2025          03          28                                      157/ШШ2025/00070

  

 

 

    Хариуцагчийн зөвшөөрлийг баталж,

    хэргийг хэрэгсэхгүй болгох тухай

 

 

Х аймгийн Б сум дахь Сум дундын шүүхийн шүүгч         Б.Болор-Эрдэнэ би

Нэхэмжлэгч: Ухот, Сүхбаатар дүүрэг, 8 дугаар хороо, С 15 давхар, “М Банк” ХК-ийн нэхэмжлэлтэй,

Хариуцагч: Х аймгийн Б сум, 4 дүгээр баг Жаргалантын 4-404 тоотод оршин суух, А овогт Б-ын О-д холбогдох

“зээлийн гэрээний үүрэгт 24,012,411.19 төгрөг гаргуулах” тухай нэхэмжлэлийг 2025 оны 3 дугаар сарын 10-ны өдөр хүлээн авч, 2025 оны 3 дугаар сарын 14-ний өдөр иргэний хэрэг үүсгэж хянаад   

                                                             

ТОДОРХОЙЛОХ нь:

         Нэхэмжлэгч  “М Банк” ХК-ийн итгэмжлэгдсэн төлөөлөгч Г.З шүүхэд гаргасан нэхэмжлэлдээ: “Зээлдэгч Б.О нь “Хэрэглээний зээл”-ийн эрхийн гэрээ байгуулсан бөгөөд энэхүү гэрээний үндсэн дээр 2024 оны 08 дугаар сарын 27-нд 6000274756 тоот “Цахим зээлийн гэрээ”-г байгуулж, 21,410,000 төгрөгийн зээлийг сарын 2 хувийн хүүтэй, 30 сарын хугацаатай зээлдэн авсан. Зээлдэгчтэй байгуулсан 6000274756 тоот “Цахим зээлийн гэрээ”-ний үүргийг 151 хоног хугацаа хэтрүүлсэн байна. Зээлдэгчтэй байгуулсан 6000274756 тоот “Цахим зээлийн гэрээ”-ний хугацаа 2027 оны 02 дугаар сарын 26-нд дуусахаар байх бөгөөд зээлдэгч өнөөдрийн байдлаар зээлийн гэрээний үүргээ биелүүлээгүй байна.

Иргэний хуулийн 225 дугаар зүйлийн 225.1, 225.2, 226 дугаар зүйлийн 226.1 дэх заалт болон “Хэрэглээний зээл”-ийн эрхийн гэрээний 8 дугаар зүйлийн 8.3 дах заалтыг тус тус үндэслэн дээрх Цахим зээлийн гэрээг хугацаанаас нь өмнө цуцлах үндэслэлтэй байна.

Нэхэмжлэлийн шаардлага:

Дээрх Цахим зээлийн гэрээг цуцалж нэхэмжлэл гаргах өдрийн байдлаар 6000274756 тоот гэрээний үүрэгт Үндсэн зээлийн төлбөрт 21,410,000 төгрөг, Үндсэн хүүний төлбөрт 2,547,133.29 төгрөг, Нэмэгдүүлсэн хүүний төлбөрт 32,277.90 төгрөг, нотариатын төлбөрт 23,000, Нийт 24,012,411.19 төгрөгийг зээлдэгч Балжинням Отгонтуяагаас гаргуулах.” гэжээ.

           

Хариуцагч Б.О шүүхэд бичгээр ирүүлсэн хариу тайлбартаа: “Миний бие “М банк”-наас 20,000,000 төгрөг зээлж авсан нь үнэн. Иймд танай банкнаас нэхэмжлэл ирсний дагуу зээлээ төлж дуусгана. Нийт 24,012,411.19 төгрөгийг төлж дуусгана.” гэжээ.

 

 

 

ҮНДЭСЛЭХ нь:

Нэхэмжлэгч “М Банк” ХК нь хариуцагч Б.О-д холбогдуулан зээлийн гэрээний үүрэгт 24,012,411.19 төгрөг гаргуулах тухай нэхэмжлэлийн шаардлага гаргажээ.

