МОНГОЛ УЛСЫН НЭРИЙН ӨМНӨӨС

 

Багануур дүүргийн Иргэний хэргийн анхан шатны шүүхийн шүүгч Т.Эрдэнэтунгалаг даргалж, шүүх хуралдааны танхимд хийсэн хуралдаанаар:

Хүсэлт гаргагч: Багануур дүүргийн * дүгээр хороонд байрлах, Багануур дүүргийн Цагдаагийн хэлтсийн хүсэлттэй,

Гуравдагч этгээд: 1974 онд ******* аймгийн *******-******* суманд төрсөн, 51 настай, эрэгтэй, бага боловсрлтой, ам бүл 2, эхнэрийн хамт Багануур дүүргийн * дугаар хороо, ******* ** дугаар гудамжны * тоотод хэсэг оршин суух, ******* ******* архины албадан эмчилгээнд хамруулах тухай хүсэлтийг 2025 оны 06 дугаар сарын 19-ний өдөр хүлээн авч хянан хэлэлцэв.

Шүүх хуралдаанд оролцогчид:

Хүсэлт гаргагч: Багануур дүүргийн Цагдаагийн хэлтсийг төлөөлж Нийтийн хэв журам хамгаалах, олон нийтийн аюулгүй байдлыг хангах тасгийн хэсгийн байцаагч, цагдаагийн ахлах дэслэгч Ч.*******,

Гуравдагч этгээд: Ц.*******,

Шүүх хуралдааны нарийн бичгийн дарга: Б.******* нар оролцов.

ТОДОРХОЙЛОХ нь :

1.Хүсэлт гаргагч Багануур дүүрэг дэх Цагдаагийн хэлтэс нь ******* ******* архины албадан эмчилгээнд хамруулах тухай хүсэлтийг шүүхэд гаргаж, хүсэлтээ дараах байдлаар тодорхойлж байна. Үүнд: Багануур дүүргийн * дугаар хороо, ******* ** дугаар гудамжны * тоотод оршин суух Ц.******* нь гудамж талбай, олон нийтийн газар бөөгнөрөл үүсгэж, ахуйн хүрээнд архидан согтуурч өөртөө болон бусдад аюултай эрсдэл үүсгэж болзошгүй нөхцөл байдал тогтоогдсон этгээдийг албадан эмчилгээнд хамруулж өгнө үү гэжээ.

2.Хүсэлт гаргагч байгууллагын төлөөлөгч Ч.******* шүүх хуралдаанд өгсөн тайлбартаа: Багануур дүүргийн * дугаар хороо, ******* ** дугаар гудамжны * тоотод оршин суудаг, Ц.******* нь гудамж талбай, олон нийтийн газар бөөгнөрөл үүсгэж, ахуйн хүрээнд архидан согтуурч бүлэг бөөгнөрөл үүсгэдэг, ар гэрийнхэн нь архины албадан эмчилгээнд хамруулах хүсэлт гаргадаг гэв.

3.Гуравдагч этгээд Ц.******* шүүх хуралдаанд өгсөн тайлбартаа: Би дахин архи уухгүй ухаарсан тул албадан эмчилгээнд явмааргүй байна гэв.

4.Хүсэлт гаргагч Багануур дүүрэг дэх Цагдаагийн хэлтэс нь шүүхэд: итгэмжлэл, Багануур дүүргийн * дугаар хорооны Засаг даргын хүсэлт, Багануур дүүргийн * дугаар хорооны Засаг даргын тодорхойлолт, согтуурах, мансуурах донтой эсэхийг тогтоосон тухай эрүүл мэндийн дүгнэлт, биеийн эрүүл мэндийн үзлэг шинжилгээнүүд, Ц.******* асууж авсан тайлбар, илтгэх хуудас, захиргааны зөрчлийн шийдвэрлэлтийн бүртгэлийн материал зэрэг болно.

ҮНДЭСЛЭХ нь:

Багануур дүүрэг дэх Цагдаагийн хэлтсийн Ц.******* архины албадан эмчилгээнд хамруулах тухай хүсэлтийг хангаж шийдвэрлэх үндэслэлтэй гэж үзлээ.

Согтуурах, мансуурах донтой хүнийг захиргааны журмаар албадан эмчлэх тухай хуулийн 8 дугаар зүйлийн 8.1 дэх хэсэгт зааснаар Цагдаагийн байгууллага нь Ц.******* архины албадан эмчилгээнд хамруулах хүсэлтийг шүүхэд гаргасан нь хууль зөрчөөгүй байна.

