2025 04 07 197/ШШ2025/04024

 

 

 

 

Хариуцагчийн зөвшөөрлийг баталж,

хэргийг хэрэгсэхгүй болгох тухай

 

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч Х.Оюунжаргал би,

 

Нэхэмжлэгч: Е ХХК /регистрийн дугаар: ******/-ийн нэхэмжлэлтэй

 

Хариуцагч: Э.Н /регистрийн дугаар:******/-д холбогдох

 

Зээлийн гэрээний үүрэгт 1,165,920.2 төгрөг гаргуулах тухай нэхэмжлэлтэй иргэний хэргийг хүлээн авч хянаад

 

ТОДОРХОЙЛОХ нь:

 

1.Нэхэмжлэгч Е ХХК нь шүүхэд гаргасан нэхэмжлэлдээ: Зээлдэгч Э.Н нь манай Е ХХК-тай 2022 оны 12 дугаар сарын 14-ний өдөр зээлийн гэрээ байгуулан гар утас худалдан авахта холбогдуулан 799,900 төгрөгийг сарын 3.5 хувийн хүүтэй, 12 сарын хугацаата зээлж авсан... зээлдэгч Э.Нээс 1,165,920.2 төгрөгийг гаргуулж өгнө үү гэжээ.

2.Хариуцагч Э.Н нь шүүхэд ирүүлсэн хариу тайлбартаа: Е ХХК-ийн нэхэмжилсэн 1,165,920.2 төгрөгийг төлөхийг зөвшөөрч байна. Хялбаршуулсан журмаар шийдэж өгнө үү. Уг төлбөрийг 2025 оны 4 дүгээр сарын 30-ны өдөр 233,184.04 төгрөг, 2025 оны 5 дугаар сарын 30-ны өдөр 233,184.04 төгрөг, 2025 оны 6 дугаар сарын 30-ны өдөр 233,184.04 төгрөг, 2025 оны 7 дугаар сарын 30-ны өдөр 233,184.04 төгрөг, 2025 оны 8 дугаар сарын 30-ны өдөр 233,184.04 төгрөгийг тус тус төлж барагдуулна гэжээ.

 

ҮНДЭСЛЭХ нь:

 

Нэхэмжлэгч Е ХХК нь хариуцагч Э.Нд холбогдуулан Зээлийн гэрээний үүрэгт 1,165,920.2 төгрөг гаргуулах тухай нэхэмжлэлийн шаардлага шүүхэд гаргажээ.

 

Хэрэг хянан шийдвэрлэх ажиллагааны явцад хариуцагч Э.Н нь нэхэмжлэлийн шаардлага болох 1,165,920.2 төгрөгийн төлбөрийг:

2025 оны 04 дүгээр сарын 30-ны өдөр 233,184.04 төгрөг,

2025 оны 05 дугаар сарын 30-ны өдөр 233,184.04 төгрөг,

2025 оны 06 дугаар сарын 30-ны өдөр 233,184.04 төгрөг,

2025 оны 07 дугаар сарын 30-ны өдөр 233,184.04 төгрөг,

2025 оны 08 дугаар сарын 30-ны өдөр 233,184.04 төгрөгөөр тус тус төлж барагдуулахыг хүлээн зөвшөөрсөн нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй хуульд харшлаагүй байна.

 

Иймд Хариуцагчийн зөвшөөрлийг баталж хэргийг хэрэгсэхгүй болгож шийдвэрлэх нь зүйтэй гэж шүүх үзлээ.

 

Улсын тэмдэгтийн хураамжийн талаар:

 

Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дүгээр зүйлийн 7.1.1 дэх хэсэгт зааснаар нэхэмжлэгч нь шүүхэд нэхэмжлэл гаргахдаа улсын тэмдэгтийн хураамжид урьдчилан 32,533 төгрөг төлснийг улсын төсөвт хэвээр үлдээж, хариуцагч Э.Нээс улсын тэмдэгтийн хураамжид 16,266.5 төгрөгийг, улсын төсвөөс 16,266.5 төгрөгийг буцаан гаргуулан нэхэмжлэгч Е ХХК-д тус тус олгов.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75, 75⁸ дугаар зүйлүүдийг удирдлага болгон

 

ЗАХИРАМЖЛАХ нь:

 

1.Нэхэмжлэгч Е ХХК-ийн нэхэмжлэлтэй хариуцагч Э.Нд холбогдох Зээлийн гэрээний үүрэгт 1,165,920.2 төгрөг гаргуулах тухай иргэний хэргийг Хариуцагчийн зөвшөөрлийг баталж, хэргийг хэрэгсэхгүй болгосугай.

 

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгч нь шүүхэд нэхэмжлэл гаргахдаа улсын тэмдэгтийн хураамжид урьдчилан 32,533 төгрөг төлснийг улсын төсөвт хэвээр үлдээж, хариуцагч Э.Нээс улсын тэмдэгтийн хураамжид 16,266.5 төгрөгийг, улсын төсвөөс 16,266.5 төгрөгийг буцаан гаргуулан нэхэмжлэгч Е ХХК-д тус тус олгосугай.

 

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар хэргийг хялбаршуулсан журмаар шийдвэрлэж байгаа тул зохигчид давж заалдах, хяналтын журмаар хянан шийдвэрлүүлэхээр гомдол гаргах тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

4.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар хариуцагч Э.Н нь энэхүү шүүгчийн захирамжийг сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

 

 

ШҮҮГЧ                 Х.ОЮУНЖАРГАЛ