Хариуцагч нэхэмжлэлийн шаардлагыг хүлээн

 

зөвшөөрснийг баталж, хэргийг хэрэгсэхгүй болгох тухай

 

Увс аймаг дахь сум дундын анхан шатны шүүхийн шүүгч Л.Дэлгэрцэцэг би,

 

Нэхэмжлэгч: Улаанбаатар хот, дүүрэг, дугаар хороо, оргил  гудамж, байр,  товер оффис, давхарт байрлах, регистрийн дугаар, Т.Б.Ф ББСБ ХХК-ийн

 

Хариуцагч: Увс аймаг, сум,  дүгээр баг,  дүгээр гудамж, тоотод оршин суух, регистрийн дугаар, Ц.Б холбогдох,

 

Зээлийн гэрээний гүйцэтгээгүй үүрэгт 5,246,843 төгрөг гаргуулах тухай нэхэмжлэлийг 2025 оны 5 дугаар сарын 26-ны өдөр хүлээн авч, хянаад,

 

ТОДОРХОЙЛОХ нь:

 

Нэхэмжлэгч Т.Б.Ф ББСБ ХХК-ийн зээл төлүүлэлтийн албаны дарга О.Э шүүхэд гаргасан нэхэмжлэлдээ: Т.Б.Ф ББСБ" ХХК-ийн зүгээс зээлдэгч Ц.Б  зээлийн гэрээгээр хүлээсэн үүргээ биелүүлэхийг удаа дараа сануулж, утсаар холбогдож байсан. Зээлдэгч Ц.Б нь одоог хүртэл зээлийн төлбөрөө төлөхгүй байх тул цахим зээлийн эрх наах гэрээний 7.4-т заасны дагуу гэрээг нэг талын санаачилгаар цуцалж, дараах шаардлагыг гаргаж байна. Үүнд: Талуудын хооронд байгуулсан 428294 дугаартай Цахим зээлийн эрх нээх гэрээ, 93001-78166 дугаар 93001-98646 дугаар 93001-98653 дугаар 93001-100065 дугаар зээлийн дэд гэрээний үүргийн гүйцэтгэлд зээлийн үндсэн төлбөрт 3,892,417.80 төгрөг, зээлийн хүүгийн төлбөрт 1,241,435.47 төгрөг, нэмэгдүүлсэн хүүгийн төлбөрт 55,989.93 төгрөг, нотариатын зардалд 57,000.00 төгрөг, бүгд 5,246,843.20 төгрөгийн зээлийн төлбөрийг хариуцагч Ц.Б эс гаргуулж, ББСБ-ыг хохиролгүй болгож өгнө үү гэжээ.

 

Хариуцагч Ц.Б шүүхэд гаргасан тайлбартаа: Миний бие Т.Б.Ф ББСБ-аас 5,246,843.20 төгрөгийг хүлээн зөвшөөрч байна. Миний бие 2025 оны 06 сараас эхлэн сар бүр 1,000,000 төгрөг хийж 2025 оны 10 дугаар сарын 30-ны өдөр гэхэд дуусгавар болгоно гэжээ.

 

Нэхэмжлэгчийн итгэмжлэгдсэн төлөөлөгч О.Э шүүхэд гаргасан тайлбартаа: Ц.Б тайлбартай танилцлаа. Хэргийг хялбаршуулсан журмаар хянан шийдвэрлэхэд татгалзах зүйлгүй гэжээ.

 

ҮНДЭСЛЭХ нь:

 

Нэхэмжлэгч Т.Б.Ф ББСБ ХХК нь хариуцагч Ц.Б холбогдуулан зээлийн гэрээний гүйцэтгээгүй үүрэгт 5,246,843.20 төгрөг гаргуулах тухай нэхэмжлэлийг шүүхэд гаргажээ.

 

Хэрэг хянан шийдвэрлэх ажиллагааны явцад хариуцагч Ц.Б нь нэхэмжлэгч Т.Б.Ф ББСБ ХХК-ийн зээлийн гэрээний гүйцэтгээгүй үүрэгт 5,246,843.20 төгрөгийг төлж барагдуулахыг хүлээн зөвшөөрсөн болох нь түүний шүүхэд гаргасан Миний бие Т.Б.Ф ББСБ-аас 5,246,843.20 төгрөгийг хүлээн зөвшөөрч байна. Миний бие 2025 оны 06 сараас эхлэн сар бүр 1,000,000 төгрөг хийж 2025 оны 10 дугаар сарын 30-ны өдөр гэхэд дуусгавар болгоно гэх тайлбараар тогтоогдож байх ба тухайн хугацааг нэхэмжлэгчийн итгэмжлэгдсэн төлөөлөгч хүлээн зөвшөөрсөн байна.

 

Иймд хариуцагч Ц.Б нь нэхэмжлэгч Т.Б.Ф ББСБ ХХК-ийн нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгож шийдвэрлэх үндэслэлтэй.

 

Хариуцагч Ц.Б нэхэмжлэлийн шаардлагыг хүлээн зөвшөөрсөн ба үүргээ биелүүлээгүй тохиолдолд уг шүүгчийн захирамжийг Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар шүүхийн шийдвэрийн нэгэн адил албадан гүйцэтгэхийг дурдах нь зүйтэй.

 

Нэхэмжлэлийн шаардлагыг хариуцагч хүлээн зөвшөөрснийг баталж, хэргийг хялбаршуулсан журмаар шийдвэрлэж байгаа тул улсын тэмдэгтийн хураамжийг тал хувиар бууруулан тооцох үндэслэлтэй бөгөөд нэхэмжлэгчийн улсын тэмдэгтийн хураамжид төлсөн 98,900 төгрөгийн тал хувь болох 49,450 төгрөгийг төрийн санд хэвээр үлдээж, төрийн сангийн 100150000941 тоот данснаас 49,450 төгрөг, хариуцагч Ц.Бэс 49,450 төгрөгийг тус тус гаргуулан нэхэмжлэгч Т.Б.Ф ББСБ ХХК-д олгох нь зүйтэй байна.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйл, 123 дугаар зүйлийн 123.1 дэх хэсгүүдэд заасныг удирдлага болгон

 

ЗАХИРАМЖЛАХ нь:

 

1. Нэхэмжлэгч Т.Б.Ф ББСБ ХХК-ийн зээлийн гэрээний гүйцэтгээгүй үүрэгт 5,246,843.20 төгрөгийг 2025 оны 06 сараас эхлэн сар бүр 1,000,000 төгрөг хийж 2025 оны 10 дугаар сарын 30-ны өдөр төлж барагдуулахыг хариуцагч Ц.Б хүлээн зөвшөөрснийг баталж, хэргийг хэрэгсэхгүй болгосугай.

 

2. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар Төрийн сангийн 100150000941 тоот данснаас 49,450 төгрөг, хариуцагч Ц.Бэс 49,450 төгрөгийг тус тус гаргуулж нэхэмжлэгч Т.Б.Ф ББСБ ХХК-д олгож, 49,450 төгрөгийг төрийн санд хэвээр үлдээсүгэй.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар шүүгчийн захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигчид шүүгчийн захирамжид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй.

 

 

 

 

 

 

 

        ШҮҮГЧ                                    Л.ДЭЛГЭРЦЭЦЭГ