2025 03 26 307/ШШ2025/00442

 

 

Зохигчийн эвлэрлийг баталж,

хэргийг хэрэгсэхгүй болгох тухай

 

 

Хэргийн индекс:307/2025/00310/и

Дархан-Уул аймаг дахь сум дундын анхан шатны шүүхийн шүүгч М.Оюунцэцэг би,

Нэхэмжлэгч: Өмнөговь аймаг, Даланзадгад сум, 3 дугаар багт байрлах, ******* банк ХК-ийн Өмнөговь салбар (РД:********)-ийн нэхэмжлэлтэй,

Хариуцагч: Дархан-Уул аймаг, Дархан сум, 3 дугаар баг, ******** тоотод оршин суух, ******* ******* овогт *******ын ******* (РД:******)-т холбогдох,

5,875,641.84 төгрөг гаргуулах тухай нэхэмжлэлийн шаардлагатай иргэний хэргийг хянаад,

ТОДОРХОЙЛОХ нь:

Хариуцагч Ц.******* нь шүүхэд ирүүлсэн тайлбартаа: ...Миний бие *******о овогтой ******* нь ******* банкнаас цалингийн зээл авсан нь үнэн. Зээлийн үлдэгдэл 5,875,641.84 төгрөгийг энэ оны 12 сардаа багтааж төлнө. 2025 оны 04 сард 500,000 төгрөг, 2025 оны 05 сард 500,000 төгрөг, 2025 оны 06 сард 500,000 төгрөг, 2025 оны 07 сард 500,000 төгрөг, 2025 оны 08 сард 500,000 төгрөг, 2025 оны 09 сарын 15-ны өдөр 500,000 төгрөг, 2025 оны 10 сарын 15-ны өдөр 500,000 төгрөг, 2025 оны 11 сарын 15-ны өдөр 500,000 төгрөг, 2025 оны 12 сарын 15-ны өдөр 500,000 төгрөг, 2026 оны 01 сарын 15-ны өдөр 500,000 төгрөг, 2026 оны 02 сарын 15-ны өдөр 500,000 төгрөг, 2026 оны 03 сарын 15-ны өдөр 500,000 төгрөг, 2026 оны 04 сарын 15-ны өдөр 375,641.84 төгрөгийг тус тус төлж барагдуулах хүсэлтэй байна... гэжээ.

Нэхэмжлэгчийн итгэмжлэгдсэн төлөөлөгч С.******* нь шүүхэд ирүүлсэн тайлбартаа: ..******* банкны Өмнөговь аймгийн салбарын нэхэмжлэлтэй, Ц.*******аас зээлийн төлбөр гаргуулах тухай нэхэмжлэлийг хариуцагч хүлээн зөвшөөрч төлбөрийг 12 сарын хугацаанд багтааж сар бүр төлөх тухай тайлбартай танилцлаа.

Нэхэмжлэгчийн итгэмжлэгдсэн төлөөлөгч болох С.******* би хариуцагчийн гаргасан тайлбар, хүсэлтийг зөвшөөрч 12 сарын хугацаанд төлөхийг зөвшөөрч байна. Иймд хэргийг хялбаршуулсан журмаар шийдвэрлэж өгнө үү... гэжээ.

ҮНДЭСЛЭХ нь:

1. Нэхэмжлэгч ******* банк ХК-ийн нэхэмжлэлтэй, хариуцагч Ц.*******т холбогдох 5,875,641.84 төгрөг гаргуулах тухай иргэний хэрэгт зохигчийн эвлэрлийг баталж, хэргийг хэрэгсэхгүй болгож шийдвэрлэв.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д: Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ, 74.2-т: Хэргийг хялбаршуулсан журмаар хянан шийдвэрлэх боломжтой гэж үзвэл шүүгч нэхэмжлэгчийн татгалзал, хариуцагчийн зөвшөөрөл, зохигч талуудын эвлэрэл, нэхэмжлэлийн шаардлагыг хариуцагч биелүүлснийг баталж, хэргийг хэрэгсэхгүй болгосон тухай захирамж гаргана гэж тус тус заажээ.

