МОНГОЛ УЛСЫН НЭРИЙН ӨМНӨӨС

Д аймаг дахь сум дундын анхан шатны шүүхийн шүүгч Б.Гончигсумлаа даргалж, тус шүүхийн шүүх хуралдааны танхимд хийсэн хуралдаанаар,

Нэхэмжлэгч: Д аймгийн С сумын *-р баг, Д **** тоотод оршин суух, Ш н овогт Г Ц нэхэмжлэлтэй,

  Хариуцагч: Д аймгийн С сумын *-р баг, О *-р байранд оршин суух, Ц овогт Б А холбогдох,

  Гэрлэлт цуцлуулах, асрамж тогтоолгох, тэтгэлэг гаргуулах, хамтран өмчлөх дундын эд хөрөнгөөс ногдох хэсгийг гаргуулах тухай иргэний хэргийг хянан хэлэлцэв.

  Шүүх хуралдаанд: 

Нэхэмжлэгч Г.Ц,

Хариуцагч Б.А,

Шүүх хуралдааны нарийн бичгийн дарга Ч.Г нар оролцов.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118 дугаар зүйлүүдэд заасныг удирдлага болгон

ТОГТООХ нь:

1.Гэр бүлийн тухай хуулийн 14 дүгээр зүйлийн 14.1 дэх хэсэгт зааснаар Ш н овогт Г Ц, Ц овогт Б А нарын гэрлэлтийг цуцалсугай.

2.Гэр бүлийн тухай хуулийн 14 дүгээр зүйлийн 14.5 дахь хэсэгт зааснаар 20** оны 10 дугаар сарын 02-ны өдөр төрсөн хүү А.Б, 20** оны 09 дүгээр сарын 18-ны өдөр төрсөн охин А.А нарыг эх Г.Ц-н асрамжид үлдээсүгэй.

3.Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5-д зааснаар талууд Д аймгийн С сумын * баг, *-р гудамж *** тоотод байрлалтай **** нэгж талбарын дугаартай, эрхийн улсын бүртгэлийн Г-****** дугаартай, гэр бүлийн хэрэгцээний зориулалттай, 500 м.кв талбай бүхий газар, тус газарт баригдсан 4х7 харьцаатай 28 м.кв талбайтай, 1 давхар, 1 өрөө, блокоор баригдсан байшинг нэхэмжлэгч Г.Ц-д үлдээж, харин барилгын материал мод, тоосго, 2 амбаар, 2 тооны сав, бусад багаж хэрэгслийг хариуцагч Б.А-т үлдээхээр харилцан тохиролцож байгуулсан эвлэрлийн гэрээг баталсугай.

4.Гэр бүлийн тухай хуулийн 26 дугаар зүйлийн 26.2 дахь хэсэгт зааснаар зохигч хүүхдээ эрүүл чийрэг өсгөн бойжуулах, сэтгэхүйн хувьд төлөвшүүлэх, асран хамгаалах, тэжээн тэтгэх, хүүхдийн эрхийг хамгаалж, үүргээ биелүүлэхэд нь туслах, суурь боловсрол эзэмшүүлэх, хөдөлмөрийн анхны дадлага олгох зэрэг эцэг, эхийн үүрэг хэвээр үлдэхийг дурдсугай.

5.Гэр бүлийн тухай хуулийн 26 дугаар зүйлийн 26.6 дахь хэсэгт зааснаар нь Б.А нь хүү А.Б, охин А.А нартай чөлөөтэй уулзах ба түүнийг хуульд заасан эрх, үүргээ хэрэгжүүлэхэд ямар нэгэн саад учруулахгүй байхыг эх Г.Ц-д даалгасугай.

  6.Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1, Улсын тэмдэгтийн хураамжийн тухай хуулийн 7 дугаар зүйлийн 7.1-т зааснаар нэхэмжлэгчээс улсын тэмдэгтийн хураамжид төлсөн 70,200 төгрөгийг улсын төсвийн дансанд хэвээр үлдээж, хариуцагчаас 70,200 төгрөг гаргуулж нэхэмжлэгчид олгосугай. 

  7.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 119.7, 120 дугаар зүйлийн 120.2 дахь хэсэгт зааснаар шийдвэр нь танилцуулан сонсгомогц хүчинтэй болох бөгөөд зохигч, гуравдагч этгээд, тэдгээрийн төлөөлөгч буюу өмгөөлөгч нар энэхүү шийдвэрийг эс зөвшөөрвөл уг шийдвэрийг гардан авснаас хойш 14 хоногийн дотор Д аймгийн давж заалдах шатны шүүхэд гомдол гаргах эрхтэй, зохигчид хуульд заасан хугацааны дотор шийдвэрийг гардан аваагүй нь гомдол гаргах хугацааг хуульд заасан журмын дагуу тоолоход саад болохгүйг дурдсугай.

 

  

ДАРГАЛАГЧ ШҮҮГЧ Б.ГОНЧИГСУМЛАА