Хариуцагчийн зөвшөөрлийг баталж,

хэргийг  хэрэгсэхгүй болгох тухай

 

Багахангай, Налайх дүүргийн Иргэний хэргийн анхан шатны тойргийн шүүхийн Ерөнхий шүүгч Э.Дулмаа би,

Нэхэмжлэгч: Улаанбаатар хот, *******, *******, ******* ХК  /РД:*******/  нэхэмжлэлтэй,

Хариуцагч: Улаанбаатар хот, *******, *******, *******од  оршин суух, ******* овогт *******ын д /РД:/-д холбогдох, 

Зээлийн гэрээний үүрэг 10,080,328.58 төгрөгийг гаргуулах тухай нэхэмжлэлийг хүлээн авч хянаад

ТОДОРХОЙЛОХ нь:

Нэхэмжлэгч  ******* ХК шүүхэд гаргасан нэхэмжлэлдээ: З. цахимаар хүсэлт гаргаж, 2024 оны 08 дугаар сарын 09-ны дөр 2105210074 тоот зээлийн дансыг цахимаар үүсгэж 10,000,000 төгрөгийн зээлийг жилийн 21 хувийн хүүтэй 30 сарын хугацаатай авч ашигласан. З. зээлийн эргэн төлөлтийн хугацааг хэтрүүлэн, зээлээ хугацаанд нь төлөөгүй. 2025 оны 01 дүгээр сарын 27-ны өдрийн байдлаар нийт  10,080,328.58 төгрөгийн өр үүсгэж банкыг хохироож байна. Иймд З.гээс 10,080,328.58 төгрөгийг гаргуулж өгнө үү гэжээ.

Хариуцагч З. шүүхэд гаргасан тайлбартаа: *******ны нэхэмжилсэн 10,080,328.58 төгрөгийг төлж барагдуулахаар хүлээн зөвшөөрч байна гэжээ.

ҮНДЭСЛЭХ нь:

Нэхэмжлэгч  “*******” ХК нь хариуцагч З.д холбогдуулан 10,080,328.58  төгрөг гаргуулах нэхэмжлэлийн шаардлага гаргасан.

Хэрэг хянан шийдвэрлэх ажиллагааны явцад хариуцагч нь  нэхэмжлэлийн шаардлагыг төлөхийг зөвшөөрсөн тайлбарыг бичгээр гаргасан нь хэргийг хялбаршуулсан журмар шийдвэрлэх үндэслэл болсон байна.

Хариуцагчийн зөвшөөрөл нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул шүүх зохигчийн эвлэрлийг баталж, хэргийг хэрэгсэхгүй болгож шийдвэрлэх нь зүйтэй.

Иргэний хэрэг шүүхэд хянан шийдвэрлэх тухай 74 дүгээр зүйлийн 74.5-д зааснаар нэхэмжлэгчийн улсын  тэмдэгтийн хураамжид төлсөн 176,236 төгрөгийн 50 хувийг улсын орлогод үлдээж, 88,118 төгрөгийг улсын орлогоос, хариуцагчаас 88,118 төгрөгийг гаргуулж нэхэмжлэгчид олгох нь хуульд нийцнэ. 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2., 75 дугаар зүйлд заасныг тус тус удирдлага болгон

ЗАХИРАМЖЛАХ нь:

1. Хариуцагч З. нь нэхэмжлэгч “*******” ХК-ний нэхэмжилсэн 10,080,328.58 төгрөгийг төлөхийг зөвшөөрсөн тул хариуцагчийн зөвшөөрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчийн улсын  тэмдэгтийн хураамжид төлсөн 176236 төгрөгийн 50 хувийг улсын орлогод үлдээж, 88,118 төгрөгийг улсын орлогоос, хариуцагчаас 88,118 төгрөгийг тус тус гаргуулж нэхэмжлэгчид олгосугай.

3.Хариуцагч нь шүүгчийн захирамжийг сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4.-д зааснаар шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

ЕРӨНХИЙ ШҮҮГЧ                       Э.ДУЛМАА