2025 03 25 197/ШШ2025/03209

 

Зохигчдын эвлэрлийг баталж,

хэргийг хэрэгсэхгүй болгох тухай

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч Б.Цолмон даргалж, тус шүүхийн танхимд хийсэн иргэний хэргийн шүүх хуралдаанаар,

Нэхэмжлэгч: Б ХХК /РД:********/-ийн нэхэмжлэлтэй,

Хариуцагч: ******** тоотод оршин суух, Б.Н /********/-д холбогдох,

Зээлийн гэрээний үүрэгт 7,445,463 төгрөг гаргуулах тухай иргэний хэргийг тусгайлсан журмаар хүлээн авч хянан хэлэлцэв.

Шүүх хуралдаанд:

Нэхэмжлэгчийн итгэмжлэгдсэн төлөөлөгч Г.Б,

Хариуцагч Б.Н,

Шүүх хуралдааны нарийн бичгийн дарга М.Гантуяа нар оролцов.

ТОДОРХОЙЛОХ нь:

Нэхэмжлэгчийн итгэмжлэгдсэн төлөөлөгч шүүх хуралдаанд гаргасан хүсэлтдээ: ...хариуцагч 7,445,463 төгрөгийг 5 сарын хугацаанд хувааж төлөх хүсэлтийг зөвшөөрч, эвлэрлийн гэрээ байгуулж байна. гэв.

Хариуцагч шүүх хуралдаанд гаргасан тайлбартаа: ...төлбөрийг 2025 оны 04 сараас 5 хувааж төлөхийг зөвшөөрч байна. гэв.

ҮНДЭСЛЭХ нь:

Нэхэмжлэгч Б ХХК, хариуцагч Б.Нд холбогдуулан 7,445,463 төгрөг гаргуулах тухай нэхэмжлэлийн шаардлага гаргажээ.

Хэрэг хянан шийдвэрлэх ажиллагааны явцад хариуцагч 7,445,463 төгрөгийг 5 сарын хугацаанд хувааж төлөхөөр зохигч талууд эвлэрлийн гэрээ байгуулсан байх тул зохигчийн эвлэрлийг баталж, хэргийг хэрэгсэхгүй болгож шийдвэрлэлээ.

Иргэний хэрэг шүүхэд хянан шийдвэрлэх тухай хуулийн 75⁸ дугаар зүйлийн 75⁸.1.Шүүгч иргэний хэрэг үүсгэснээс хойш энэ хуулийн 74.1-д заасан үндэслэл бүрдвэл хялбаршуулсан журмаар хэргийг хянан шийдвэрлэнэ гэж зааснаар талуудын эвлэрлийг батлах нь зүйтэй.

Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5.-д заасныг удирдлага болгон

ЗАХИРАМЖЛАХ нь:

1. Нэхэмжлэгч Б ХХК, хариуцагч Б.Нд холбогдох 7,445,463.10 төгрөг гаргуулах тухай нэхэмжлэлийн шаардлагаас хариуцагч 2025.04.10-ны өдөр 1,489,092.62 төгрөг, 2025.05.10-ны өдөр 1,489,092.62 төгрөг, 2025.06.10-ны өдөр 1,489,092.62 төгрөг, 2025.07.10-ны өдөр 1,489,092.62 төгрөг, 2025.08.10-ны өдөр 1,489,092.62 төгрөг тус тус төлөхөөр эвлэрсэн зохигчдын эвлэрлийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.6, Улсын тэмдэгтийн хураамжийн тухай хуулийн 7 дугаар зүйлийн 7.1.1 дэх хэсэгт зааснаар нэхэмжлэгчийн улсын тэмдэгтийн хураамжид төлсөн 134,078 төгрөгийг улсын төсвийн орлогод хэвээр үлдээж, хариуцагч Б.Ноос улсын тэмдэгтийн хураамжид 67,039 төгрөгийг гаргуулж нэхэмжлэгч Б ХХК-д олгосугай.

3.Энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4.Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5, 74 дүгээр зүйлийн 74.4-т дэх хэсэгт зааснаар энэ захирамжид зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ДАРГАЛАГЧ, ШҮҮГЧ  Б.ЦОЛМОН