Ц.******* нь архи уун согтуурч архинд донтох өвчтэй болсон, согтуурсан, мансуурсан үедээ орчин тойрондоо түгшүүр төрүүлж, нийгмийн хэв журмыг зөрчиж бусдын амгалан тайван байдлыг алдагдуулдаг, архины хамааралтай болсон, өөрийгөө эрсдэлд оруулах магадлалтай болох нь архинд донтох өвчтэй эсэхийг тогтоосон эмнэлгийн комиссын дүгнэлт, хүсэлт гаргагчийн болон гуравдагч этгээдийн шүүх хуралдаанд өгсөн тайлбар зэргээр тогтоогдож байна.

Ц.*******ийн архинд донтох өвчтэй болохыг тогтоосон дүгнэлтийг 2 эмчийн бүрэлдэхүүнтэй, эрх бүхий комисс гаргасан, Ц.******* нь байнга архидан согтуурч мансуурдаг, сайн дураараа архины эмчилгээнд хамрагдах хүсэлгүй байгаа зэргийг харгалзан архины албадан эмчилгээний газарт эмчлүүлэх нь зүйтэй гэж үзэв.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118 зүйлүүдэд заасныг удирдлага болгон

ТОГТООХ нь:

1.Согтуурах, мансуурах донтой хүнийг захиргааны журмаар албадан эмчлэх тухай хуулийн 3 дугаар зүйлийн 3.1, 9 дүгээр зүйлийн 9.1 дэх хэсгүүдэд зааснаар ******* ******* (РД:СД74112911) албадан эмчилгээнд хамруулсугай.

2.Согтуурах, мансуурах, донтох өвчтэй этгээдийг захиргааны журмаар албадан эмчлэх тухай хуулийн 17 дугаар зүйлийн 17.2-т зааснаар ******* ******* албадан эмчлэх хугацаа нь эмчлүүлэгчийн эмчилгээний үр дүнг харгалзан мэргэжлийн эмч нарын зөвлөгөөний дүгнэлтийг үндэслэн гаргасан шүүхийн шийдвэрээр дуусгавар болохыг мэдэгдсүгэй.

3.Согтуурах, мансуурах, донтой хүнийг захиргааны журмаар албадан эмчлэх тухай хуулийн 9 дүгээр зүйлийн 9.6 дахь хэсэгт зааснаар Ц.******* албадан эмчилгээний газарт хүргүүлэхийг Шүүхийн шийдвэр гүйцэтгэх байгууллагад даалгасугай.

4.Согтуурах, мансуурах, донтой хүнийг захиргааны журмаар албадан эмчлэх тухай хуулийн 9 дүгээр зүйлийн 9.7 дахь хэсэгт зааснаар Ц.******* албадан эмчлэх тухай шүүхийн шийдвэр гарсан талаар түүний гэр бүлийн гишүүн, төрөл садангийн хүнд ажлын 5 өдрийн дотор мэдэгдэхийг цагдаагийн ахлах дэслэгч Ч.*******ад үүрэг болгосугай.

5.Согтуурах мансуурах донтой хүнийг захиргааны журмаар албадан эмчлэх тухай хуулийн 22 дугаар зүйлийн 22.1 дэх хэсэгт зааснаар өвчтэй этгээд, түүний хууль ёсны төлөөлөгч, өмгөөлөгч албадан эмчлэхтэй холбоотой гомдлоо шүүхэд гаргах эрхтэй болохыг дурдсугай.

6.Хүсэлт гаргагч Багануур дүүрэг дэх Цагдаагийн хэлтэс нь Улсын тэмдэгтийн хураамжийн тухай хуулийн 41 дүгээр зүйлийн 41.1.3 дахь хэсэгт зааснаар улсын тэмдэгтийн хураамж төлөхөөс чөлөөлөгддөг болохыг дурьдсугай.

7.Согтуурах, мансуурах, донтой хүнийг захиргааны журмаар албадан эмчлэх тухай хуулийн 9 дүгээр зүйлийн 9.5 дахь хэсэгт зааснаар тухайн хүн, түүний хууль ёсны төлөөлөгч, өмгөөлөгч нь шүүхийн шийдвэрийг эс зөвшөөрвөл гардан авснаас хойш 14 хоногийн дотор Нийслэлийн Иргэний хэргийн давж заалдах шатны шүүхэд гомдол гаргах эрхтэй болохыг дурдсугай.

 

 

 

 

ДАРГАЛАГЧ, ШҮҮГЧ Т.ЭРДЭНЭТУНГАЛАГ