Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.1, 116, 118 дугаар зүйлд заасныг удирдлага болгон

ТОГТООХ нь:

1. Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.14-т зааснаар  ****** овогт Г*******гийн Н****г, ******* овогт П*****тын Б******м нарын 2017 оноос 2025 оны 01 дүгээр сарын 25-ны өдрийг  дуустал хугацаанд хамтын амьдралтай байсан байдлыг тогтоосугай.
2. Гэр бүлийн тухай хуулийн 23 дугаар зүйлийн 23.1-д заасныг баримтлан 2020 оны 6 сарын 25-ны өдөр төрсөн хүү Н.М****тын эцэг нь П.Б*****м болохыг тогтоосугай.

3. Гэр бүлийн тухай хуулийн 14 дүгээр зүйлийн 14.5-д зааснаар 2020 оны 6 дугаар сарын 25-ны өдөр төрсөн хүү Н.М****тыг төрсөн эх Г.Н**гийн асрамжид үлдээсүгэй.

4. Гэр бүлийн тухай хуулийн 40 дүгээр зүйлийн 40.1.1, 40.1.2-т зааснаар 2020 оны 6 дугаар сарын 25-ны өдөр төрсөн хүү Н.М*******тыг 11 нас хүртэл тухайн бүс нутагт тогтоогдсон амьжиргааны доод түвшингийн 50 хувиар, 11-16 нас /суралцаж байгаа бол 18 нас/-тай болтол амьжиргааны доод түвшингийн хэмжээгээр эцэг П.Б***маар сар бүр тэтгэлэг гаргуулж, тэжээн тэтгүүлсүгэй.

5. Иргэний хуулийн 108 дугаар  зүйлийн 108.1, 108.8-д заасныг баримтлан хариуцагч П.Б*****маас 4,950,000 (дөрвөн сая есөн зуун тавин мянга) төгрөг гаргуулж нэхэмжлэгч Г.Н*****гт олгосугай.

6. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 63 дугаар зүйлийн 63.1.1, 63.1.5, Улсын тэмдэгтийн хураамжийн тухай хуулийн 7 дугаар зүйлийн 7.1.1, 7.1.2-т зааснаар нэхэмжлэгчийн улсын тэмдэгтийн хураамжид төлсөн 296,434 (хоёр зуун ерэн зургаан мянга дөрвөн зуун гучин дөрөв) төгрөгийг улсын орлогод хэвээр үлдээж, хариуцагч П.Б****маас 296,434 хоёр зуун ерэн зургаан мянга дөрвөн зуун гучин дөрөв) төгрөг гаргуулж, нэхэмжлэгч Г.Н****гт олгосугай.

7. Гэр бүлийн тухай хуулийн 26 дугаар зүйлийн 26.4, 26.6-д зааснаар хуулинд заасан эцэг хүний үүргээ биелүүлэхийг П.Б**м, энэ үүргээ хэрэгжүүлэхэд саад учруулахгүй байхыг эх Г.Н*****г нарт даалгасугай.

8. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 119.4, 119.7-д зааснаар шийдвэр танилцуулан сонсгомогц хүчинтэй болох ба энэ өдрөөс 14 хоног өнгөрснөөс хойш 14 хоногийн дотор шүүх хуралдааны оролцогч талууд шүүхэд хүрэлцэн ирж шийдвэрийг өөрөө гардан авах үүргээ биелүүлээгүй нь давж заалдах журмаар гомдол гаргах хугацааг тоолоход саад болохгүй бөгөөд шүүх хуралдаанд оролцоогүй талд шийдвэрийг гардуулснаар гомдол гаргах хугацааг тоолохыг, Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар зохигч, гуравдагч этгээд, тэдгээрийн төлөөлөгч буюу өмгөөлөгч анхан шатны шүүхийн шийдвэрийг гардан авсан өдрөөс хойш 14 хоногийн дотор Хөвсгөл аймгийн Эрүү, Иргэний хэргийн давж заалдах шатны шүүхэд гомдол гаргах эрхтэйг тус тус дурдсугай.

 

 

 

 

ДАРГАЛАГЧ, ШҮҮГЧ                     А.ДӨЛГӨӨН