Зохигчдын эвлэрлийг баталж,

хэргийг хэрэгсэхгүй болгох тухай

 

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч Ч.Мөнхцэцэг би,

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1 дэх хэсгийг удирдлага болгон, ЗАХИРАМЖЛАХ нь:

 

1. Д.Ч-ийн нэхэмжлэлтэй, Ж.А-д холбогдох, худалдах, худалдан авах гэрээний болон зээлийн гэрээний үүрэгт 9,500,000 төгрөг гаргуулахыг хүссэн иргэний хэрэгт хариуцагч Ж.А нь нэхэмжлэлийн шаардлага 9,500,000 төгрөгийг хүлээн зөвшөөрч, 2025.03.10-ны өдөр 1,500,000 төгрөг төлж, 2025.04.10-ны өдөр 1,500,000 төгрөг, 2025.05.10-ны өдөр 1,500,000 төгрөг, 2025.06.10-ны өдөр 2,500,000 төгрөг, 2025.07.10-ны өдөр 1,500,000 төгрөг, 2025.08.10-ны өдөр 1,000,000 төгрөгөөр хувааж төлөхөөр тохиролцож эвлэрсэн зохигчдын эвлэрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид төлсөн 166,950 төгрөгийн 50 хувь болох 83,475 төгрөгийг улсын төсвөөс, 50 хувь болох 83,475 төгрөгийг хариуцагчаас гаргуулж нэхэмжлэгчид олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэх журамтайг мэдэгдсүгэй.

 

4. Хэргийг хялбаршуулсан журмаар хянан шийдвэрлэсэн тул зохигч давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

 

ШҮҮГЧ Ч.МӨНХЦЭЦЭГ