МОНГОЛ УЛСЫН НЭРИЙН ӨМНӨӨС

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч Ж.Кульдана даргалж тус шүүхийн танхимд хийсэн шүүх хуралдаанаар

Нэхэмжлэгч: ******* дүүрэг 10 хороо 7 хороолол ******* 37 тоотод оршин суух, ******* төрсөн *******, *******гийн *******

Хариуцагч: ******* дүүрэг 5 дугаар хороо ******* гудамж 3 байрлах *******

Анхны болон 2 дахь албадан дуудлага худалдааг явуулах тогтоолыг хүчингүй болгох нэхэмжлэлийг 2024 оны 11 сарын 22-ны өдөр хүлээн авч хянан хэлэлцэв.

Шүүх хуралдаанд нэхэмжлэгчийн төлөөлөгч Ш.*******, хариуцагчийн төлөөлөгч Д., шүүх хуралдааны нарийн бичгийн дарга Б.Нямсүрэн нар оролцов.

 

ҮНДЭСЛЭХ нь:

 

1. Нэхэмжлэлийг хэрэгсэхгүй болгох үндэслэлтэй.

2. Нэхэмжлэгч Б.******* нь хариуцагч Нийслэлийн шүүхийн шийдвэр гүйцэтгэх газарт холбогдуулан ******* дүүрэг 10 хороо 7 хороолол ******* 37 тоот 24 мкв талбайтай 2 өрөө орон сууцанд явуулсан 2024 оны 10 сарын 08-ны өдрийн дугаар 11/25 Анхны албадан дуудлага худалдаа явуулах тухай тогтоол, 2024 оны 12 сарын 03-ны өдрийн дугаар 13/2 хоёр дахь албадан дуудлага худалдаа явуулах тухай тогтоолыг тус тус хүчингүй болгох нэхэмжлэлийн шаардлага гаргасан.

3. Нэхэмжлэгч нь орон сууцыг хураан авснаас хойш худалдан борлуулах хуулийн хугацааг хэтрүүлж анхны болон хоёр дахь албадан дуудлага худалдааг явуулах тогтоол гаргаж Шүүхийн шийдвэр гүйцэтгэх тухай хуулийн 63.1, 68.2-т заасныг зөрчсөн гэсэн үндэслэлээр шаардах эрхээ тодорхойлсон.

4. Хариуцагч нь төлбөр авагч 2024 оны 07 сарын 04-нд албадан дуудлага худалдааг хойшлуулах хүсэлт гаргаж Шүүхийн шийдвэр гүйцэтгэх тухай хуулийн 67 дугаар зүйлд зааснаар ахлах шийдвэр гүйцэтгэгчийн тогтоолоор 2024 оны 10 сарын 04-нийг хүртэл хойшлуулсан. Манай байгууллага 7,8 сард амардаг. 2024 оны 10 сарын 08-ны өдөр анхны албадан дуудлага худалдаа явуулах тогтоол гарсан. Дуудлага худалдааг өдөр бүр явуулдаггүй, харин сар бүр зохион байгуулахдаа шийдвэр гүйцэтгэгч нараас материалыг авч дуудлага худалдаанд авах боломжтой эсэхийг хэлэлцэж, дуудлага худалдааг заралдаг. 2024 оны 12 сарын 03-ны өдөр дугаар 13/2 хоёр дахь албадан дуудлага худалдаа явуулах тухай тогтоол гарсан. Тогтоол хууль зөрчөөгүй хэмээн үгүйсгэх үндэслэлээ тайлбарласан.

5. ******* нь 2024 оны 06 сарын 18-ны өдрийн дугаар 7/11 Анхны албадан дуудлага худалдаа явуулах тухай тогтоолоор ******* дүүрэг 10 хороо 7 хороолол ******* 37 тоот 24 мкв талбайтай 2 өрөө орон сууцыг шинжээчийн тогтоосон үнийн 70 хувиар тооцон анхны албадан дуудлага дуудлага худалдааны үнийг тогтоон 2024 оны 07 сарын 05-ны өдрийн 10.00 цагт худалдан борлуулахаар тогтож мэдэгдлийг төлбөр авагч, төлөгч нарт мэдэгдэж, Шүүхийн шийдвэр гүйцэтгэх тухай хуулийн 70 дугаар зүйлд зааснаар олон нийтийн хэвлэл мэдээллийн хэрэгслээр нийтэд мэдээлсэн байна.

5.1. Төлбөр авагч Инвескор ББСБ ХК нь 2024 оны 07 сарын 04-ний өдөр *******т хариуцагч Б.*******, Э.Номин-Эрдэнэ нар нь иргэний хэрэг хянан шийдвэрлэх ажиллагааг хялбаршуулсан журмаар шийдвэрлэх хүсэлт гаргасан гэсэн үндэслэлээр албадан дуудлага худалдааг 3 сарын хугацаагаар хойшлуулах хүсэлт ирүүлснээр 2024 оны 07 сарын 04-ний өдрийн Ахлах шийдвэр гүйцэтгэгчийн дугаар 24280139/185-04 Шийдвэр гүйцэтгэх ажиллагааг хойшлуулах тухай тогтоолоор төлбөр төлөгч Б.*******, Э.Номин-Эрдэнэ нарт холбогдох бүртгэлийн 24280139 дугаартай гүйцэтгэх баримт бичигт явуулах дуудлага худалдааг Шүүүхийн шийдвэр гүйцэтгэх тухай хуулийн 67 дугаар зүйлийг үндэслэн 2024 оны 10 сарын 04-ний өдрийг хүртэл 90 хоногийн хугацаагаар хойшлуулжээ.

