МОНГОЛ УЛСЫН НЭРИЙН ӨМНӨӨС

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.2, 116, 118, 131 дүгээр зүйлийн 131.1 дэх хэсэгт заасныг удирдлага болгон

ТОГТООХ нь:

 

1. Гэр бүлийн тухай хуулийн 14 дүгээр зүйлийн 14.1 дэх хэсэгт заасныг баримтлан Я.Ж, Н.Н нарын гэрлэлтийг цуцалсугай.

 2. Гэр бүлийн тухай хуулийн 14 дүгээр зүйлийн 14.5 дахь хэсэгт заасныг баримтлан 2019 оны 03 дугаар сарын 06-ны өдөр төрсөн хүү Ж.Ү*******ийг эх Н.Н*******ийн асрамжид үлдээсүгэй.

 3. Гэр бүлийн тухай хуулийн 40 дүгээр зүйлийн 40.1.1, 40 дүгээр зүйлийн 40.1.2 дахь хэсэгт заасныг баримтлан 2019 оны 03 дугаар сарын 06-ны өдөр төрсөн хүү Ж.Ү*******ийг 11 нас хүртэл тэтгэлэг авагч хүүхдийн оршин суугаа газрын бүс нутагт тогтоогдсон амьжиргааны доод түвшингийн 50 хувиар, 11-16 нас /суралцаж байгаа бол 18/ нас хүртэл болон насанд хүрсэн боловч хөдөлмөрийн чадваргүй бол тэтгэлэг авагч хүүхдийн оршин суугаа газрын бүс нутагт тогтоогдсон амьжиргааны доод түвшингийн хэмжээгээр эцэг Я.Ж*******гаас тэтгэлэг гаргуулж, тэжээн тэтгүүлсүгэй.

 4. Гэр бүлийн тухай хуулийн 26 дугаар зүйлийн 26.1, 26.2, 26.6 дахь хэсэгт заасныг баримтлан эцэг Я.Ж*******д хойшид хүү Ж.Ү*******ийг асран хамгаалах, тэжээн тэтгэх үүрэг хэвээр хадгалагдаж үлдэх бөгөөд хүү Ж.Ү*******тэй уулзуулахад болон эцэг, эх нь хүүхдийнхээ өмнө хүлээсэн үүргээ биелүүлэхэд нь саад учруулахгүй байхыг эх Н.Н*******т даалгасугай.

 5. Иргэний хуулийн 106 дугаар зүйлийн 106.5 дахь хэсэгт заасныг баримтлан ** тоотод байрлах, улсын бүртгэлийн Ү-2206******* дугаартай орон сууцыг нэхэмжлэгч Я.Ж*******гийн хуваарьт хөрөнгө болохыг хүлээн зөвшөөрч, хүү Ж.Ү*******ийн нэр дээр /түүний өмчлөлд/ 100 хувь шилжүүлэх, мөн орон сууцыг хариуцагч Н.Н*******, хүү Ж.Ү******* нарын эзэмшилд үлдээхээр, *******улсын дугаартай Toyota Sai-K10 маркийн тээврийн хэрэгслийг хариуцагч Н.Н*******ийн өмчлөлд бүрэн шилжүүлэхээр тус тус харилцан тохиролцсоныг баталсугай.

 6. Нэхэмжлэгч Я.Ж******* нь хүүхдийн[D2]  тэтгэлэг болон нэмэлт зардлыг төлөхөөр гаргасан нэхэмжлэлийн шаардлагаасаа татгалзсан болохыг дурдсугай.

 7. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 60 дугаар зүйлийн 60.1, 56 дугаар зүйлийн 56.1, Улсын тэмдэгтийн хураамжийн тухай хуулийн 7 дугаар зүйлийн 7.1.2 дахь хэсэгт заасныг баримтлан нэхэмжлэгч Я.Ж*******гийн улсын тэмдэгтийн хураамжид төлсөн 70 200 төгрөгийг улсын орлогод хэвээр үлдээж, нэхэмжлэгч Я.Ж*******гаас хүүхдийн тэтгэлэгт тохирсон улсын тэмдэгтийн хураамж 58 553 төгрөгийг гаргуулж, улсын орлогод оруулсугай.

 8. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 119.7, 120 дугаар зүйлийн 120.2 дахь хэсэгт зааснаар шийдвэр нь танилцуулан сонсгомогц хүчинтэй болох бөгөөд зохигч, гуравдагч этгээд, тэдгээрийн төлөөлөгч буюу өмгөөлөгч нар энэхүү шийдвэрийг эс зөвшөөрвөл уг шийдвэрийг гардан авснаас хойш 14 хоногийн дотор Нийслэлийн Иргэний хэргийн Давж заалдах шатны шүүхэд гомдол гаргах эрхтэйг, зохигчид хуульд заасан хугацааны дотор шийдвэрийг гардан аваагүй нь гомдол гаргах хугацааг хуульд заасан журмын дагуу тоолоход саад болохгүйг тус тус дурдсугай.

  

 

ДАРГАЛАГЧ, ШҮҮГЧ Б.МӨНХЖАРГАЛ