Хариуцагчийн зөвшөөрлийг баталж,

хэргийг хэрэгсэхгүй болгох тухай

 

          Дорнод аймаг дахь сум дундын анхан шатны шүүхийн шүүгч Г.Намуунтуяа би,

          Нэхэмжлэгч: “******* *******” ХК-ийн нэхэмжлэлтэй,

          Хариуцагч: ******* *******д холбогдох

          Нэхэмжлэлийн шаардлага: Зээлийн гэрээний үүрэгт 19,177,881.67 төгрөг гаргуулах тухай иргэний хэргийг хянаад

ТОДОРХОЙЛОХ нь:

          Нэхэмжлэгч “******* *******” ХК-иас шүүхэд гаргасан нэхэмжлэлдээ: С.******* нь 2024 оны 05 сарын 30-ны өдөр “******* *******” ХК-тай ЗГ4705153610 дугаартай зээлийн гэрээ байгуулж 21,000,000 төгрөгийн зээлийг жилийн 14.4 хувийн хүүтэй, 30 сарын хугацаатай зээлсэн. Зээлдэгч нь зээлийн гэрээний хавсралтын дагуу тохиролцсон зээлийн эргэн төлөлтийн хуваарийг удаа дараа зөрчиж зээлээ хугацаандаа төлөөгүй бөгөөд 2025 оны 02 сарын 18-ны өдрийн байдлаар үндсэн зээлийн үлдэгдэл 18,330,305.04 төгрөг, зээлийн хүү 835,490.55 төгрөг, нэмэгдүүлсэн хүү 12,086.08 төгрөг, нийт 19,177,881.67 төгрөгийг төлөөгүй байна. Иймд уг мөнгийг гаргуулж өгнө үү гэжээ.

          Хариуцагч С.******* шүүхэд гаргасан хариу тайлбартаа: Миний бие 2024 оны 05 сарын 30-ны өдөр ******* *******наас 21,000,000 төгрөгийн цалингийн зээл авсан бөгөөд ар гэрийн шалтгаанаар ажлаасаа чөлөө авч зээл төлөлтөө тасалдуулсан. Миний бие өөрийн төлөх ёстой 19,177,881.67 төгрөгийг 2025 оны 06 сард 3,196,313 төгрөг, 2025 оны 09 сард 3,196,313 төгрөг,  2025 оны 12 сард 3,196,313 төгрөг, 2026 оны 03 сард 3,196,313 төгрөг, 2026 оны 06 сард 3,196,313 төгрөг, 2026 оны 09 сард 3,196,313 төгрөгөөр төлж дуусгах хүсэлтэй байна. Нэхэмжилсэн 19,177,881.67 төгрөгийг төлөхийг зөвшөөрч байна, маргах зүйлгүй гэжээ.

          Шүүх зохигчийн тайлбар, хэрэгт авагдсан бичгийн нотлох баримтуудыг шинжлэн судлаад

ҮНДЭСЛЭХ нь:

         Нэхэмжлэгч “******* *******” ХК нь хариуцагч С.*******д холбогдуулан зээлийн гэрээний үүрэгт 19,177,881.67 төгрөг гаргуулах тухай нэхэмжлэлийг тус шүүхэд гаргажээ.

         Хэрэг хянан шийдвэрлэх ажиллагааны явцад хариуцагч С.******* нь зээлийн гэрээний үүрэгт 19,177,881.67 төгрөгийг нэхэмжлэгч “******* *******” ХК-д төлөхийг хүлээн зөвшөөрсөн нь Иргэний хуульд нийцсэн байхаас гадна гуравдагч этгээдийн хуулиар хамгаалагдсан ашиг сонирхлыг зөрчсөн гэх үндэслэл байхгүй байна.

          Иймд шүүх хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгон хялбаршуулсан журмаар хянан шийдвэрлэх нь зүйтэй гэж үзлээ. 

           Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 123.1 дэх хэсэгт заасныг тус тус удирдлага болгон ЗАХИРАМЖЛАХ нь:

          1. Хариуцагч С.******* нь зээлийн гэрээний үүрэгт 19,177,881.67 төгрөгийг нэхэмжлэгч “******* *******” ХК-д төлөхийг хүлээн зөвшөөрснийг баталж, хэргийг хэрэгсэхгүй болгосугай.

          2. Иргэний хэрэг шүүхэд хянан шийдвэрлэх тухай хуулийн 60 дугаар зүйлийн 60.1, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д тус тус зааснаар нэхэмжлэгчийн улсын тэмдэгтийн хураамжид төлсөн 253,839 төгрөгийг төсвийн орлогод хэвээр үлдээж, төсвийн орлогоос 126,919.5 төгрөг, хариуцагч С.*******аас улсын тэмдэгтийн хураамжид 126,919.5 төгрөгийг гаргуулж нэхэмжлэгч “******* *******” ХК-д олгосугай.

          3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

          4. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

 

         ШҮҮГЧ                      Г.НАМУУНТУЯА