5.2. Төлбөр авагч Инвескор ББСБ ХК, төлбөр төлөгч Б.*******, Э.Номин-Эрдэнэ нар хүсэлт гарган харилцан тохиролцож 3 сарын хугацаатай эвлэрлийн гэрээ байгуулж албадан худалдааг түр хойшлуулсан боловч хариуцагч нар тохиролцсон хувиараа зөрчиж гэрээний үүргийг сайн дураар биелүүлээгүй тул албадан дуудлага худалдааг цааш хэвийн үргэлжлүүлэх тухай хүсэлтийг төлбөр авагч 2024 оны 08 сарын 09-нд гаргасан боловч тухайн үед Нийслэлийн Шүүхийн шийдвэр гүйцэтгэх газрын ажилчид ээлжийн амралттай байсан, Шийдвэр гүйцэтгэх ажиллагааг хойшлуулах тухай тогтоолоор хойшлуулсан байсан гэх хариуцагчийн тайлбар үндэслэлтэй байх ба хариуцагчаас Шүүхийн шийдвэр гүйцэтгэх тухай хуулийн 67 дугаар зүйлийн 67.1-т зааснаар төлбөр авагчийн хүсэлтээр дуудлага худалдааг хойшлуулсан нь хууль зөрчөөгүй.

5.3. Нэхэмжлэгч нь Шүүхийн шийдвэр гүйцэтгэх тухай хуулийн 63 дугаар зүйлийн 63.1, 68 дугаар зүйлийн 68.2-т заасныг зөрчсөн гэж тайлбарладаг боловч хариуцагч нь 2024 оны 05 сарын 21-ний өдөр Шинжээч томилж, шинжээчийн дүгнэлт 2024 оны 05 сарын 29-ний өдөр гарч Шүүхийн шийдвэр гүйцэтгэх тухай хуулийн 63 дугаар зүйлийн 63.1-т зааснаар үнэлгээг тогтоосноос хойш 2 сарын дотор буюу албадан худалдан борлуулах ажиллагааг 2024 оны 07 сарын 05-ны өдрийн 10.00 цагт тогтож мэдэгдлийг хүргүүлсэн боловч төлбөр төлөгч Б.*******, Э.Номин-Эрдэнэ нарын төлбөр авагчтай тохиролцож эвлэрсэн гэх төлбөр авагч Инвескор ББСБ ХК-ийн хүсэлтийг үндэслэн мөн хуулийн 67 дугаар зүйлийн 67.1-т заасныг баримтлан дуудлага худалдааг 90 хоногийн хугацаагаар хойшлуулсан тул 2024 оны 10 сарын 08-ны өдөр анхны албадан дуудлага худалдаа явуулах, 2024 оны 12 сарын 03-ны өдрийн дугаар 13/2 хоёр дахь албадан дуудлага худалдаа явуулах тухай тогтоол болон шийдвэр гүйцэтгэлийн ажиллагаа нь хууль зөрчөөгүй байна.

6. Иймд хариуцагч *******т холбогдох ******* дүүрэг 10 хороо 7 хороолол ******* 37 тоот 24 мкв талбайтай 2 өрөө орон сууцанд явуулсан 2024 оны 10 сарын 08-ны өдрийн дугаар 11/25 Анхны албадан дуудлага худалдаа явуулах тухай тогтоол, 2024 оны 12 сарын 03-ны өдрийн дугаар 13/2 хоёр дахь албадан дуудлага худалдаа явуулах тухай тогтоолыг хүчингүй болгох нэхэмжлэгч Б.*******ийн нэхэмжлэлийг бүхэлд нь хэрэгсэхгүй болгох үндэслэлтэй.

7. Нэхэмжлэгчээс улсын тэмдэгтийн хураамжид төлсөн төлбөрийг улсын төсөвт хэвээр үлдээх нь зүйтэй.

Иргэний хэрэг шүүхэд хянан шийдвэрлэх тухай хуулийн 75⁹ дүгээр зүйлийн 75⁹.1, 115 дугаар зүйлийн 115.2.3-т заасныг удирдлага болгон

ТОГТООХ нь:

 

1. Шүүхийн шийдвэр гүйцэтгэх тухай хуулийн 122 дугаар зүйлийн 122.5-д заасныг баримтлан хариуцагч *******т холбогдох ******* дүүрэг 10 хороо 7 хороолол ******* 37 тоот 24 мкв талбайтай 2 өрөө орон сууцанд явуулсан 2024 оны 10 сарын 08-ны өдрийн дугаар 11/25 Анхны албадан дуудлага худалдаа явуулах тухай тогтоол, 2024 оны 12 сарын 03-ны өдрийн дугаар 13/2 хоёр дахь албадан дуудлага худалдаа явуулах тухай тогтоолыг хүчингүй болгох нэхэмжлэгч Б.*******ийн нэхэмжлэлийг бүхэлд нь хэрэгсэхгүй болгосугай

2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, Улсын тэмдэгтийн хураамжийн тухай хуулийн 7 дугаар зүйлийн 7.1.2-т зааснаар нэхэмжлэгчээс улсын тэмдэгтийн хураамжид төлсөн 70,200 төгрөгийг улсын төсөвт хэвээр үлдээсүгэй.

3. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 75¹¹ дүгээр зүйлийн 75¹¹.1-д зааснаар шийдвэр танилцуулан сонсгомогц хүчинтэй болох бөгөөд, тусгайлсан журмаар хянан шийдвэрлэсэн шийдвэрийг зохигч эс зөвшөөрвөл шийдвэрийг гардуулснаас хойш 7 хоногийн дотор Давж заалдах шатны шүүхэд гомдол гаргах эрхтэйг дурдсугай.

 

 

 

 

 

ДАРГАЛАГЧ, ШҮҮГЧ Ж.КУЛЬДАНА