Хариуцагчийн зөвшөөрлийг баталж,

хэргийг хэрэгсэхгүй болгох тухай

 

          Дорнод аймаг дахь сум дундын анхан шатны шүүхийн шүүгч Г.Намуунтуяа би,

          Нэхэмжлэгч: ******* *******ын нэхэмжлэлтэй,

          Хариуцагч: ******* *******т холбогдох

          Нэхэмжлэлийн шаардлага: “Худалдах, худалдан авах гэрээний үүрэгт 2,250,000 төгрөг гаргуулах тухай” иргэний хэргийг хянаад

ТОДОРХОЙЛОХ нь:

          Нэхэмжлэгч Б.******* шүүхэд гаргасан нэхэмжлэлдээ: Г.******* нь 2024 оны 10 дугаар сарын 01-ний өдөр 2,550,000 төгрөгийн үнэ бүхий буйданг урьдчилгаа 300,000 төгрөгийг өгч үлдэгдэл 2,250,000 төгрөгийг 2024 оны 10, 11, 12 дугаар саруудад хуваан барагдуулах гэрээ хийн авсан боловч үлдэгдэл 2,250,000 төгрөгөө төлөөгүй тул гаргуулж өгнө үү гэжээ.

          Хариуцагч Г.******* шүүхэд гаргасан хариу тайлбартаа: Миний бие 2,250,000 төгрөгийг төлөх нь үнэн бөгөөд уг мөнгийг бүрэн төлж барагдуулахаа хүлээн зөвшөөрч байна гэжээ.

          Шүүх зохигчийн тайлбар, хэрэгт авагдсан бичгийн нотлох баримтуудыг шинжлэн судлаад

ҮНДЭСЛЭХ нь:

          Нэхэмжлэгч Б.******* нь хариуцагч Г.*******т холбогдуулан “Худалдах, худалдан авах гэрээний үүрэгт 2,250,000 төгрөг гаргуулах тухай” нэхэмжлэлийн шаардлагыг тус шүүхэд гаргажээ.          

         Хэрэг хянан шийдвэрлэх ажиллагааны явцад хариуцагч Г.******* нь худалдах, худалдан авах гэрээний үүрэгт 2,250,000 төгрөгийг нэхэмжлэгч Б.*******ад төлөхийг хүлээн зөвшөөрсөн нь Иргэний хуульд нийцсэн байхаас гадна гуравдагч этгээдийн хуулиар хамгаалагдсан ашиг сонирхлыг зөрчсөн  гэх үндэслэл байхгүй байна.

 

          Иймд шүүх хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгон хялбаршуулсан журмаар хянан шийдвэрлэх нь зүйтэй гэж үзлээ. 

          Иргэний хэрэг шүүхэд хянан шийдвэрлэх тухай хуулийн 74, 75⁸ дугаар зүйлийн 75⁸.1, 123 дугаар зүйлийн 123.1 дэх хэсэгт заасныг тус тус удирдлага болгон ЗАХИРАМЖЛАХ нь:

          1.Хариуцагч Г.******* нь худалдах, худалдан авах гэрээний үүрэгт 2,250,000 төгрөгийг нэхэмжлэгч Б.*******ад төлөхийг хүлээн зөвшөөрснийг баталж, хэргийг хэрэгсэхгүй болгосугай.

           2. Иргэний хэрэг шүүхэд хянан шийдвэрлэх тухай хуулийн 60 дугаар зүйлийн 60.1, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчийн улсын тэмдэгтийн хураамжид төлсөн 50,950 төгрөгийг төсвийн орлогод хэвээр үлдээж, төсвийн орлогоос 25,475 төгрөг, хариуцагч Г.*******ээс улсын тэмдэгтийн хураамжид 25,475 төгрөгийг тус тус гаргуулж нэхэмжлэгч Б.*******ад олгосугай.

          3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

          4. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

 

ШҮҮГЧ                           Г.НАМУУНТУЯА