Хариуцагч Б.О нь хэрэг хянан шийдвэрлэх ажиллагааны явцад “..банкнаас нэхэмжлэл ирсний дагуу зээлээ төлж дуусгана. Нийт 24,012,411.19 төгрөгийг төлж дуусгана.” гэж нэхэмжлэлийн шаардлагыг бүрэн хэмжээгээр хүлээн зөвшөөрсөн хариу тайлбар гаргасан нь бусдын хуулиар хамгаалагдсан эрх, ашиг сонирхолд харшлахгүй, хууль зөрчөөгүй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1 дэх хэсэгт “Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ.” гэж заасан.

Иймд хариуцагч Б.Огийн нэхэмжлэлийн шаардлага болох 24,012,411.19 төгрөгийг төлөхийг хүлээн зөвшөөрсөн тайлбарыг үндэслэн хэргийг хялбаршуулсан журмаар хянан шийдвэрлэх боломжтой гэж шүүх үзэж, хариуцагчийн зөвшөөрлийг баталж, хэргийг хэрэгсэхгүй болгож шийдвэрлэв.

 

Нэхэмжлэгч “М Банк” ХК-ийн улсын тэмдэгтийн хураамжид урьдчилан төлсөн 278,012 төгрөгийг төрийн сангийн дансанд хэвээр үлдээн улсын орлого болгож, хэргийг хялбаршуулсан журмаар шийдвэрлэсэн тул улсын тэмдэгтийн хураамж 278,012 төгрөгийг тал хувиар бууруулж, хариуцагч Б.Огаас улсын тэмдэгтийн хураамжид 139,006 төгрөг, Төрийн сангийн орлогоос улсын тэмдэгтийн хураамжид 139,006 төгрөгийг тус тус гаргуулж, нэхэмжлэгч “М Банк” ХК-нд олгох нь зүйтэй байна.

 

Иргэний хэрэг шүүхэд хянан шийдвэрлэх тухай хуулийн 74, 75 дугаар зүйл,  123 дугаар зүйлийн 123.1 дэх хэсэгт заасныг тус тус удирдлага болгон  ЗАХИРАМЖЛАХ нь:

 

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2 дахь хэсэгт зааснаар нэхэмжлэгч “М Банк” ХК-ийн нэхэмжлэлтэй хариуцагч Б.О-д холбогдох зээлийн гэрээний үүрэг 24,012,411.19 (хорин дөрвөн сая арван хоёр мянга дөрвөн зуун арван нэгэн төгрөг, арван есөн мөнгө) төгрөг гаргуулах тухай иргэний хэрэгт хариуцагчийн зөвшөөрлийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгч “М Банк” ХК-ийн улсын тэмдэгтийн хураамжид урьдчилан төлсөн 278,012 төгрөгийг төрийн сангийн дансанд хэвээр үлдээн улсын орлого болгож, хариуцагч Б.Огаас улсын тэмдэгтийн хураамж 139,006 төгрөгийг, Төрийн сангийн орлогоос улсын тэмдэгтийн хураамж 139,006 төгрөгийг тус тус гаргуулж, нэхэмжлэгч “М Банк” ХК-нд олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү шүүгчийн захирамжийг хариуцагч Б.О нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4.Шүүхийн шийдвэр гүйцэтгэх тухай хуулийн 18 дугаар зүйлийн 18.1.1 дэх заалтад зааснаар уг шүүгчийн захирамж хуулийн хүчин төгөлдөр болсноос хойш 4 жилийн хугацаа өнгөрсөн тохиолдолд иргэний шийдвэр гүйцэтгэх ажиллагаа үүсгэхгүй болохыг дурдсугай.

5.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар энэхүү шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

 

   ШҮҮГЧ                        Б.БОЛОР-ЭРДЭНЭ