Хариуцагч нэхэмжлэлийн шаардлагыг

хүлээн зөвшөөрсөнийг баталж,

хэргийг хэрэгсэхгүй болгох тухай

 

   

Дорноговь аймаг дахь сум дундын анхан шатны шүүхийн шүүгч Д.Наранцэцэг  би,

Нэхэмжлэгч:Улаанбаатар хот,Сүхбаатар дүүрэг,8 дугаар хороо, Сентрал-Тауэр-7 давхарт 712 тоотод байрлах “О ББСБ”ХХК-ны  нэхэмжлэлтэй,

Хариуцагч:Дорноговь аймаг Сайншанд сум,5 дугаар баг,Зүүнбаян 83 дугаар байрны 02 тоотод оршин суух, Ч. Т-д холбогдох,

Нэхэмжлэлийн шаардлага: Гэрээний үүргийн гүйцэтгэлд нийт 925,435 төгрөг гаргуулах тухай иргэний хэргийг хянаад

                                        ТОДОРХОЙЛОХ НЬ:

         Нэхэмжлэгч: “О ББСБ”ХХК шүүхэд гаргасан нэхэмжлэлдээ: “...2023 оны 11 дүгээр сарын 18-ны өдөр гэрээ байгуулсан. Хариуцагч Ч.Ш зээлийн гэрээний үүргээ зохих ёсоор биелүүлээгүй тул түүнээс үндсэн зээл-590,000 төгрөг, хүүгийн төлбөрт 329,535 төгрөг,шимтгэл 5,900 төгрөг нийт 925,435  төгрөгийг гэрээний  үүргийн гүйцэтгэлд  гаргуулж өгнө үү гэжээ.

Хариуцагч: Ч.Ш гаргасан тайлбартаа: “О ББСБ”ХХК-иас нэхэмжилж байгаа нийт 925,435 төгрөгийг төлөхөө хүлээн зөвшөөрч байна.

          Талууд хэргийг хялбаршуулсан журмаар шийдвэрлэж өгнө үү гэжээ.

                                                         ҮНДЭСЛЭХ НЬ:

Нэхэмжлэгч “О ББСБ”ХХК-нь хариуцагч  холбогдуулан үндсэн зээл-590,000 төгрөг, хүүгийн төлбөрт 329,535 төгрөг,шимтгэл 5,900 төгрөг нийт 925,435  төгрөгийг гаргуулахаар нэхэмжлэлийн шаардлага гаргажээ.

Хариуцагч Ч.Ш нь нэхэмжлэлийн шаардлага 925,435 төгрөгийг төлөхөө хүлээн зөвшөөрсөн байх тул хариуцагч нэхэмжлэлийн шаардлагыг хүлээн зөвшөөрсөнийг баталж, хэргийг хэрэгсэхгүй болгож шийдвэрлэх нь зүйтэй байна.

  Хариуцагчийн зөвшөөрөл нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул хариуцагчийн зөвшөөрлийг баталж, хэргийг хэрэгсэхгүй болгож шийдвэрлэх үндэслэлтэй байна.

 

Монгол Улсын Иргэний хэрэг шүүхэд хянан шийдвэрлэх тухай хуулийн 74, 75 дугаар зүйл, 123 дугаар зүйлийн 123.1 дэх хэсгийг удирдлага болгон

ЗАХИРАМЖЛАХ НЬ:

 1.Нэхэмжлэгч “О ББСБ”ХХК-иас нэхэмжилсэн 925,435 төгрөгийг хариуцагч Ч.Ш нь төлөхөө хүлээн зөвшөөрсөн байх тул хариуцагч нэхэмжлэлийн шаардлагыг хүлээн зөвшөөрсөнийг баталж, хэргийг хэрэгсэхгүй болгосугай.

 2.Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.5, 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид урьдчилан төлсөн 26,765 төгрөгнөөс 13,385 төгрөгийг улсын төсвийн орлогод хэвээр үлдээж,13,385 төгрөгийг улсын төсвийн орлогоос 13,385 төгрөгийг хариуцагч Ч.Шс тус тус гаргуулж нэхэмжлэгч “О ББСБ” ХХК-нд олгосугай. 

 3.Шүүхийн шийдвэрийг талууд сайн дураар биелүүлээгүй бол шүүхийн шийдвэрийг нэг адил албадан гүйцэтгэхийг мэдэгдсүгэй.

 4.Энэхүү шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайí асуудлаар анхан шатны шүүхэд дахин нэхэмжлэл гаргах эрхгүй болохыг дурьдсугай.

 

                                       

ШҮҮГЧ                                Д.НАРАНЦЭЦЭГ