3. Хэрэг хянан шийдвэрлэх ажиллагааны явцад зохигчид нь эвлэрч, хариуцагч Ц.******* нь нэхэмжлэлийн шаардлага болох 5,875,641.84 төгрөгийг төлөхдөө 2025 оны 04 сард 500,000 төгрөг, 2025 оны 05 сард 500,000 төгрөг, 2025 оны 06 сард 500,000 төгрөг, 2025 оны 07 сард 500,000 төгрөг, 2025 оны 08 сард 500,000 төгрөг, 2025 оны 09 сарын 15-ны өдөр 500,000 төгрөг, 2025 оны 10 сарын 15-ны өдөр 500,000 төгрөг, 2025 оны 11 сарын 15-ны өдөр 500,000 төгрөг, 2025 оны 12 сарын 15-ны өдөр 500,000 төгрөг, 2026 оны 01 сарын 15-ны өдөр 500,000 төгрөг, 2026 оны 02 сарын 15-ны өдөр 500,000 төгрөг, 2026 оны 03 сарын 15-ны өдөр 500,000 төгрөг, 2026 оны 04 сарын 15-ны өдөр 375,641.84 төгрөгийг тус тус төлөхөөр нэхэмжлэгчийн итгэмжлэгдсэн төлөөлөгчтэй харилцан тохиролцож, эвлэрсэн байна.

Талуудын байгуулсан дээрх эвлэрэл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул шүүх зохигчийн эвлэрлийг баталж, хэргийг хэрэгсэхгүй болгож шийдвэрлэх нь зүйтэй байна.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 108,960 төгрөгийг төрийн сангийн орлогод хэвээр үлдээж, улсын тэмдэгтийн хураамжийн тал хувь болох 54,480 төгрөгийг хариуцагчаас, тал хувь болох 54,480 төгрөгийг Төрийн сангийн орлогоос тус тус гаргуулж, нэхэмжлэгчид олгох нь зүйтэй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1-д заасныг удирдлага болгон

ЗАХИРАМЖЛАХ нь:

1.   Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар ******* банк ХК-ийн нэхэмжлэлтэй, хариуцагч Ц.*******т холбогдох 5,875,641.84 төгрөг гаргуулах тухай иргэний хэрэгт хариуцагч нь нэхэмжлэлийн шаардлага болох 5,875,641.84 төгрөгийг төлөхдөө 2025 оны 04 сард 500,000 төгрөг, 2025 оны 05 сард 500,000 төгрөг, 2025 оны 06 сард 500,000 төгрөг, 2025 оны 07 сард 500,000 төгрөг, 2025 оны 08 сард 500,000 төгрөг, 2025 оны 09 сарын 15-ны өдөр 500,000 төгрөг, 2025 оны 10 сарын 15-ны өдөр 500,000 төгрөг, 2025 оны 11 сарын 15-ны өдөр 500,000 төгрөг, 2025 оны 12 сарын 15-ны өдөр 500,000 төгрөг, 2026 оны 01 сарын 15-ны өдөр 500,000 төгрөг, 2026 оны 02 сарын 15-ны өдөр 500,000 төгрөг, 2026 оны 03 сарын 15-ны өдөр 500,000 төгрөг, 2026 оны 04 сарын 15-ны өдөр 375,641.84 төгрөгийг тус тус төлөхөөр нэхэмжлэгчийн итгэмжлэгдсэн төлөөлөгчтэй харилцан тохиролцсон зохигчийн эвлэрлийг баталж, хэргийг хэрэгсэхгүй болгосугай.

 

2.   Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 108,960 төгрөгийг төрийн сангийн орлогод хэвээр үлдээж, улсын тэмдэгтийн хураамжийн тал хувь болох 54,480 төгрөгийг хариуцагчаас, тал хувь болох 54,480 төгрөгийг төрийн сангийн орлогоос тус тус гаргуулж, нэхэмжлэгч ******* банк ХК-д олгосугай.

 

3.   Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

ШҮҮГЧ М.ОЮУНЦЭЦЭГ