Зохигчийн эвлэрлийг баталж, хэргийг хэрэгсэхгүй болгох тухай

 

Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5, 123 дугаар зүйлийн 123.3 дахь хэсэгт заасныг удирдлага болгон

ЗАХИРАМЖЛАХ нь:

1. Нэхэмжлэгч Х******* ХК нэхэмжлэлийн шаардлага 29 181 966.99 төгрөгөөс 2 000 000 төгрөгөөр татгалзаж, үлдэх 27 181 966.99 төгрөгийг хариуцагч Т.Д******* бүрэн хүлээн зөвшөөрч, уг төлбөрийг 6 сарын хугацаанд буюу 2025 оны 02 дугаар сарын 30-ны өдөр 1 000 000 төгрөг, 2025 оны 03 дугаар сарын 30-ны өдөр 1 000 000 төгрөг, 2025 оны 4 дүгээр сарын 30-ны өдөр 1 000 000 төгрөг, 2025 оны 5 дугаар сарын 30-ны өдөр 1 000 000 төгрөг, 2026 оны 6 дугаар сарын 30-ны өдөр 1 000 000 төгрөг, 2025 оны 7 дугаар сарын 30-ны өдөр 22 181 967 төгрөгийг тус тус төлж барагдуулахаар харилцан тохиролцож эвлэрсэн зохигчдын эвлэрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.4, 106 дугаар зүйлийн 106.6, Улсын тэмдэгтийн хураамжийн тухай хуулийн 7 дугаар зүйлийн 7.1.1 дэх хэсэгт заасныг баримтлан нэхэмжлэгчийн улсын тэмдэгтийн хураамжид төлсөн 303 859.83 төгрөгөөс 156 930 төгрөгийг улсын орлогод хэвээр үлдээж, төрийн сангийн 100200100941 данснаас 146 930 төгрөгийг, хариуцагч Т.Д*******гээс 146 930 төгрөгийг гаргуулж, нэхэмжлэгч Х******* ХК-д олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү тогтоолыг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4. Энэ захирамжид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

 

ШҮҮГЧ Б.МӨНХЖАРГАЛ