2025 оны 01 сарын 22 өдөр Дугаар 192/ШШ2025/00500     Улаанбаатар хот

Хариуцагчийн зөвшөөрлийг баталж,

хэргийг хэрэгсэхгүй болгох тухай

Баянгол, Хан-Уул, Сонгинохайрхан дүүргийн Иргэний хэргийн анхан шатны тойргийн шүүхийн шүүгч Д.Энхцэцэг даргалж, тус шүүхийн танхимд хийсэн иргэний хэргийн шүүх хуралдаанаар,

 

Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5 дахь хэсэгт заасныг удирдлага болгон 

ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.4-т зааснаар Кэ******* ХХК-ийн нэхэмжлэлтэй, хариуцагч Д******* ХХК-д холбогдох иргэний хэрэгт хариуцагч Д******* ХХК нь хамтран ажиллах гэрээнээс татгалзаж, гэрээнээс татгалзсан үр дагаварт 4 123 019 978 төгрөг гаргуулах, хамтран ажиллах гэрээний барьцаа хөрөнгө болох Д******* ХХК-ийн өмчлөлийн улсын бүртгэлийн Ү-******* дугаарт бүртгэлтэй, үл хөдлөх эд хөрөнгөөс үүргийн гүйцэтгэлийг хангуулах, зээлийн гэрээний үүрэгт 284 461 610 төгрөг гаргуулах тухай Кэ******* ХХК-ийн нэхэмжлэлийн шаардлагыг бүхэлд нь хүлээн зөвшөөрснийг баталж, холбогдох иргэний хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.6, Улсын тэмдэгтийн хураамжийн тухай хуулийн 7 дугаар зүйлийн 7.1.1 дэх хэсэгт зааснаар нэхэмжлэгчийн улсын тэмдэгтийн хураамжид урьдчилан төлсөн 21 851 197 төгрөгийг улсын орлогод хэвээр үлдээж, хариуцагч Д******* ХХК-иас 21 851 197 төгрөгийг гаргуулан нэхэмжлэгч Кэ******* ХХК-д олгосугай.

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

4. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

 

ШҮҮГЧ Д.ЭНХЦЭЦЭГ