Хариуцагч нэхэмжлэлийн шаардлагыг

хүлээн зөвшөөрснийг баталж,

хэргийг хэрэгсэхгүй болгох тухай

 

   

Дорноговь аймаг дахь сум дундын  анхан шатны шүүхийн шүүгч Д.Наранцэцэг  би,

Нэхэмжлэгч: Улаанбаатар хот, Сүхбаатар дүүрэг, 8-р хороо Сентрал тауэр, 5 давхар, 510 тоотод байрлах “ А ББСБ”  ХХК-ийн нэхэмжлэлтэй,

Хариуцагч: Дорноговь аймаг Сайншанд сум, 2 дугаар баг, Эрүүл мэнд 4 гудамж, 406  тоотод оршин суух, Д.Б холбогдох

Нэхэмжлэлийн шаардлага: Зээлийн гэрээний үүргийн гүйцэтгэлд 1,433,769.53 төгрөг гаргуулах тухай

                                        ТОДОРХОЙЛОХ НЬ:

Нэхэмжлэгч “А ББСБ” ХХК шүүхэд гаргасан нэхэмжлэлдээ: хариуцагч П.Б-с зээлийн гэрээний үүргийн гүйцэтгэлд 1,433,769.53 төгрөг гаргуулж өгнө үү гэжээ.

Хариуцагч П.Бат-Отгон шүүхэд ирүүлсэн хариу тайлбартаа: ”...Нэхэмжлэлийн шаардлага 1,433,769.53 төгрөгийг төлөхийг хүлээн зөвшөөрч байна. Хэргийг хялбаршуулсан журмаар шийдвэрлэж өгнө үү гэжээ.

                                                         ҮНДЭСЛЭХ НЬ:

Нэхэмжлэгч “А ББСБ”  ХХК нь хариуцагч П.Б-д холбогдуулан зээлийн гэрээний үүргийн гүйцэтгэлд 1,433,769.53 төгрөг гаргуулах  нэхэмжлэлийн шаардлага гаргажээ.

Хариуцагч П.Б шүүхэд ирүүлсэн хариу тайлбартаа: Нэхэмжлэлийн шаардлагын дүн 1,433,769,53 төгрөгийг төлөхийг хүлээн зөвшөөрч байна гэжээ.

Хариуцагч П.Бнэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгож шийдвэрлэх нь зүйтэй байна.

  Хариуцагчийн зөвшөөрөл нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул хариуцагчийн зөвшөөрлийг баталж, хэргийг хэрэгсэхгүй болгож шийдвэрлэх үндэслэлтэй байна.

Монгол Улсын Иргэний хэрэг шүүхэд хянан шийдвэрлэх тухай хуулийн 74, 75 дугаар зүйл, 123 дугаар зүйлийн 123.1 дэх хэсгийг удирдлага болгон

ЗАХИРАМЖЛАХ НЬ:

 1.Нэхэмжлэгч “А ББСБ”  ХХК нэхэмжилсэн зээлийн гэрээний үүргийн гүйцэтгэлд 1,433,769.53 төгрөгийг хариуцагч П.Б төлөхөө хүлээн зөвшөөрсөн, хариуцагчийн зөвшөөрлийг баталж хэргийг хэрэгсэхгүй болгосугай.

 2.Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.5, 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид урьдчилан төлсөн 37,891 төгрөгнөөс 18,945 төгрөгийг улсын төсвийн орлогод хэвээр үлдээж, 18,945 төгрөгийг улсын төсвийн орлогоос, 18,945 төгрөгийг хариуцагч П.Б-с тус тус гаргуулж нэхэмжлэгч “А ББСБ”  ХХК-/РД:../-нд олгосугай. 

 3.Шүүхийн шийдвэрийг талууд сайн дураар биелүүлээгүй бол шүүхийн шийдвэрийг нэг адил албадан гүйцэтгэхийг мэдэгдсүгэй.

 4.Энэхүү шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурьдсугай.

 

 

ШҮҮГЧ                                Д.НАРАНЦЭЦЭГ