2025         07          03                                      157/ШШ2025/00202

  

 

 

    Хариуцагчийн зөвшөөрлийг баталж,

    хэргийг хэрэгсэхгүй болгох тухай

 

 

Хаймгийн Б сум дахь Сум дундын шүүхийн шүүгч         Б.Болор-Эрдэнэ би,

Нэхэмжлэгч: У хот, С дүүрэг, 8 дугаар хороо, “С” 5 давхар 510 тоот А ББСБХХК-ийн нэхэмжлэлтэй,

Хариуцагч: Хаймгийн Б сум, 4 дүгээр баг Уурхайчин 15-02 тоотод оршин суух, Б овогт М-ын Ө-д холбогдох

“зээлийн гэрээний үүрэгт 1,440,631.19 төгрөг гаргуулах” тухай нэхэмжлэлийг  2025 оны 6 дугаар сарын 17-ны өдөр хүлээн авч, 2025 оны 6 дугаар сарын 20-ны өдөр иргэний хэрэг үүсгэж хянаад                                                              

                                                            

ТОДОРХОЙЛОХ нь:

Нэхэмжлэгч А ББСБХХК-ийн итгэмжлэгдсэн төлөөлөгч Э.Тэнгис шүүхэд гаргасан нэхэмжлэлдээ: “...М.Ө-аас 7110107056 тоот гэрээний үүрэгт үндсэн зээл 1,099,566.05 төгрөг, үндсэн хүү 305,929.04 төгрөг, нэмэгдүүлсэн хүү 20,136,10 төгрөг, нотариатын төлбөр 15,000 төгрөг, нийт 1,440,631,19 төгрөгийг гаргуулахаар нэхэмжилж байна.” гэжээ.

             

Хариуцагч М.Ө шүүхэд бичгээр ирүүлсэн хариу тайлбартаа: “Миний бие нь “Ашид капитал” ББСБ-аас авсан зээлээ эргэн төлөлтийн хуваарийн дагуу тухай бүр төлөхийг хүлээн зөвшөөрч байна. Төлөлтийг 7 сарын дунд үеэс эхлэн төлнө.” гэв.

ҮНДЭСЛЭХ нь:

Нэхэмжлэгч А ББСБХХК нь хариуцагч М.Өд холбогдуулан 1,440,631.19 төгрөг гаргуулах тухай нэхэмжлэлийг тусгайлсан журмаар хянан шийдвэрлүүлэхээр гаргажээ.

Хариуцагч М.Ө нь хэрэг хянан шийдвэрлэх ажиллагааны явцад “...авсан зээлээ эргэн төлөлтийн хуваарийн дагуу тухай бүр төлөхийг хүлээн зөвшөөрч байна. Төлөлтийг 7 сарын дунд үеэс эхлэн төлнө.” гэж нэхэмжлэлийн шаардлагыг бүрэн хэмжээгээр хүлээн зөвшөөрсөн хариу тайлбар гаргасан нь бусдын хуулиар хамгаалагдсан эрх, ашиг сонирхолд харшлахгүй, хууль зөрчөөгүй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1 дэх хэсэгт “Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ.” гэж заасан.

Иймд хариуцагч М.Өы нэхэмжлэлийн шаардлага болох 1,440,631.19 төгрөгийг төлөхийг хүлээн зөвшөөрсөн тайлбарыг үндэслэн хэргийг хялбаршуулсан журмаар хянан шийдвэрлэх боломжтой гэж шүүх үзэж, хариуцагчийн зөвшөөрлийг баталж, хэргийг хэрэгсэхгүй болгож шийдвэрлэв.

 

Нэхэмжлэгч А ББСБХХК-ийн улсын тэмдэгтийн хураамжид урьдчилан төлсөн 38,000 төгрөгийг төрийн сангийн дансанд хэвээр үлдээн улсын орлого болгож, хэргийг хялбаршуулсан журмаар шийдвэрлэсэн тул улсын тэмдэгтийн хураамж 38,000 төгрөгийг тал хувиар бууруулж, хариуцагч М.Ө-аасулсын тэмдэгтийн хураамжид 19,000 төгрөг, Төрийн сангийн орлогоос улсын тэмдэгтийн хураамжид 19,000 төгрөгийг тус тус гаргуулж, нэхэмжлэгч А ББСБХХК -нд олгох нь зүйтэй байна.

 

Иргэний хэрэг шүүхэд хянан шийдвэрлэх тухай хуулийн 74, 75 дугаар зүйл, 75⁸ дугаар зүйлийн 75⁸.1 дэх хэсэгт заасныг тус тус удирдлага болгон  ЗАХИРАМЖЛАХ нь:

 

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2 дахь хэсэгт зааснаар нэхэмжлэгч А ББСБХХК-ийн нэхэмжлэлтэй хариуцагч М.Өд холбогдох зээлийн гэрээний үүрэгт 1,440,631.19 (нэг сая дөрвөн зуун дөчин дөрвөн мянга зургаан зуун гучин нэгэн төгрөг, арван есөн мөнгө) төгрөг гаргуулах тухай нэхэмжлэлийн шаардлагатай иргэний хэрэгт хариуцагчийн зөвшөөрлийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгч А ББСБХХК-ийн улсын тэмдэгтийн хураамжид урьдчилан төлсөн 38,000 төгрөгийг төрийн сангийн дансанд хэвээр үлдээн улсын орлого болгож, хариуцагч М.Ө-аасулсын тэмдэгтийн хураамж 19,000 төгрөгийг, Төрийн сангийн орлогоос улсын тэмдэгтийн хураамж 19,000 төгрөгийг тус тус гаргуулж, нэхэмжлэгч А ББСБ    ХХК-нд олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү шүүгчийн захирамжийг хариуцагч М.Ө нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4.Шүүхийн шийдвэр гүйцэтгэх тухай хуулийн 18 дугаар зүйлийн 18.1.1 дэх заалтад зааснаар уг шүүгчийн захирамж хуулийн хүчин төгөлдөр болсноос хойш 4 жилийн хугацаа өнгөрсөн тохиолдолд иргэний шийдвэр гүйцэтгэх ажиллагаа үүсгэхгүй болохыг дурдсугай.

5.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар энэхүү шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

 

 

   ШҮҮГЧ                            Б.БОЛОР-ЭРДЭНЭ