МОНГОЛ УЛСЫН НЭРИЙН ӨМНӨӨС

 

Сэлэнгэ аймаг дахь Сум дундын анхан шатны шүүхийн иргэний шүүх хуралдааныг ерөнхий шүүгч Ч.Мөнгөнцэцэг даргалж, тус шүүхийн шүүх хуралдааны В танхимд нээлттэй хийсэн шүүх хуралдаанаар:

Хүсэлт гаргагч: С*** аймгийн Засаг даргын Тамгын Газар /РД:9****/-ийн нэхэмжлэлтэй,

Э** к*** ХХК /РД:4***/-ийн захирал Б.Б*** эрэн сурвалжлуулах-ыг хүссэн иргэний 316/2025/00301/И индекстэй хэргийг хянан хэлэлцэв.

Шүүх хуралдаанд: Хүсэлт гаргагч С*** аймгийн Засаг даргын Тамгын Газар -ын итгэмжлэгдсэн төлөөлөгч Э.Б***, хуралдааны нарийн бичгийн даргаар Т.Буянхишиг нар оролцов.

 

ТОДОРХОЙЛОХ нь:

Нэхэмжлэгч нь шүүхэд гаргасан хүсэлт буюу нэхэмжлэлдээ ... С*** аймгийн Засаг даргын Тамгын газрын 2020 оны 04 дүгээр сарын 22-ны өдрийн СЭ01-56/2020 дугаартай С** аймгийн М** сумын Хэрх тосгоны Я** цэцэрлэгийн барилгын их засварын ажлыг 2020 оны 05 дугаар сарын 11-ний өдөр эхэлж, 2020 оны 07 дугаар сарын 11-ний өдөр ашиглалтад оруулахаар гэрээ байгуулаад гэрээний санхүүжилт 188 731.873 төгрөгийг олгон ажилласан бөгөөд ажлын гүйцэтгэл 79.8 хувьд хүрч гэрээний дүнгийн 79.8 хувийн санхүүжилтийг олгосон бөгөөд ажил гүйцэтгэх үед ажлын гүйцэтгэл норм стандартын дагуу хийгдээгүй, засах талаар удаа дараа үүрэг даалгавар өгсөн боловч биелүүлээгүй. "Э** К**" ХХК-ийн захирал Б Б** гэрээний ерөнхий хугацаа дуусаж, гэрээгээр хүлээсэн үүргээ биелүүлээгүй тул олгосон санхүүжилт 188.731.873 төгрөгийг гаргуулахаар О** аймаг дахь Иргэний хэргийн анхан шатны шүүхэд нэхэмжлэл гаргасан бөгөөд хариуцагчийн хаяг тодорхойгүй гэх үндэслэлээр нэхэмжлэлийг хүлээн авахаас татгалзсан захирамж гарсан. Иймд "Э*** К*** ХХК-ийн /захирал Б.Б***/ компанийн үйл ажиллагаа явуулдаг хаяг /РД:4***/ О*** аймаг, Б**р сум, У*** баг, Ч*** төв, 2** тоот хаяг, утасны дугаар 8****, 8*** дугаараар холбогдох гэсэн боловч холбоо барих боломжгүй байгаа бөгөөд одоо хаана үйл ажиллагаа явуулж байгаа нь тодорхойгүй байх тул Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.2-д зааснаар хариуцагч Э**** К* ХХК**, захирал Б.Б**** эрэн сурвалжилж өгнө үү...гэжээ.

Шүүх хэрэг авагдсан нотлох баримтуудыг бүхэлд нь шинжлэн судлаад,

 

ҮНДЭСЛЭХ нь:

 

Нэхэмжлэгч С*** аймгийн Засаг даргын Тамгын Газар нь Э* к**о**** ХХК /РД:4****/-ийн захирал Б.Б**** эрэн сурвалжлуулах хүсэлт гаргасан ба шүүх нэхэмжлэлийн шаардлагыг хангаж шийдвэрлэх үндэслэлтэй байна гэж үзлээ.

Иргэний хэргийн хариуцагчаар оролцвол зохих этгээд болох Эрдэнэт констрактив ХХК /РД:4******/-ийн захирал Б.Б*** /РД: ******* /дугаартай оршин суугаа газар нь мэдэгдэхгүй болсон нь нэхэмжлэгчийн шүүхэд гаргасан тайлбар, хүсэлт, тодорхойлолт болон бусад бичгийн нотлох баримтуудаар тогтоогдож байна.

Иймд С**** аймгийн Засаг даргын Тамгын Газар-ын хүсэлтийг хүлээн авч, оршин суух хаяг нь тодорхойгүй этгээд болох Э***** к**** ХХК /******/-ийн захирал Б.Б******* эрэн сурвалжлах нь зүйтэй байна.

Э**** к**** ХХК /РД:4******/-ийн захирал Б.Б**** /РД: *****/-г эрэн сурвалжлах ажиллагааг Цагдаагийн байгууллагаар гүйцэтгүүлэх нь зүйтэй байна.

Нэхэмжлэгчийн нэхэмжлэл Улсын тэмдэгтийн хураамжийн тухай хуулийн 41 дүгээр зүйлийн 41.1.3-д заасан үндэслэлээр чөлөөлөгдсөн болохыг дурдвал зохино.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118, 133 дугаар зүйлийн 133.1.9-д заасныг удирдлага болгон ТОГТООХ нь:

1.Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3 дахь хэсэгт зааснаар Э*** к*** ХХК /РД:4***/-ийн захирал Б.Б**** /РД:*****/ эрэн сурвалжилсугай.

2.Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.4 дэх хэсэгт зааснаар Э******** к****** ХХК /РД:4****/-ийн захирал Б.Б******* эрэн сурвалжилж, оршин суугаа хаягийг тогтоох ажиллагааг хийж, хүсэлт гаргагч С****** аймгийн Засаг даргын Тамгын газарт мэдэгдэхийг Сэлэнгэ аймгийн Цагдаагийн газарт даалгасугай.

3.Нэхэмжлэгчийн нэхэмжлэл Улсын тэмдэгтийн хураамжийн тухай хуулийн 41 дүгээр зүйлийн 41.1.3-д заасан үндэслэлээр чөлөөлөгдсөн болохыг дурдсугай.

4.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2 дахь хэсэгт зааснаар шийдвэр танилцуулан сонсгомогц хүчинтэй болох бөгөөд мөн хуулийн 120 дугаар зүйлийн 120.2-т зааснаар зохигч, тэдгээрийн төлөөлөгч шийдвэрийг эс зөвшөөрвөл гардан авсан өдрөөс хойш 14 хоногийн дотор Сэлэнгэ аймгийн Эрүү, Иргэний хэргийн давж заалдах шатны шүүхэд гомдол гаргах эрхтэйг дурдсугай.

 

 

ДАРГАЛАГЧ, ЕРӨНХИЙ ШҮҮГЧ Ч.МӨНГӨНЦЭЦЭГ