Хариуцагчийн зөвшөөрлийг баталж,

   хэргийг хэрэгсэхгүй болгох тухай

 

Увс аймаг дахь сум дундын анхан шатны шүүхийн шүүгч П.Болор би,

Нэхэмжлэгч: Х ХХК-ийн нэхэмжлэлтэй,

 Хариуцагч: Х овогт Д.Э холбогдох,

Санхүүгийн түрээсийн төлбөрт нийт 6,423,775 төгрөг гаргуулах тухай нэхэмжлэлийг 2025 оны 4 дүгээр сарын 03-ны өдөр хүлээн авч, 2025 оны 4 дүгээр сарын 08-ны өдөр иргэний хэрэг үүсгэн хянаад

ТОДОРХОЙЛОХ нь:

Нэхэмжлэгч Х ХХК-ийн итгэмжлэгдсэн төлөөлөгч Ж.Б шүүхэд гаргасан нэхэмжлэлдээ: Зээлдэгч Д.Э нь 2023 оны 6 дугаар сарын 03-ны өдөр УВ-СТГ/2023-120934 тоот Санхүүгийн түрээсийн /лизинг/ гэрээ башуулан 3,999,900 төгрөгийн зээлийг нэг сарын 2,98 хувийн хүүтэй, 24 сарын хугацаатай олгосон. Гэвч зээлдэгч Д.Э нь Санхүүгийн түрээсийн /лизинг/ гэрээгээр хүлээсэн үүргээ зохих ёсоор биелүүлэлгүй гэрээний эргэн төлөлтийн хуваарийн дагуу 2025 оны 3 дугаар сарын 20-ны өдрийн байдлаар 604 хоногийн хугацаа хэтрүүлж, зээл, зээлийн хүүгийн төлбөрт зөрчил үүсгэсэн. Иймд хариуцагч Д. Энь байгуулсан Санхүүгийн түрээсийн /лизинг/ гэрээний 6.1-т заасны дагуу мөн тус гэрээний 6.7, Иргэний хуулийн 312 дугаар зүйлийн 312.1-р зүйлийг тус тус үндэслэн 6,423,775 төгрөг гаргуулахаар нэхэмжилж байгааг хүлээн авч хянан шийдвэрлэж өгнө үү гэжээ.               

Хариуцагч Д.Э шүүхэд гаргасан хариу тайлбартаа: Миний бие Х ХХК-ийн нэхэмжлэлийн шаардлага 6,423,775 төгрөгийг хүлээн зөвшөөрч байна. Би тодорхой учир шалтгаан, буяны ажил явдал эмнэлэг гээд хувийн асуудлаас болоод ажил хийхгүй, орлогогүй байсан юм. Энэ хугацаанд авсан зээлээ төлж чадаагүй, хугацаа хэтрүүлсэн. Би 4-6 насны 2 охинтой бөгөөд өрх толгойлсон эх хүн билээ. Мөн сард 1,200,000 төгрөгийн цалин авч ажилладаг. Өөр нэмэлт орлого байхгүй. Дээрх миний шалтгааныг бодолцож үзнэ үү. Иймд би зээлээ сар бүрийн 5-нд 642,377.55 төгрөгийн төлөлт хийх болно. Надад 10 сарын хугацаа өгнө үү гуйж байна. Энэхүү хугацаанд дахин зээлээ хэтрүүлэхгүй сар сардаа төлөөд явахаа амлаж байна гэжээ.          

Нэхэмжлэгчийн итгэмжлэгдсэн төлөөлөгч Ж.Б шүүхэд гаргасан хүсэлтдээ: Х ХХК-аас хариуцагч Д.Э-т холбогдох нэхэмжлэл гаргаж өгсөн. Хариуцагч нь манай байгууллагатай хийсэн гэрээний нөхцөлийн дагуу нэхэмжилсэн үнийн дүнг хүлээн зөвшөөрч 10 сарын хугацаатай сард 642,377 төгрөг төлөхөөр тохиролцсон тул хэргийг хялбаршуулсан журмаар шийдэж өгнө үү гэжээ.    

ҮНДЭСЛЭХ нь:         

Нэхэмжлэгч Х ХХК нь хариуцагч Д.Э-т холбогдуулан зээлийн гэрээний гүйцэтгээгүй үүрэгт нийт 6,423,775 төгрөг гаргуулах тухай нэхэмжлэлийг шүүхэд гаргажээ.

Хэрэг хянан шийдвэрлэх ажиллагааны явцад нэхэмжлэгч Х ХХК-ийн зээлийн гэрээний гүйцэтгээгүй үүрэгт нийт 6,423,775 төгрөг гаргуулах тухай нэхэмжлэлийн шаардлагыг 10 сарын хугацаатай сар бүрийн 5-нд 642,377 төгрөгийн төлөлт хийж байхаар хариуцагч Д.Э хүлээн зөвшөөрсөн байна. Иймд хариуцагч нь нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгож шийдвэрлэх үндэслэлтэй байна.

Хариуцагч Д.Э нэхэмжлэлийн шаардлагыг хүлээн зөвшөөрсөн ба үүргээ биелүүлээгүй тохиолдолд уг шүүгчийн захирамжийг Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар шүүхийн шийдвэрийн нэгэн адил албадан гүйцэтгэхийг дурдах нь зүйтэй.

Нэхэмжлэлийн шаардлагыг хариуцагч хүлээн зөвшөөрснийг баталж, хэргийг хялбаршуулсан журмаар шийдвэрлэж байгаа тул улсын тэмдэгтийн хураамжийг тал хувиар бууруулан тооцох үндэслэлтэй бөгөөд нэхэмжлэгчийн улсын тэмдэгтийн хураамжид төлсөн 117,731 төгрөгийн тал хувь болох 58,865 төгрөгийг төрийн санд хэвээр үлдээж, төрийн сангийн 100150000941 тоот данснаас 58,865 төгрөг, хариуцагч Д.Э-с 58,865 төгрөгийг тус тус гаргуулан нэхэмжлэгч Х ХХК-д олгох нь зүйтэй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйл, 123 дугаар зүйлийн 123.1 дэх хэсгүүдэд заасныг удирдлага болгон

ЗАХИРАМЖЛАХ нь:

1. Нэхэмжлэгч Х ХХК-ийн зээлийн гэрээний гүйцэтгээгүй үүрэгт үүрэгт нийт 6,423,775 төгрөг гаргуулах тухай нэхэмжлэлийн шаардлагыг төлж барагдуулахыг хариуцагч Д.Э хүлээн зөвшөөрснийг баталж, хэргийг хэрэгсэхгүй болгосугай.

2. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчийн улсын тэмдэгтийн хураамжид төлсөн 117,731 төгрөгийн тал хувь болох 58,865 төгрөгийг төрийн санд хэвээр үлдээж, төрийн сангийн 100150000941 тоот данснаас 58,865 төгрөг, хариуцагч Д.Э-с 58,865 төгрөгийг тус тус гаргуулан нэхэмжлэгч Х ХХК-д олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар шүүгчийн захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигчид шүүгчийн захирамжид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй.          

 

 

 

ШҮҮГЧ                                 П.БОЛОР