2025 01 22	317/ШШ2025/00103

Хариуцагчийн зөвшөөрлийг баталж,

хэргийг хэрэгсэхгүй болгох тухай

 

 

Төв аймаг дахь сум дундын анхан шатны шүүхийн шүүгч Д.Отгончулуун би,

Нэхэмжлэгч: Улаанбаатар хот, *** дүүрэг, *** хороо, *** төв байранд оршин байгаа, Г*** /РД: /-ийн нэхэмжлэлтэй,

Хариуцагч: *** аймаг, *** сум, *** баг, *** дугаар гудамж, *** тоотод оршин суугаа, Г*** овогт Б***н Б*** /РД: /-д холбогдох,

Гэрээний үүрэгт нийт 9,156,819.67 төгрөг гаргуулах шаардлага бүхий иргэний хэргийг хянаад

ТОДОРХОЙЛОХ нь:

Нэхэмжлэгч Г*** шүүхэд гаргасан нэхэмжлэлдээ:

Б.Б нь 2024 оны 03 дугаар сарын 28-ны өдөр Г***тай *** дугаарт дижитал зээлийн гэрээ байгуулж, 3,000,000 төгрөгийг жилийн 20.4 хувийн хүүтэй, 30 сарын хугацаатай зээлэн авч, 2024 оны 03 дугаар сарын 29-ний өдөр 7,000,000 төгрөгөөр нэмэгдүүлсэн. Хариуцагч Б.Б нь гэрээгээр тохиролцсон нөхцлийн дагуу зээлийн төлбөрөө төлөхгүй байгаа тул дараах нэхэмжлэлийн шаардлагыг гаргаж байна. Иймд Б.Б-оос үндсэн өр 8,621,501.21 төгрөг, үндсэн хүү 529,907.49 төгрөг, нэмэгдүүлсэн хүү 5,410.96 төгрөг, нийт 9,156,819.67 төгрөгийг гаргуулж өгнө үү гэжээ.

Хариуцагч Б.Б нь шүүхэд ирүүлсэн хариу тайлбартаа:

Б.Б миний бие Г***-ийн 2024 оны 03 дугаар сарын 28-ны өдөр 10,000,000 төгрөгийг 30 сарын хугацаатай зээлж авсан нь үнэн. Тус компанийн нэхэмжлэлийн шаардлага 9,156,819.67 төгрөгийг төлөхийг хүлээн зөвшөөрч, уг мөнгийг 2025 оны 02 дугаар сарын 15-ны өдөр 1,526,136.6 төгрөг, 2025 оны 03 дугаар сарын 15-ны өдөр 1,526,136.6 төгрөг, 2025 оны 04 дүгээр сарын 15-ны өдөр 1,526,136.6 төгрөг, 2025 оны 05 дугаар сарын 15-ны өдөр 1,526,136.6 төгрөг, 2025 оны 06 дугаар сарын 15-ны өдөр 1,526,136.6 төгрөг, 2025 оны 07 дугаар сарын 15-ны өдөр 1,526,136.6 төгрөгийг тус тус төлж барагдуулна. Маргах зүйлгүй. Иймд хэргийг хялбаршуулсан журмаар шийдвэрлэж өгнө үү гэжээ.

ҮНДЭСЛЭХ нь:

Нэхэмжлэгч Г*** нь Б.Б-д холбогдуулан гэрээний үүрэгт нийт 9,156,819.67 төгрөг гаргуулах шаардлага бүхий нэхэмжлэлийг тус шүүхэд гаргажээ.

Хэрэг хянан шийдвэрлэх ажиллагааны явцад буюу 2025 оны 02 дугаар сарын 22-ны өдөр Б.Б нь ... Тус компанийн нэхэмжлэлийн шаардлага 9,156,819.67 төгрөгийг төлөхийг хүлээн зөвшөөрч, уг мөнгийг 2025 оны 02 дугаар сарын 15-ны өдөр 1,526,136.6 төгрөг, 2025 оны 03 дугаар сарын 15-ны өдөр 1,526,136.6 төгрөг, 2025 оны 04 дүгээр сарын 15-ны өдөр 1,526,136.6 төгрөг, 2025 оны 05 дугаар сарын 15-ны өдөр 1,526,136.6 төгрөг, 2025 оны 06 дугаар сарын 15-ны өдөр 1,526,136.6 төгрөг, 2025 оны 07 дугаар сарын 15-ны өдөр 1,526,136.6 төгрөгийг тус тус төлж барагдуулна. Маргах зүйлгүй гэх хүлээн зөвшөөрсөн тайлбар гаргаж байгаа нь бусдын эрх, хуулиар хамгаалагдсан ашиг сонирхлыг хөндөөгүй, хуульд харшлаагүй байна.

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-д заасныг баримтлан хариуцагчийн зөвшөөрлийг баталж, хэргийг хэрэгсэхгүй болгож шийдвэрлэх нь зүйтэй байна.

Хэргийг хялбаршуулсан журмаар хянан шийдвэрлэсэн тул зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй, мөн түүнчлэн энэхүү захирамжийг хариуцагч сайн дураараа биелүүлээгүй бол шүүхийн шийдвэрийн нэгэн адил албадан гүйцэтгэхийг дурдах нь зүйтэй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 74.5, 75⁸ дугаар зүйлийн 75⁸.1, 123 дугаар зүйлийн 123.1-д заасныг тус тус удирдлага болгон

ЗАХИРАМЖЛАХ нь:

1. Нэхэмжлэгч Г***-ийн гэрээний үүрэгт нийт 9,156,819.67 төгрөг гаргуулах нэхэмжлэлийн шаардлагыг хариуцагч Б.Б нь 2025 оны 02 дугаар сарын 15-ны өдөр 1,526,136.6 төгрөг, 2025 оны 03 дугаар сарын 15-ны өдөр 1,526,136.6 төгрөг, 2025 оны 04 дүгээр сарын 15-ны өдөр 1,526,136.6 төгрөг, 2025 оны 05 дугаар сарын 15-ны өдөр 1,526,136.6 төгрөг, 2025 оны 06 дугаар сарын 15-ны өдөр 1,526,136.6 төгрөг, 2025 оны 07 дугаар сарын 15-ны өдөр 1,526,136.6 төгрөгийг тус тус төлж барагдуулахаар хүлээн зөвшөөрсөн, хариуцагчийн зөвшөөрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид урьдчилан төлсөн 161,459.11 төгрөгийг улсын орлогод хэвээр үлдээж, улсын орлогоос 80,729.6 төгрөгийг, хариуцагч Б.Б-оос 80,729.6 төгрөгийг тус тус гаргуулан нэхэмжлэгч Г***-д олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураараа биелүүлэх, биелүүлэхгүй бол албадан гүйцэтгэхийг хариуцагчид сануулсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар хэргийг хялбаршуулсан журмаар хянан шийдвэрлэсэн тул зохигч дахин нэхэмжлэл гаргах, давж заалдах, хяналтын журмаар гомдол гаргах эрхгүй болохыг тайлбарласугай.

 

 

ШҮҮГЧ Д.ОТГОНЧУЛУУН