Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.3 дахь хэсэгт заасныг удирдлага болгон

ЗАХИРАМЖЛАХ нь:

1. Н...нэхэмжлэлтэй, А...холбогдох иргэний хэрэгт нэхэмжлэгч нь нэхэмжлэлийн шаардлага болох 352,500,000 төгрөгийн 24,000,000 төгрөгөөс татгалзаж, 328,500,000 төгрөг гаргуулахаар нэхэмжилснийг хариуцагч А... нь хүлээн зөвшөөрч 2025 оны 03 дугаар сарын 10-ны өдөр 120,000,000 төгрөг, 2025 оны 03 дугаар сарын 24-ний өдөр 100,000,000 төгрөг, 2025 оны 04 дүгээр сарын 20-ны өдөр 108,500,000 төгрөгийг нэхэмжлэгч Н...хаан банкны ..дансанд төлж барагдуулахаар харилцан тохиролцож эвлэрсэн зохигчдын эвлэрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид урьдчилан төлсөн 1,920,450 төгрөгөөс 1,099,200 төгрөгийг төсвийн орлогод хэвээр үлдээж, Баянгол дүүргийн татварын хэлтсээс 821,250 төгрөгийг, хариуцагч А...821,250 төгрөгийг тус тус гаргуулан нэхэмжлэгч Н...олгосугай.

 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар хэргийг хялбаршуулсан журмаар хянан шийдвэрлэсэн шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

4. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

           

 

 

ШҮҮГЧ                                       А.САРАНТУЯА