2025         02           26                                    128/ШШ2025/0172    

 

                            Нэхэмжлэгч нэхэмжлэлийн шаардлагаас

                                  татгалзсаныг баталж, хэргийг

                                    хэрэгсэхгүй болгох тухай

 

Нийслэл дэх Захиргааны хэргийн анхан шатны шүүхийн шүүгч С.Ганбат би, “М*******” ХХК-ийн нэхэмжлэлтэй, Харилцаа холбоо зохицуулах хороонд холбогдох захиргааны хэргийг хянаад,    

ТОДОРХОЙЛОХ нь:

Нэхэмжлэгчийн итгэмжлэгдсэн төлөөлөгч шүүхэд бичгээр ирүүлсэн татгалзалдаа: “М*******” ХХК-ийн нэхэмжлэлтэй, Харилцаа холбоо зохицуулах хороонд холбогдох захиргааны хэрэгт нэхэмжлэгч нь Захиргааны хэрэг хянан шийдвэрлэх тухай хуулийн 20 дугаар зүйлийн 20.1.1 дэх хэсэгт заасны дагуу 2025 оны 02 дугаар сарын 17-ны өдөр гаргасан нэхэмжлэлийн шаардлагаасаа бүхэлд нь татгалзах хүсэлт гаргаж байна.” гэв. 

ҮНДЭСЛЭХ НЬ:

Тус захиргааны хэргийн нэхэмжлэгч нь хэрэг хянан шийдвэрлэх ажиллагааны явцад шүүхэд гаргасан нэхэмжлэлийн шаардлагаасаа бүхэлд нь татгалзаж буй тайлбараа бичгээр ирүүлжээ.   

Захиргааны хэрэг шүүхэд хянан шийдвэрлэх тухай хуулийн 66 дугаар зүйлийн 66.1-т “Нэхэмжлэгч хэрэг хянан шийдвэрлэх ажиллагааны аль ч үе шатанд нэхэмжлэлээсээ бүхэлд нь, эсхүл хэсэгчлэн татгалзаж болно.” гэж заасны дагуу нэхэмжлэгч “М*******” ХХК-аас Харилцаа холбоо зохицуулах хороонд холбогдуулан гаргасан “Харилцаа холбооны зохицуулах хорооны 2024 оны 03 дугаар сарын 11-ний өдрийн “Хариу хүргүүлэх тухай” 01/*** дугаартай албан бичгийг хүчингүй болгуулж, 55хх-хххх угтвар бүхий 1,000,000 дугаарлалтын эзэмших эрхийг “М*******” ХХК-д олгохоос татгалзсан шийдвэрийг хууль бус болохыг тогтоолгож, дугаарлалтын эзэмших эрхийг олгохыг даалгуулах”-ыг хүссэн шаардлага бүхий нэхэмжлэлээсээ бүхэлд нь татгалзсаныг баталж, хэргийг хэрэгсэхгүй болгож шийдвэрлэх үндэслэлтэй байна.   

Мөн нэхэмжлэгчид Захиргааны хэрэг шүүхэд хянан шийдвэрлэх тухай хуулийн 66 дугаар зүйлийн 66.4-д зааснаар “нэхэмжлэгч нэхэмжлэлээсээ татгалзсан бол уг асуудлаар дахин шүүхэд нэхэмжлэл гаргах эрхээ алдах”, мөн хуулийн 69 дүгээр зүйлийн 69.2-т зааснаар “ ...хэргийг хэрэгсэхгүй болгосон шүүгчийн захирамжид гомдол гаргах эрхгүй” талаар тайлбарлан хэргийг хялбаршуулсан журмаар шийдвэрлэсний үр дагаврыг танилцуулж, баримтыг хэрэгт хавсаргасан болохыг тэмдэглэж байна.      

Захиргааны хэрэг шүүхэд хянан шийдвэрлэх тухай хуулийн 111 дүгээр зүйлийн 111.1 дэх хэсгийг удирдлага болгон ЗАХИРАМЖЛАХ нь:   

1.Захиргааны хэрэг шүүхэд хянан шийдвэрлэх тухай хуулийн 66 дугаар зүйлийн 66.1 дэх хэсэгт заасныг баримтлан “М*******” ХХК-ийн нэхэмжлэлтэй, Харилцаа холбоо зохицуулах хороонд холбогдуулан гаргасан “Харилцаа холбооны зохицуулах хорооны 2024 оны 03 дугаар сарын 11-ний өдрийн “Хариу хүргүүлэх тухай” 01/*** дугаартай албан бичгийг хүчингүй болгуулж, 55хх-хххх угтвар бүхий 1,000,000 дугаарлалтын эзэмших эрхийг “М*******” ХХК-д олгохоос татгалзсан шийдвэрийг хууль бус болохыг тогтоолгож, дугаарлалтын эзэмших эрхийг олгохыг даалгуулах”-ыг хүссэн нэхэмжлэлийн шаардлагаасаа бүхэлд нь татгалзсаныг баталж, хэргийг хэрэгсэхгүй болгосугай.     

2.Шүүгчийн захирамжийн хувийг хэргийн оролцогчид, тэдгээрийн төлөөлөгч, өмгөөлөгч нарт мэдэгдэж, гардуулахыг шүүгчийн туслах Г.Б******* даалгасугай. 

3.Захиргааны хэрэг шүүхэд хянан шийдвэрлэх тухай хуулийн хуулийн 66 дугаар зүйлийн 66.4, 69 дүгээр зүйлийн 69.2-т зааснаар нэхэмжлэгч нь энэ шаардлагаар дахин нэхэмжлэл гаргах болон энэ захирамжид гомдол гаргах эрхгүй.

 

 

ШҮҮГЧ                                С.ГАНБАТ