2025 04 28 197/ШШ2025/05090

 

МОНГОЛ УЛСЫН НЭРИЙН ӨМНӨӨС

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч Э.Цолмон даргалж, тус шүүхийн танхимд хийсэн шүүх хуралдаанаар,

 

Нэхэмжлэгч: ........... нэхэмжлэлтэй,

Хариуцагч: .......................-т холбогдох,

 

511,700 төгрөг гаргуулах тухай иргэний хэргийг Баянгол, Хан-Уул, Сонгинохайрхан дүүргийн Иргэний хэргийн анхан шатны тойргийн шүүхээс 2025 оны 01 дүгээр сарын 03-ний өдрийн 192/ШЗ2025/01005 дугаар захирамжаар шилжүүлснийг, тус шүүхийн 2025 оны 01 дүгээр сарын 07-ний өдрийн 197/ЗТ2025/00005 дугаар зөвлөгөөний тогтоолоор хүлээн авч, хянан хэлэлцэв.

 

Шүүх хуралдаанд: Нэхэмжлэгчийн итгэмжлэгдсэн төлөөлөгч Ө.*******, шүүх хуралдааны нарийн бичгийн даргаар Б.Бадамсүрэн нар оролцов.

 

ҮНДЭСЛЭХ нь:

 

Нэхэмжлэлийн шаардлагыг бүхэлд нь хангаж шийдвэрлэв.

1. Нэхэмжлэгч ******* ******* хариуцагч М.*******т холбогдуулан 511,700 төгрөг гаргуулж өгнө үү хэмээн шаарджээ.

 

Хариуцагч М.******* нэхэмжлэлийн шаардлагыг хүлээн зөвшөөрөхгүй үндэслэлээ байгууллагаас дутсан тооцоог би төлөхгүй, компанитай гэрээ хийгээгүй гэжээ.

 

2. Хариуцагч талаас компанитай гэрээ хийгээгүй тул зөвшөөрөхгүй хэмээн маргах боловч н.******* гэх хүнээс тахианы мах зээлээр авдаг байсан талаар тайлбараа ирүүлсэн, нэхэмжлэгч талаас ирүүлсэн зарлагын баримтад тээвэрлэгчийн албан тушаал нэр гэх хэсэг болон хүлээлгэн өгсөн эд хариуцагч н.******* гэж бичигдсэн байдал зэргээс үзэхэд нэхэмжлэгчийн шүүх хуралдаанд ..н.******* нь манай борлуулагч, махыг худалдан авагч нарт хүлээлгэж өгдөг ажилтан гэдэг нь тогтоогдож байна.

Талуудын хооронд худалдах, худалдан авах гэрээний харилцаа үүссэн, гэрээ хүчин төгөлдөр бөгөөд хариуцагч М.******* нь худалдан авсан барааны үнийг төлөх үүрэгтэй, нэхэмжлэгч ******* ******* төлбөрөө шаардах эрхтэй.

3. ******* ******* нь 2023 оны 07 дугаар сарын 08-ний өдөр 1,182,800 төгрөг, 2023 оны 07 дугаар сарын 27-ний өдөр 490,500 төгрөг, 2023 оны 08 дугаар сарын 06-ний өдөр 408,900 төгрөг, нийт 1,977,400 төгрөгийн махыг хариуцагч М.*******т хүлээлгэн өгсөн болох нь хэрэгт авагдсан зарлагын баримтын хүлээн авагч гэсэн хэсэгт хариуцагч гарын үсгээ зурж баталгаажуулсан баримтаар нотлогдож байна.

Нэхэмжлэгч талаас дээрх төлбөрийн 1,465,700 төгрөгийг М.******* төлсөн хэмээн тайлбараа гаргаж үлдэх 511,700 төгрөгийг шаарддаг.

Хариуцагч М.******* 511,700 төгрөгийн үлдэгдэл төлбөрийг төлсөн болох, мөн нэхэмжлэлийг хүлээн зөвшөөрөхгүй байгаа татгалзлын үндэслэлээ нотолсон баримтыг шүүхэд ирүүлээгүй тул түүнийг татгалзлаа нотлоогүй гэж үзнэ.

Иймд хариуцагч М.*******өөс худалдах, худалдан авах гэрээний үүрэгт 511,700 төгрөгийг гаргуулж нэхэмжлэгч ******* ******* олгож шийдвэрлэв.

4. Хариуцагчид шүүх хуралдааны товийг мэдэгдсэн боловч хүндэтгэн үзэх шалтгаангүйгээр хүрэлцэн ирээгүй тул нэхэмжлэгчийн итгэмжлэгдсэн төлөөлөгчийн хүсэлтээр Иргэний хэрэг шүүхэд хянан шийдвэрлэх тухай хуулийн 100 дугаар зүйлийн 100.3-т зааснаар хариуцагчийн эзгүйд хэргийг шийдвэрлэсэн болно.

5. Шүүхийн зардлыг нэхэмжлэл бүрэн хангагдсан тул хариуцагчаар нөхөн төлүүлж, нэхэмжлэгчид олгов.

Иргэний хэрэг шүүхэд хянан шийдвэрлэх тухай хуулийн 75⁹ дүгээр зүйлийн 75⁹.1, 115 дугаар зүйлийн 115.2.1, 79⁹ 2-дугаар зүйлийг удирдлага болгон ТОГТООХ нь:

 

1. Иргэний хуулийн 243 дугаар зүйлийн 243.1-т заасныг тус тус баримтлан хариуцагч М.*******өөс 511,700 төгрөг гаргуулж нэхэмжлэгч ******* *******-д олгосугай.

2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар нэхэмжлэгчээс улсын тэмдэгтийн хураамжид төлсөн 16,010 төгрөгийг улсын төсвийн орлогод хэвээр үлдээж, хариуцагч М.*******өөс 16,010 төгрөг гаргуулж нэхэмжлэгч ******* ******* ХХК-д олгосугай.

3. Иргэний хэрэг шүүхэд хянан шийдвэрлэх тухай хуулийн 75¹¹ дүгээр зүйлийн 75¹¹.1 дэх хэсэгт зааснаар зохигч нь шийдвэрийг гардан авснаас хойш хойш 7 хоногийн дотор Нийслэлийн Иргэний хэргийн давж заалдах шатны шүүхэд гомдол гаргаж болохыг дурдсугай.

 

 

 

ДАРГАЛАГЧ, ШҮҮГЧ Э.ЦОЛМОН