2025         05          12                                          308/ШШ2025/00255

 

 

 

Хариуцагч нэхэмжлэлийн шаардлагыг

хүлээн зөвшөөрснийг баталж,

хэргийг хэрэгсэхгүй болгох тухай

 

   

Дорноговь аймаг дахь сум дундын анхан шатны шүүхийн  шүүгч Д.Адъяасүрэн  би,

Нэхэмжлэгч: К.Б ХК-ийн нэхэмжлэлтэй,

Хариуцагч: Н.Б-д холбогдох,

Нэхэмжлэлийн шаардлага: Зээлийн гэрээний үүрэгт 33,960,894 төгрөгийг гаргуулах тухай нэхэмжлэлийг 2025 оны 04 дүгээр сарын 25-ны өдөр хүлээн авч хянаад

ТОДОРХОЙЛОХ НЬ:

Нэхэмжлэгч “******* *******” ХК нь шүүхэд гаргасан нэхэмжлэлдээ: “...Зээлдэгч ******* 2024 оны 06 дугаар сарын 14-ний өдрийн MN770030003095018468 дугаартай “Цахим цалингийн зээлийн гэрээ”-ний үүрэгт үндсэн зээлийн төлбөрт 29,269,219 төгрөг, үндсэн хүүгийн төлбөрт 4,596,707 төгрөг, нэмэгдүүлсэн хүү 94,968 төгрөг, нийт 33,960,894 төгрөгийг гаргуулж өгнө үү...” гэжээ.

Хариуцагч ******* шүүхэд гаргасан тайлбартаа: “...“******* *******” ХК-ийн нэхэмжилсэн 33,960,894 төгрөгийг төлөхийг хүлээн зөвшөөрч байна. Иймд хэргийг хялбаршуулсан журмаар шийдвэрлэж өгнө үү” гэжээ.

 

ҮНДЭСЛЭХ НЬ:

Нэхэмжлэгч “******* *******” ХК нь хариуцагч *******т холбогдуулан 33,960,894 төгрөгийг гаргуулах тухай нэхэмжлэлийн шаардлага гаргажээ.

Хариуцагч ******* нь нэхэмжлэлийн шаардлага болох 33,960,894 төгрөгийг төлөхөө хүлээн зөвшөөрсөн байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгож шийдвэрлэх нь зүйтэй байна.

Хариуцагчийн зөвшөөрөл нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул хариуцагчийн зөвшөөрлийг баталж, хэргийг хэрэгсэхгүй болгож шийдвэрлэх үндэслэлтэй байна.

 

Монгол Улсын Иргэний хэрэг шүүхэд хянан шийдвэрлэх тухай хуулийн 74, 75, 75⁸ дугаар зүйл, 123 дугаар зүйлийн 123.1 дэх хэсгийг удирдлага болгон

 

ЗАХИРАМЖЛАХ НЬ:

1.Нэхэмжлэгч “******* *******” ХК-ийн 33,960,894 төгрөгийг гаргуулах нэхэмжлэлийн шаардлагыг хариуцагч ******* нь хүлээн зөвшөөрсөн байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.5, 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид урьдчилан төлсөн 327,755 төгрөгөөс 163,877.5 төгрөгийг улсын төсвийн орлогод хэвээр үлдээж, 163,877.5  төгрөгийг улсын төсвийн орлогоос, 163,877.5 төгрөгийг хариуцагч ******* тус тус гаргуулж нэхэмжлэгч “******* *******” ХК-д олгосугай. 

3.Шүүхийн шийдвэрийг талууд сайн дураар биелүүлээгүй бол шүүхийн шийдвэрийн нэг адил албадан гүйцэтгэхийг мэдэгдсүгэй.

4.Энэхүү шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухай асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ                                Д.АДЪЯАСҮРЭН