Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Булган аймаг дахь сум дундын анхан шатны шүүхийн шүүгч П.Хишигдаваа би,

Нэхэмжлэгч:  Д******* ф******* ББСБ ХХК-ийн нэхэмжлэлтэй,

Хариуцагч:  Б.Г*******т холбогдох,

Нэхэмжлэлийн шаардлага: 3,533,181.36 /гурван сая таван зуун гучин гурван мянга нэг зуун наян нэгэн төгрөг гучин зургаан мөнгө/ төгрөг гаргуулах тухай 304/2025/00321/и индекстэй иргэний хэргийг хянаад

ТОДОРХОЙЛОХ нь:

Нэхэмжлэгч Д******* ф******* ББСБ ХХК нь шүүхэд гаргасан нэхэмжлэлдээ: Б.Г******* нь 2023 оны 11 дүгээр сарын 01-ний өдөр ЗГ2320894Х дугаар Зээлийн гэрээ-г бичгэн хэлбэрээр байгуулсан. Тус гэрээгээр 2,999,900 төгрөгийн зээлийг сарын 3.5 хувийн хүүтэйгээр 11 сарын хугацаатайгаар олгосон. Зээлийн эргэн төлөлтийг хуваарийн дагуу тогтмол буюу сар бүр төлөх нөхцөлтэйгөөр харилцан тохиролцон хийсэн байх ба 2025 оны 4 дүгээр сарын 22-ны өдөр зээлийн гэрээний үүрэг зөрчигдсөн байна. Хариуцагч нь 769,000 төгрөгийн төлөлт хийсэн. Иймд зээлийн гэрээний үүргийн гүйцэтгэлд Б.Г*******аас үндсэн зээл 2,399,900 төгрөг, зээлийн хүү 1,231,642.38 төгрөг, нэмэгдүүлсэн хүү 60,404.80 төгрөг, нотариатын зардал 12,000 төгрөг, нийт 3,533,181.36 төгрөгийг гаргуулж өгнө үү гэжээ.

Хариуцагч Б.Г******* шүүхэд гаргасан хариу тайлбартаа: Нэхэмжлэлийн шаардлагыг бүхэлд нь хүлээн зөвшөөрч байна гэжээ.

ҮНДЭСЛЭХ нь:

Нэхэмжлэгч Д******* ф******* ББСБ ХХК нь хариуцагч Б.Г*******т холбогдуулан 3,533,181.36 /гурван сая таван зуун гучин гурван мянга нэг зуун наян нэгэн төгрөг гучин зургаан мөнгө төгрөг гаргуулах нэхэмжлэл гаргасныг хариуцагч нь хүлээн зөвшөөрсөн тайлбараа шүүхэд ирүүлсэн байна.

Хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох үндэслэлтэй байна.

Иргэний хэрэг шүүхэд хянан шийдвэрлэх тухай хуулийн 75⁸ дугаар зүйлийн 75⁸.1, 74 дүгээр зүйлийн 74.2, 123 дугаар зүйлийн 123.1 дэх хэсэгт заасныг удирдлага болгон

ЗАХИРАМЖЛАХ нь:

1. Нэхэмжлэгч Д******* ф******* ББСБ ХХК нэхэмжлэлийн шаардлага 3,533,181.36 /гурван сая таван зуун гучин гурван мянга нэг зуун наян нэгэн төгрөг гучин зургаан мөнгө/ төгрөгийг хариуцагч Б.Г******* нь төлөхөөр хүлээн зөвшөөрснийг баталж, хэргийг хэрэгсэхгүй болгосугай

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар улсын тэмдэгтийн хураамжийн хэмжээг 50 хувиар бууруулж, Төрийн сангаас 35,740.5 /гучин таван мянга долоон зуун дөчин төгрөг таван мөнгө/ төгрөг, хариуцагч Б.Г*******аас 35,740.5 /гучин таван мянга долоон зуун дөчин төгрөг таван мөнгө/ төгрөгийг тус тус гаргуулж, нэхэмжлэгчид олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар захирамжийг хариуцагч сайн дураараа биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

ШҮҮГЧ П.ХИШИГДАВАА