Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Дорнод аймаг дахь сум дундын анхан шатны шүүхийн шүүгч П.Пагма би,

Нэхэмжлэгч:  “******* *******” ХК-ийн нэхэмжлэлтэй,

Хариуцагч: ******* овогт ******* *******ад холбогдох,

            “Зээлийн гэрээний үүрэгт 4,172,691.34 төгрөг гаргуулах тухай” нэхэмжлэлийг 2025 оны 03 дугаар сарын 07-ны өдөр тусгайлсан журмаар хүлээн авч, иргэний хэрэг үүсгэн хянаад ТОДОРХОЙЛОХ нь:

Нэхэмжлэгч “******* *******” ХК-ийн итгэмжлэгдсэн төлөөлөгч тус *******ны Дорнод салбар шүүхэд гаргасан нэхэмжлэлдээ: Г.******* нь 2018 оны 12 дугаар сарын 13-ны өдөр ******* *******тай ******* дугаарт зээлийн гэрээ байгуулж 12,000,000 төгрөгийг жилийн 16,8 хувийн хүүтэй, 60 сарын хугацаатай, 2018 оны 12 дугаар сарын 17-ны өдөр  7,100,000 төгрөгийг жилийн 16,8 хувийн хүүтэй, 60 сарын хугацаатай, 2022 оны 03 дугаар сарын 10-ны өдөр 1,500,000 төгрөгийг жилийн 14,4 хувийн хүүтэй, 30 сарын хугацаатай цалингийн зээлийн тус тус авсан болно. ...Зээлдэгч *******  тоот зээлийн гэрээний үүрэгт: үндсэн төлбөр 3,479,813.97 төгрөг, үндсэн хүү 608,404.43 төгрөг, нэмэгдүүлсэн хүү 84,472.94 төгрөг, нийт 8,172,691.34 төгрөг гаргуулж өгнө үү гэжээ.

Хариуцагч Г.******* нь шүүхэд ирүүлсэн хариу тайлбартаа: Хариуцагч ******* миний бие ******* *******наас нэхэмжилж байгаа 4,172,691.34 төгрөгийг төлөхийг зөвшөөрч байна гэжээ.

            Хэргийн материалыг шүүх хянаад ҮНДЭСЛЭХ нь:

            Нэхэмжлэгч “******* *******” ХК нь хариуцагч Г.*******ад холбогдуулан “Зээлийн гэрээний үүрэгт 4,172,691.34 төгрөг гаргуулах тухай” нэхэмжлэлийг тус шүүхэд гаргажээ.

            Хэрэг хянан шийдвэрлэх ажиллагааны явцад дээрх нэхэмжлэлийн шаардлагыг хариуцагч Г.******* нь хүлээн зөвшөөрч, энэ талаарх тайлбараа шүүхэд бичгээр ирүүлжээ.  

Хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагчийн зөвшөөрлийг баталж, хэргийг хэрэгсэхгүй болгон хялбаршуулсан журмаар хянан шийдвэрлэх нь зүйтэй гэж үзлээ.

            Иргэний хэрэг шүүхэд хянан шийдвэрлэх тухай хуулийн 74, 75 дугаар зүйл, 75⁸ дугаар зүйлийн 75⁸.1, 123 дугаар зүйлийн 123.1-д тус тус заасныг удирдлага болгон ЗАХИРАМЖЛАХ нь:

            1. Нэхэмжлэгч “******* *******” ХК-ийн “Зээлийн гэрээний үүрэгт 4,172,691.34 /дөрвөн сая нэг зуун далан хоёр мянга зургаан зуун ерэн нэгэн төгрөг гучин дөрвөн мөнгө/ төгрөг гаргуулах тухай” нэхэмжлэлийн шаардлагыг хариуцагч Г.******* нь хүлээн зөвшөөрснийг баталж, хэргийг хэрэгсэхгүй болгосугай. 

            2. Иргэний хэрэг шүүхэд хянан шийдвэрлэх тухай хуулийн 60 дугаар зүйлийн 60.1, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д тус тус зааснаар нэхэмжлэгчээс улсын тэмдэгтийн хураамжид төлсөн 81,713 төгрөгөөс нэхэмжлэлийн шаардлагад ногдох улсын тэмдэгтийн хураамжийн 50 хувь болох 40,856.5 төгрөгийг төсвийн орлогод хэвээр үлдээж, 40,856.5 төгрөгийг төсвийн орлогоос, 40,856.5 төгрөгийг хариуцагч Г.*******аас тус тус гаргуулж нэхэмжлэгч “******* *******” ХК-д олгосугай.

            3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

            4. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг зохигч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

 

 

ШҮҮГЧ                         П.ПАГМА