Хариуцагчийн зөвшөөрлийг баталж,

хэргийг хэрэгсэхгүй болгох тухай

Увс аймаг дахь сум дундын анхан шатны шүүхийн шүүгч Л.Дэлгэрцэцэг би,

Нэхэмжлэгч: Улаанбаатар хот, дүүрэг,  дугаар хороо, Тауэр, р давхарт  тоотод байрлах, регистрийн дугаар, O.KББСБ ХХК-ийн,

Хариуцагч: Увс аймаг, дүгээр баг,  дүгээр гудамж, тоотод оршин суух, регистрийн дугаар, Ц.Б холбогдох,

Зэлийн гэрээний гүйцэтгээгүй үүрэг 822,792 төгрөг гаргуулах тухай нэхэмжлэлийг 2025 оны 5 дугаар сарын 06-ны өдөр хүлээн авч, 2025 оны 5 дугаар сарын 09-ний өдөр иргэний хэрэг үүсгэн, хянаад

 

ТОДОРХОЙЛОХ нь:

Нэхэмжлэгч O.KББСБ ХХК-ийн итгэмжлэгдсэн төлөөлөгч Б.Д шүүхэд гаргасан нэхэмжлэлдээ: Нэхэмжлэгч O.KББСБ ХХК нь Ц.Б 2023 оны 9 дүгээр сарын 28-ны 30653 тоот зээлийн гэрээг байгуулан зээлийн эрх нээлгэсэн. 2024 оны 4 дүгээр сарын 29-ний өдөр 490,000 төгрөгийг 90 хоногийн хугацаатай 5.5 хувийн хүүтэй 2000288706 тоот тээлийг Хаан банк дахь тоот дансанд зээлдэгч Ц.Б нь шилжүүлэн авсан. Хариуцагч Ц.Б нь гэрээгээр хүлээсэн үүргээ биелүүлэхгүй байгаа ба 2025 оны 4 дүгээр сарын 29-ний өдрийн байдлаар: 2000288706 тоот зээл 2024 оны 5 дугаар сарын 29-ний өдөр дуусаж үндсэн зээлээс 0 төгрөгийг хасаж үлдэгдэл дүн 490,000 төгрөг нийт идэвхтэй ашигласан 365 хоногийн хүү 327,892 төгрөг шимтгэл 4,900 төгрөг тэрнээс хүүнд толсон 0 төгрөгийг хасаж нийт хүү 327,892, нийт дүн 822,792 төгрөг болсон тул үндсэн зээл 490,000 төгрөг, нийт хүү 327,892 төгрөг, шимтгэл нийлбэр 4,900 төгрөг бүгд нийлээд 822,792 төгрөгийг улсын тэмдэгтийн хураамжийн хамт гаргуулж өгнө үү гэжээ.

 

Хариуцагч Ч.Б шүүхэд гаргасан хариу тайлбартаа: Миний бие O.KББСБ ХХК-аас авсан зээлийг хүлээн зөвшөөрч байна. Тухайн мөнгийг 2025 оны 8 дугаар сарын 25-ны өдрийн дотор төлж барагдуулах болно. Иймд хэргийг хялбаршуулсан журмаар шийдвэрлэж өгнө үү гэжээ.

 

Нэхэмжлэгч O.KББСБ ХХК-ийн итгэмжлэгдсэн төлөөлөгч Б.Д шүүхэд гаргасан тайлбартаа: Ч.Б тайлбартай танилцлаа. Хэргийг хялбаршуулсан журмаар хянан шийдвэрлэхэд татгалзах зүйлгүй гэжээ.

 

ҮНДЭСЛЭХ нь:

Нэхэмжлэгч O.KББСБ ХХК нь хариуцагч Ч.Б холбогдуулан зээлийн гэрээний гүйцэтгээгүй үүрэг 822,792 төгрөг гаргуулах тухай нэхэмжлэлийг шүүхэд гаргажээ.

Хэрэг хянан шийдвэрлэх ажиллагааны явцад хариуцагч Ч.Б нь нэхэмжлэгч O.KББСБ ХХК-ийн зээлийн гэрээний гүйцэтгээгүй үүрэгт 822,792 төгрөгийг төлж барагдуулахыг хүлээн зөвшөөрсөн болох нь түүний шүүхэд гаргасан Миний бие O.KББСБ ХХК-аас авсан зээлийг хүлээн зөвшөөрч байна. Тухайн мөнгийг 2025 оны 8 дугаар сарын 25-ны өдрийн дотор төлж барагдуулах болно. Иймд хэргийг хялбаршуулсан журмаар шийдвэрлэж өгнө үү гэх тайлбараар тогтоогдож байна.

Иймд хариуцагч Ч.Б нь нэхэмжлэгч O.KББСБ ХХК-ийн нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгож шийдвэрлэх үндэслэлтэй.

Хариуцагч Ч.Б нэхэмжлэлийн шаардлагыг хүлээн зөвшөөрсөн ба үүргээ биелүүлээгүй тохиолдолд уг шүүгчийн захирамжийг Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар шүүхийн шийдвэрийн нэгэн адил албадан гүйцэтгэхийг дурдах нь зүйтэй.

Нэхэмжлэлийн шаардлагыг хариуцагч хүлээн зөвшөөрснийг баталж, хэргийг хялбаршуулсан журмаар шийдвэрлэж байгаа тул улсын тэмдэгтийн хураамжийг тал хувиар бууруулан тооцох үндэслэлтэй бөгөөд нэхэмжлэгчийн улсын тэмдэгтийн хураамжид төлсөн 24,297 төгрөгийн тал хувь болох 12,148.5 төгрөгийг төрийн санд хэвээр үлдээж, төрийн сангийн 100150000941 тоот данснаас 12,148.5 төгрөг, хариуцагч Ч.Бат-Эрдэнээс 12,148.5 төгрөгийг тус тус гаргуулан нэхэмжлэгч М банк ХК-д олгох нь зүйтэй байна.

Хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд нэхэмжлэл гаргах эрхгүй болно.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйл, 123 дугаар зүйлийн 123.1 дэх хэсгүүдэд заасныг удирдлага болгон 

ЗАХИРАМЖЛАХ нь

1. Нэхэмжлэгч O.KББСБ ХХК-ийн зээлийн гэрээний гүйцэтгээгүй үүрэг 822,792 төгрөгийг төлж барагдуулахыг хариуцагч Ч.Б хүлээн зөвшөөрснийг баталж, хэргийг хэрэгсэхгүй болгосугай.

2. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар Төрийн сангийн  тоот данснаас 12,148.5 төгрөг, хариуцагч Ч.Б 12,148.5 төгрөгийг тус тус гаргуулж нэхэмжлэгч O.KББСБ ХХК-д олгож, 12,148.5 төгрөгийг төрийн санд хэвээр үлдээсүгэй.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар шүүгчийн захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигчид шүүгчийн захирамжид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй.

 

 

 

ШҮҮГЧ  Л.ДЭЛГЭРЦЭЦЭГ