Хариуцагчийн зөвшөөрлийг баталж,

хэргийг  хэрэгсэхгүй болгох тухай

 

Багахангай, Налайх дүүргийн Иргэний хэргийн анхан шатны тойргийн шүүхийн Ерөнхий шүүгч Э.Дулмаа би,

Нэхэмжлэгч: Улаанбаатар хот, *******, *******, *******од оршин суух, ******* овогт *******ы *******гийн /РД:*******  нэхэмжлэлтэй,

Хариуцагч: Улаанбаатар хот, *******, *******,од оршин суух, овогт ийн /РД:/-д холбогдох, 

Зээлийн гэрээний үүрэг 28,500,000 төгрөгийг гаргуулах тухай нэхэмжлэлийг хүлээн авч хянаад

ТОДОРХОЙЛОХ нь:

Нэхэмжлэгч  О.******* шүүхэд гаргасан нэхэмжлэлдээ: Б. гэх хүнд итгээд 7-14 хоногийн хугацаатай 28,500,000 төгрөг өгсөн. Хэд хэдэн удаа мөнгөө авъя гэж шаардсан боловч өгнө гээд одоо болтол өгөөгүй. Иймд Б.аас 28,500,000 төгрөгийг гаргуулж өгнө үү  гэжээ.

Хариуцагч Б. шүүхэд гаргасан тайлбартаа: ”Нэхэмжлэгч О.*******гийн нэхэмжилсэн 28,500,000 төгрөгийг төлж барагдуулна. Энэ хэргийг хялбаршуулсан журмаар шийдвэрлэж өгнө үү гэжээ.

ҮНДЭСЛЭХ нь:

Нэхэмжлэгч  О.******* нь хариуцагч Б.ад холбогдуулан 28,500,000 төгрөг гаргуулах нэхэмжлэлийн шаардлага гаргасан.

Хэрэг хянан шийдвэрлэх ажиллагааны явцад хариуцагч нь  нэхэмжлэлийн шаардлагыг төлөхийг зөвшөөрсөн тайлбарыг бичгээр гаргасан нь хэргийг хялбаршуулсан журмар шийдвэрлэх үндэслэл болсон байна.

Хариуцагчийн зөвшөөрөл нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул шүүх зохигчийн эвлэрлийг баталж, хэргийг хэрэгсэхгүй болгож шийдвэрлэх нь зүйтэй.

Иргэний хэрэг шүүхэд хянан шийдвэрлэх тухай 74 дүгээр зүйлийн 74.5-д зааснаар нэхэмжлэгчийн улсын  тэмдэгтийн хураамжид төлсөн 300450 төгрөгийн 50 хувийг улсын орлогод үлдээж, 150,225 төгрөгийг улсын орлогоос, хариуцагчаас 150,225 төгрөгийг гаргуулж нэхэмжлэгчид олгох нь хуульд нийцнэ. 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2., 75 дугаар зүйлд заасныг тус тус удирдлага болгон

ЗАХИРАМЖЛАХ нь:

1. Хариуцагч Б. нь нэхэмжлэгч О.*******гийн нэхэмжилсэн 28,500,000 төгрөгийг төлөхийг зөвшөөрсөн тул хариуцагчийн зөвшөөрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгч О.*******гийн улсын  тэмдэгтийн хураамжид төлсөн 300,450 төгрөгийн 50 хувийг улсын орлогод үлдээж, 150,225 төгрөгийг улсын орлогоос, хариуцагчаас 150,225 төгрөгийг гаргуулж нэхэмжлэгч О.*******д олгосугай.

3.Хариуцагч нь шүүгчийн захирамжийг сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4.-д зааснаар шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

ЕРӨНХИЙ ШҮҮГЧ                       Э.ДУЛМАА