Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.2, 116, 118 дугаар зүйлд заасныг удирдлага болгон ТОГТООХ нь:

1. Иргэний хуулийн 497 дугаар зүйлийн 497.1, 498 дугаар зүйлийн 498.1, 511 дүгээр зүйлийн 511.2 дэх хэсгүүдэд зааснаар хариуцагч У аймгийн С сумын Э.м.т нэр бүхий ажилтнууд нэхэмжлэгч Б.Т-н хувийн мэдээллийг тараасан болохыг тогтоож, тус эрүүл мэндийн төвд нэхэмжлэгчийн хувийн мэдээллийг тараасан талаар залруулга хийж, олон нийтэд мэдээллэхийг даалгаж, нэхэмжлэлийн шаардлагаас үлдэх хэсгийг болон хариуцагч У аймгийн Э.м.г-т холбогдох хэсгийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.2, 60 дугаар зүйлийн 60.1 дэх хэсгүүдэд зааснаар нэхэмжлэгчээс улсын тэмдэгтийн хураамжид төлсөн 70,200 төгрөгийг улсын орлогод хэвээр үлдээж, хариуцагч У аймгийн С сумын Э.м төвөөс 70,200 төгрөг гаргуулан нэхэмжлэгч Б.Т-д олгосугай.

Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар зохигч, гуравдагч этгээд, тэдгээрийн төлөөлөгч буюу өмгөөлөгч шүүхийн шийдвэрийг эс зөвшөөрвөл гардан авснаас хойш 14 хоногийн дотор Увс аймгийн Эрүү, Иргэний хэргийн давж заалдах шатны шүүхэд гомдол гаргах эрхтэй.

ДАРГАЛАГЧ, ШҮҮГЧ             Л.ДЭЛГЭРЦЭЦЭГ

ШҮҮГЧ                     Я.УРНАА

ШҮҮГЧ                         П.БОЛОР