2025 04 18

193/ШШ2025/00265

 

Зохигчийн эвлэрлийг баталж,

хэргийг хэрэгсэхгүй болгох тухай

 

Багахангай, Налайх дүүргийн Иргэний хэргийн анхан шатны тойргийн шүүхийн Ерөнхий шүүгч Э.Дулмаа би,

Нэхэмжлэгч: Чингэлтэй дүүрэг, 01 дүгээр хороо, өөрийн байр ******* ХК /РД:*******/-ийн нэхэмжлэлтэй,

Хариуцагч: Улаанбаатар хот, Налайх дүүрэг, *******, *******, ******* тоотод оршин суух, ******* овогт *******ын ид /РД:/ холбогдох,

Зээлийн гэрээний үүрэгт 10,281,514.69 төгрөг гаргуулах тухай нэхэмжлэлийг  хүлээн авч иргэний хэрэг үүсгэн хянаад

ТОДОРХОЙЛОХ нь:

Нэхэмжлэгч ******* ХК шүүхэд гаргасан нэхэмжлэлдээ: Зээлдэгч О. нь *******тай цахимаар 2024 оны 08 дугаар сарын 23-ний өдөр ЗГ-R001523894 тоот дижитал зээлийн гэрээ байгуулж, 10,000,000 төгрөгийн зээлийг жилийн 21 хувийн хүүтэй, 30 сарын хугацаатай авч ашигласан. Зээлийн гэрээгээр хүлээсэн үүргээ 141 хоногийн хугацаа хэтрүүлсэн. Иймд зээлдэгч О.оос үндсэн зээл үлдэгдэл 9,349,735.81 төгрөг, хүү 919,030.12 төгрөг, нэмэгдүүлсэн хүү 12,748.76 төгрөг нийт 10,281,514.69 төгрөгийг гаргуулж өгнө үү гэжээ.

Хариуцагч О. шүүхэд бичгээр гаргасан хариу тайлбартаа: ******* ХК-ий нэхэмжилсэн 10,281,514.69 төгрөгийг 2025 оны 05 дугаар сарын 25-ны өдрөөс 2025 оны 10 дугаар сарын 25-ны өдөр хүртэл сар бүр 1,713,585.67 төгрөгөөр төлж барагдуулна гэжээ.

Нэхэмжлэгч шүүхэд гаргасан тайлбартаа: Хариуцагчийн гаргасан 10,281,514.69 төгрөгийг 2025 оны 05 дугаар сарын 25-ны өдрөөс 2025 оны 10 дугаар сарын 25-ны өдөр хүртэл сар бүр 1,713,585.67 төгрөгөөр төлөх тайлбарыг хүлээн зөвшөөрч байна гэжээ.

ҮНДЭСЛЭХ нь:

Нэхэмжлэгч ******* ХК нь хариуцагч О.ид холбогдуулан 10,281,514.69 төгрөг гаргуулах нэхэмжлэлийн шаардлагыг шүүхэд гаргажээ.

Хариуцагч О. нэхэмжлэлийн шаардлага 10,281,514.69 төгрөгийг төлөхийг зөвшөөрч бичгээр тайлбар гаргасан байна.

Иймд шүүх иргэний хэргийг хялбаршуулсан журмаар шийдвэрлэж, хариуцагч нэхэмжлэлийн шаардлагыг төлөхийг зөвшөөрснийг баталж, хэргийг хэрэгсэхгүй болгох нь зүйтэй.

Нэхэмжлэгчийн улсын тэмдэгтийн хураамжинд төлсөн 179,455 төгрөгийн 50 хувь буюу 89,728 төгрөгийг улсын орлогод хэвээр үлдээж, 89,728 төгрөгийг улсын орлогоос, 89,728 төгрөгийг хариуцагчаас гаргуулж нэхэмжлэгч ******* ХК -д олгох нь хуульд нийцнэ.

Хэргийг хялбаршуулсан журмаар шийдвэрлэж байгаа тул зохигч давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин шийдвэрлүүлэхээр нэхэмжлэл гаргах эрхгүй болно.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75⁸ дугаар зүйл, 75 дугаар зүйлд заасныг тус тус удирдлага болгон

ЗАХИРАМЖЛАХ нь:

1. Хариуцагч О. нэхэмжлэгч ******* ХК -ийн нэхэмжилсэн 10,281,514.69 төгрөгийг 2025 оны 05 дугаар сарын 25-ны өдрөөс 2025 оны 10 дугаар сарын 25-ны өдөр хүртэл сар бүр 1,713,585.67 төгрөгөөр төлөхөөр нэхэмжлэгчтэй тохиролцсон байх тул зохигчийн эвлэрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжинд төлсөн 179,455 төгрөгийн 50 хувь буюу 89,728 төгрөгийг улсын орлогод хэвээр үлдээж, 89,728 төгрөгийг улсын орлогоос, 89,728 төгрөгийг хариуцагчаас гаргуулж нэхэмжлэгч ******* ХК -д олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар захирамжийг хариуцагч сайн дураар биелүүлээгүй бол шийдвэрийн нэгэн адил албадан гүйцэтгэхийг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тохиолдолд зохигч давж заалдах гомдол гаргах, тухайн асуудлаар анхан шатны шүүхэд дахин шийдвэрлүүлэхээр нэхэмжлэл гаргах эрхгүйг дурдсугай.

 

 

 

ЕРӨНХИЙ ШҮҮГЧ Э.ДУЛМАА