2025 03 31 197/ШШ2025/03576

 

 

Зохигчийн эвлэрлийг баталж,

хэргийг хэрэгсэхгүй болгох тухай

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч Ж.Батмөнх даргалж, тус шүүхийн хуралдааны танхимд хийсэн шүүх хуралдаанаар,

 

Нэхэмжлэлийн шаардлага: 10,000,000 төгрөг гаргуулах тухай иргэний хэргийг тусгайлсан журмаар хянан хэлэлцэв.

Шүүх хуралдаанд: Нэхэмжлэгч Ц.Батсуурь, хариуцагчийн итгэмжлэгдсэн төлөөлөгч Б.Даваамягмар, шүүх хуралдааны нарийн бичгийн дарга Ш.Эрдэнэцэцэг нар оролцов.

ТОДОРХОЙЛОХ нь:

Зохигч шүүх хуралдаанд гаргасан хүсэлтдээ:

Нэхэмжлэгч Ц.Батсуурийн өмчлөлийн орон сууцны үүдний Г хэлбэрийн хана, голын унтлагын өрөөний нүүрний хэсгийн хана, хажуу хана, 3 хаалга, 13 ширхэг разетка, усны тоолуур, голын өрөөний обжур, бүх өрөөний тааз, обой, паркетан шал, цахилгаан монтаж зэргийг засаж өгөхийг хариуцагч Б.Даваадорж хүлээн зөвшөөрч байна гэв.

ҮНДЭСЛЭХ нь:

Нэхэмжлэгч Ц.Батсуурь нь хариуцагч Б.Даваадоржид холбогдуулан 10,000,000 төгрөг гаргуулах тухай нэхэмжлэл гаргажээ.

Хэргийг хэлэлцэх явцад зохигч эвлэрэв.

Шүүх зохигчийн эвлэрлийг баталж шийдвэрлэв.

Иргэний хэрэг шүүхэд хянан шийдвэрлэх тухай 106 дугаар зүйлийн 106.4-д хариуцагч шүүхийн шийдвэр гарах хүртэл нэхэмжлэлийн шаардлагыг бүхэлд нь буюу зарим хэсгийг хүлээн зөвшөөрөх буюу зохигч эвлэрч болно, 106.5-д энэ хуулийн 106.4-т зааснаар зохигч эвлэрсэн нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй бол шүүх зохигчийн эвлэрлийг баталж, хэргийг хэрэгсэхгүй болгох тухай шүүгч захирамж гаргана. Эдгээр захирамжид энэ хуулийн 74.4-т заасан зохицуулалт нэгэн адил хамаарна гэж заасан.

Зохигчийн эвлэрэл нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул зохигчийн эвлэрлийг баталж, хэргийг хэрэгсэхгүй болгох нь зүйтэй.

Иргэний хэрэг шүүхэд хянан шийдвэрлэх тухай 106 дугаар зүйлийн 106.6-д зааснаар зохигч эвлэрсэн тул улсын тэмдэгтийн хураамжийг нэхэмжлэгч, хариуцагчид хувааж хариуцуулахаар шийдвэрлэв.

Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5, 123 дугаар зүйлийн 123.1 дэх хэсэгт заасныг тус тус удирдлага болгон

ЗАХИРАМЖЛАХ нь:

1. Нэхэмжлэгч Ц.Батсуурийн 10,000,000 төгрөг гаргуулах тухай нэхэмжлэлийн шаардлагыг хариуцагч Б.Даваадорж нь Ц.Батсуурийн өмчлөлийн эрхийн улсын бүртгэлийн Ү-2205037075 дугаартай, Нийслэлийн Баянгол дүүрэг, 3 дугаар хороо, 2 дугаар хороолол, 51 байр, 1 тоот хаягт байрлах, 78.47 м.кв талбайтай, 3 өрөө орон сууцны үүдний Г хэлбэрийн хана, голын унтлагын өрөөний нүүрний хэсгийн хана, хажуу хана, 3 хаалга, 13 ширхэг разетка, усны тоолуур, голын өрөөний обжур, бүх өрөөний тааз, обой, паркетан шал, цахилгаан монтаж зэргийг засаж өгөхөөр талууд харилцан тохиролцсон зохигчийн эвлэрлийг баталж, хэргийг хэрэгсэхгүй болгосугай.

2. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай 106 дугаар зүйлийн 106.6-д заасныг баримтлан нэхэмжлэгч Ц.Батсууриас улсын тэмдэгтийн хураамжид төлсөн 174,950 төгрөгийг улсын орлогод хэвээр үлдээж, хариуцагч Б.Даваадоржоос улсын тэмдэгтийн хураамж 87,475 төгрөгийг гаргуулж, нэхэмжлэгч Ц.Батсуурьд олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар шүүгчийн захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4. Иргэний хэрэг шүүхэд хянан шийдвэрлэх тухай 74 дүгээр зүйлийн 74.4-д зааснаар шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

ДАРГАЛАГЧ, ШҮҮГЧ                      Ж.БАТМӨНХ