Зохигчдын эвлэрлийг баталж,

                                         хэргийг хэрэгсэхгүй болгох тухай

 

Дорноговь аймгийн Замын-Үүд сум дахь сум дундын шүүхийн шүүгч Э.Б би, нэхэмжлэгч “Т  ББСБ” ХХК-ийн нэхэмжлэлтэй, хариуцагч А.Б-т холбогдох зээлийн 2,804,012.81 төгрөг гаргуулах тухай нэхэмжлэлийг 2025 оны 06 сарын 18-ны өдөр хүлээн авч, 2025 оны 06 сарын 23-ны өдөр иргэний хэрэг үүсгэн хянаад

                                                     ТОДОРХОЙЛОХ нь:

Нэхэмжлэгч Улаанбаатар хот, С  дүүрэг, ..-р хороо,. .давхарт байрлах, Т  ББСБ ХХК / РД:.., утас: ../ шүүхэд гаргасан нэхэмжлэлдээ: Хариуцагч А овогтой Б  нь Т   ББСБ ХХК-тай дараах гэрээг байгуулсан боловч гэрээний үүрэг зөрчигдсөн байна.

1. 2023 оны 11 сарын 22-ны өдөр ЗГ2023112202826 тоот гэрээний дагуу Samsung A54 128GB маркийн гар утас/цаг, чихэвч/-ыг нийт 1,538,000 төгрөгийн зээлээр 24 сарын хугацаатай авсан.

2. 2023 оны 11 сарын 22-ны өдөр ЗГ2023112202828 тоот гэрээний дагуу Samsung A14 128GB маркийн гар утас/цаг, чихэвч/-ыг нийт 858,000 төгрөгийн зээлээр 24 сарын хугацаатай авсан.

3. 2023 оны 11 сарын 22-ны өдөр ЗГ2023112202829 тоот гэрээний дагуу Samsung A14 128GB маркийн гар утас/цаг, чихэвч/-ыг нийт 858,000 төгрөгийн зээлээр 24 сарын хугацаатай авсан.

Хариуцагчид зээлийн гэрээний үүргийг зөрчигдсөн үеэс эхлэн тогтмол шаардаж, сануулсан боловч үр дүн гарахгүй байх тул дээрх гэрээг цуцалж, Шүүхэд дараах нэхэмжлэлийн шаардлагыг гаргаж байна. Үүнд нотариатын төлбөрт 0.0 төгрөг, нийт 2,804,012.81 төгрөгийг хариуцагч А-ын Б-ээс гаргуулж өгнө үү гэжээ.      

                            

Хариуцагч Дорноговь аймгийн Замын-Үүд сумын ..-р баг, ... тоотод оршин суух, А  овогтой Б  /РД: .., утас:../ шүүхэд ирүүлсэн тайлбартаа: Миний бие А  овогтой Б  нь “Т  ББСБ” ХХК гаргасан нэхэмжлэлтэй танилцлаа. Зээл авсан нь үнэн. “Т  ББСБ” ХХК-аас нэхэмжилж буй 2,804,012.81 төгрөгийг 6 сарын хугацаанд буюу 2025 оны 07 сарын 30-ны өдрөөс 2025 оны 12 сарын 30-ны өдрийг хүртэл сар бүрийн 30-ны өдрийн дотор 467,335.5 төгрөгөөр төлөх хүсэлтэй байна. Иймд миний хэргийн хялбаршуулсан журмаар шийдэж өгнө үү гэжээ.

Нэхэмжлэгч “Т  ББСБ” ХХК-ийн итгэмжлэгдсэн төлөөлөгч Д.А  шүүхэд ирүүлсэн хүсэлтдээ: “Токи ББСБ” ХХК нь иргэн А.Б-т холбогдуулан 2,804,012.81 төгрөг гаргуулахаар нэхэмжлэл гаргасан. Хариуцагч нь зээлийн 2,804,012.81 төгрөгийг 6 сарын хугацаанд буюу 2025 оны 07 сарын 30-ны өдрөөс 2025 оны 12 сарын 30-ны өдрийг хүртэл сар бүрийн 30-ны өдрийн дотор 467,335.5 төгрөгөөр төлж барагдуулна гэснийг нэхэмжлэгч байгууллагын итгэмжлэгдсэн төлөөлөгч миний бие хүлээн зөвшөөрч байна. Иймд хэргийг хялбаршуулсан журмаар шийдвэрлэж өгнө үү гэжээ.

ҮНДЭСЛЭХ нь:

Нэхэмжлэгч “Т  ББСБ” ХХК-ийн нэхэмжлэлтэй, хариуцагч А.Б-т холбогдуулан 2,804,012.81 төгрөг гаргуулахаар нэхэмжлэлийн шаардлагыг гаргажээ.

 

Иргэний хэрэг шүүхэд хянан шийдвэрлэх ажиллагааны явцад хариуцагч А.Б  нь нэхэмжлэлийн шаардлага 2,804,012.81 төгрөгийг 6 сарын хугацаанд буюу 2025 оны 07 сарын 30-ны өдрөөс 2025 оны 12 сарын 30-ны өдрийг хүртэл сар бүрийн 30-ны өдрийн дотор 467,335.5 төгрөгөөр төлж барагдуулахаар тайлбараа ирүүлснийг нэхэмжлэгч байгууллагын төлөөлөгч Д.А  нь зөвшөөрсөн тайлбарыг шүүхэд ирүүлсэн нь хуульд харшлаагүй, гуравдагч этгээдийн эрх, хуулиар хамгаалсан ашиг сонирхлыг хөндөөгүй байна. Иймд зохигчдын эвлэрлийг баталж хэргийг хялбаршуулсан журмаар хянан шийдвэрлэх үндэслэлтэй байна. 

 

Иргэний хэрэг шүүхэд хянан шийдвэрлэх тухай хуулийн 74, 75, 75⁸ дугаар зүйлийн 75⁸.1, 123 дугаар зүйлийн 123.1-д-д заасныг удирдлага болгон ЗАХИРАМЖЛАХ нь:

1. Нэхэмжлэгч “Т  ББСБ” ХХК нь хариуцагч А.Б-т холбогдуулан 2,804,012.81 төгрөг гаргуулах тухай иргэний хэрэгт хариуцагч А.Б нь нэхэмжлэлийн шаардлага 2,804,012.81 төгрөгийг 6 сарын хугацаанд буюу 2025 оны 07 сарын 30-ны өдрөөс 2025 оны 12 сарын 30-ны өдрийг хүртэл сар бүрийн 30-ны өдрийн дотор 467,335.5 төгрөгөөр төлж барагдуулахаар харилцан тохиролцож зохигчид эвлэрсэн тул зохигчдын эвлэрлийг баталж, хэргийг хэрэгсэхгүй болгосугай.

2.  Иргэний хэрэг шүүхэд хянан шийдвэрлэх тухай хуулийн 57, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар нэхэмжлэгч байгууллагын улсын тэмдэгтийн хураамжид төлсөн 59,814 төгрөгийн 50 хувийг улсын орлогод хэвээр үлдээж, үлдэх 50 хувь буюу 29,907 төгрөгийг улсын орлогоос, хариуцагч А.Б-ээс улсын тэмдэгтийн хураамжийн 50 хувь болох 29,907 төгрөгийг гаргуулж нэхэмжлэгч байгууллагад олгосугай.

3. Энэхүү захирамжийг хариуцагч А.Б  нь сайн дураар биелүүлэхгүй бол шүүхийн шийдвэрийн нэгэн адил албадан гүйцэтгэсүгэй.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

                   ШҮҮГЧ                                   Э.Б