Нэхэмжлэгч нэхэмжлэлээсээ татгалзсаныг

баталж, хэргийг хэрэгсэхгүй болгох тухай

 

            Сүхбаатар аймаг дахь сум дундын анхан шатны шүүхийн шүүгч П.Болормаа би,

 

           Нэхэмжлэгч: Сүхбаатар аймгийн Асгат сумын 2-р багт оршин суух ******* овогт ******* ******* нэхэмжлэлтэй,

 

          “Үрчлэлтийг хүчингүйд тооцуулах” тухай нэхэмжлэлийг 2025 оны 03 дугаар сарын 24-ний өдөр хүлээн авч,  2025 оны 03 дугаар сарын 31-ний өдөр иргэний хэрэг үүсгэн хянаад  

 

ТОДОРХОЙЛОХ  нь:

 

Нэхэмжлэгч ******* шүүхэд ирүүлсэн нэхэмжлэлдээ: Миний бие 2007 оны 06-р сарын 23-ны өдөр хүүтэй болсон. Тогтсон ажил орлогогүй, амьдралын боломжгүй байдлын улмаас 2018 онд хүү ******* хадам аав ******* үрчлүүлсэн. Одоо миний бие хүүгээ өсгөх боломжтой болсон тул үрчлэлтийг хүчингүйд тооцож өгнө үү гэсэн нэхэмжлэлийг шүүхэд гаргасан.

Хүү ******* нь ээжээрээ овоглодог байсан тул ээж ******* нь шүүхэд нэхэмжлэл гаргаж шийдүүлэхээр болсон тул миний бие үрчлэлтийг хүчингүйд тооцуулах тухай шүүхэд гаргасан нэхэмжлэлээсээ татгалзаж байна гэсэн тайлбарыг ирүүлсэн байна.

 

ҮНДЭСЛЭХ нь:

 

            Нэхэмжлэгч ******* нь “үрчлэлтийг хүчингүйд тооцуулах” нэхэмжлэлийг шүүхэд ирүүлсэн ба хэрэг хянан шийдвэрлэх ажиллагааны явцад шүүхэд гаргасан нэхэмжлэлээсээ татгалзаж байна” гэсэн хүсэлтийг бичгээр ирүүлсэн татгалзал нь хуульд харшлах зүйлгүй байх тул нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгож шийдвэрлэх үндэслэлтэй байна.

 

Нэхэмжлэгчийн улсын тэмдэгтийн хураамжид урьдчилан төлсөн 70.200 төгрөгийн тал хувь 35,100 төгрөгийг улсын төсвийн орлогоос буцаан гаргуулж нэхэмжлэгчид олгохоор шийдвэрлэв.

 

            Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 123 дугаар зүйлийн 123.1 дэх хэсэгт заасныг удирдлага болгон

 

ЗАХИРАМЖЛАХ нь:

            1. Нэхэмжлэгч ******* нь “үрчлэлтийг хүчингүйд тооцуулах” тухай шүүхэд гаргасан нэхэмжлэлийн шаардлагаасаа татгалзсан татгалзлыг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар  нэхэмжлэгчийн улсын тэмдэгтийн хураамжид урьдчилан төлсөн 70,200 төгрөгийн тал хувь 35,100 төгрөгийг улсын төсвийн орлогоос буцаан гаргуулж, нэхэмжлэгч *******д олгосугай.

 

            3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч энэ захирамжид давж заалдах, хяналтын журмаар хянан шийдвэрлүүлэхээр гомдол гаргах эрхгүй болохыг дурдсугай.

 

 

 

 

ШҮҮГЧ                         П.БОЛОРМАА