Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Багахангай, Налайх дүүргийн Иргэний хэргийн анхан шатны тойргийн шүүхийн Ерөнхий шүүгч Э.Дулмаа би,

Нэхэмжлэгч: *******, *******, *******анд байрлах ******* /РД:*******/-ийн нэхэмжлэлтэй,

Хариуцагч: Нийслэлийн *******, *******, ******* *******од оршин суух, овогт ын д /РД:/ холбогдох,

Зээлийн гэрээний үүрэгт 18,364,645 гаргуулах тухай нэхэмжлэлийг хүлээн авч хянаад

ТОДОРХОЙЛОХ нь:

Нэхэмжлэгч ******* шүүхэд гаргасан нэхэмжлэлдээ: Хариуцагч Г. нь тус банктай 2024 оны 05 дугаар сарын 06-ний өдөр цахим цалингийн зээлийн гэрээ байгуулсан бөгөөд тус гэрээгээр 18,211,000 төгрөгийн зээлийг жилийн 20,4 хувийн хүүтэй, 30 сарын хугацаатай хэрэглээний зээлийн зориулалтаар авахаар тохиролцсон. Нэхэмжлэгч нь 2024 оны 05 дугаар сарын 06-ний өдөр хариуцагчид 18,211,000 төгрөгийн зээлийг олгосон. Зээлийн гэрээний үүргээ хугацаанд нь зохих ёсоор биелүүлэхийг шаардсан боловч биелүүлэхгүй байгаа болно. Хариуцагч Г.ээс зээлийн үндсэн өрийн үлдэгдэлд 17,872,187 төгрөг, зээлийн хүүнд 482,716 төгрөг, нэмэгдүүлсэн хүүнд 9,742 төгрөг нийт 18,364,645 төгрөгийг гаргуулж өгнө үү гэжээ.

Хариуцагч Г. шүүхэд бичгээр гаргасан хариу тайлбартаа: ******* нэхэмжилсэн 18,364,645 төгрөгийг төлж барагдуулна гэжээ.

ҮНДЭСЛЭХ нь:

Нэхэмжлэгч ******* нь хариуцагч Г. холбогдуулан 18,364,645 төгрөг гаргуулах нэхэмжлэлийн шаардлагыг шүүхэд гаргажээ.

Хариуцагч Г. нэхэмжлэлийн шаардлага 18,364,645 төгрөгийг төлөхийг зөвшөөрч бичгээр тайлбар гаргасан байна.

Иймд шүүх иргэний хэргийг хялбаршуулсан журмаар шийдвэрлэж, хариуцагч нэхэмжлэлийн шаардлагыг төлөхийг зөвшөөрснийг баталж, хэргийг хэрэгсэхгүй болгох нь зүйтэй.

Нэхэмжлэгчийн улсын тэмдэгтийн хураамжинд төлсөн 249,774 төгрөгийн 50 хувь буюу 124,887 төгрөгийг улсын орлогод хэвээр үлдээж, 124,887 төгрөгийг илүү төлсөн 70200 төгрөгийн хамт улсын орлогоос, 124,887 төгрөгийг хариуцагчаас гаргуулж нэхэмжлэгч *******-д олгох нь хуульд нийцнэ.

Хэргийг хялбаршуулсан журмаар шийдвэрлэж байгаа тул зохигч давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин шийдвэрлүүлэхээр нэхэмжлэл гаргах эрхгүй болно.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйлд заасныг тус тус удирдлага болгон

ЗАХИРАМЖЛАХ нь:

1. Хариуцагч Г. нэхэмжлэгч *******-ийн нэхэмжилсэн 18,364,645 төгрөгийг төлөхийг зөвшөөрсөн тул хариуцагчийн зөвшөөрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжинд төлсөн 249,774 төгрөгийн 50 хувь буюу 124,887 төгрөгийг улсын орлогод хэвээр үлдээж, 124,887 төгрөгийг, илүү төлсөн 70200 төгрөгийн хамт улсын орлогоос, 124,887 төгрөгийг хариуцагчаас гаргуулж нэхэмжлэгч *******-д тус тус олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар захирамжийг хариуцагч сайн дураар биелүүлээгүй бол шийдвэрийн нэгэн адил албадан гүйцэтгэхийг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин шийдвэрлүүлэхээр нэхэмжлэл гаргах эрхгүйг дурдсугай.

 

 

 

 

ЕРӨНХИЙ ШҮҮГЧ Э.ДУЛМАА