмжлэгч:  баг, өөрийн байранд байрлах Д******* ТӨХК /РД:2650061/-ийн нэхэмжлэлтэй,

Хариуцагч:  тоотод оршин суух, утас: 8*******, Б******* овогт Э*******ын Ш******* /РД:М*******/-д холбогдох

Нэхэмжлэлийн шаардлага: 636,832.28 төгрөг гаргуулах тухай иргэний хэргийг хянаад

ТОДОРХОЙЛОХ нь:

1. Нэхэмжлэгч Д******* ТӨХК шүүхэд гаргасан нэхэмжлэлдээ:

Манай компанийн хувьд Э.Ш*******ийн орон сууцны байрыг өнөөдрийг хүртэл халаалт, хэрэгцээний халуун усаар тасралтгүй ханган ажиллаж байна. Нийтийн зориулалттай орон сууцны халаалтыг айл тус бүрээр хаах, хязгаарлах техникийн боломжгүй байдаг тул 2023 оны 12 дугаар сараас 2025 оны 02 дугаар сарын 18-ны өдрийг дуустал нийт 636,832.28 төгрөгийг гаргуулж өгнө үү гэжээ.

 

2. Хариуцагч Э.Ш******* шүүхэд ирүүлсэн хариу тайлбартаа:

Нэхэмжлэгч Д******* ТӨХК-аас нэхэмжилсэн 636,832.28 төгрөгийг төлөхөө хүлээн зөвшөөрч байна. Иймд хэргийг хялбаршуулсан журмаар шийдэж өгнө үү гэжээ.

 

ҮНДЭСЛЭХ нь:

Нэхэмжлэгч Д******* ТӨХК нь хариуцагч Э.Ш*******эд холбогдуулан 636,832.28 төгрөг гаргуулах тухай нэхэмжлэлийн шаардлага гаргажээ.

 

  Хэрэг хянан шийдвэрлэх ажиллагааны явцад хариуцагч Э.Ш******* нь Д******* ТӨХК-ийн нэхэмжилсэн 636,832.28 төгрөгийг төлөхийг хүлээн зөвшөөрсөн тайлбарыг шүүхэд бичгээр гаргасан байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-т Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ. гэж, 74.2-т Хэргийг хялбаршуулсан журмаар хянан шийдвэрлэх боломжтой гэж үзвэл шүүгч нэхэмжлэгчийн татгалзал, хариуцагчийн зөвшөөрөл, зохигч талуудын эвлэрэл, нэхэмжлэлийн шаардлагыг хариуцагч биелүүлснийг баталж, хэргийг хэрэгсэхгүй болгосон тухай захирамж гаргана. гэж заасан.

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т заасныг баримтлан хариуцагчийн зөвшөөрлийг баталж, Э.Ш*******эд холбогдох иргэний хэргийг хэрэгсэхгүй болгон шийдвэрлэх нь зүйтэй.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйл, 123 дугаар зүйлийн 123.1-т заасныг удирдлага болгон

 

ЗАХИРАМЖЛАХ НЬ:

 

1. Хариуцагч Э.Ш******* нь нэхэмжлэгч Д******* ТӨХК-ийн нэхэмжилсэн 636,832.28 төгрөгийг төлөхийг хүлээн зөвшөөрснийг баталж, Э.Ш*******эд холбогдох иргэний хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-т заасныг баримтлан нэхэмжлэгчийн улсын тэмдэгтийн хураамжид төлсөн 18,930 төгрөгөөс 9,465 төгрөгийг улсын орлогод хэвээр үлдээж, улсын орлогоос 9,465 төгрөгийг, хариуцагч Э.Ш*******ээс 9,465 төгрөгийг тус тус гаргуулж нэхэмжлэгч Д******* ТӨХК-д олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4. Энэхүү захирамжид зохигч давж заалдах болон хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

ШҮҮГЧ Г.ЭНХЦЭЦЭГ