МОНГОЛ УЛСЫН НЭРИЙН ӨМНӨӨС

 

Баянхонгор аймаг дахь сум дундын анхан шатны шүүхийн шүүгч Г.Батзаяа даргалж тус шүүхийн шүүх хуралдааны танхимд хийсэн хуралдаанаар

Хүсэлт гаргагч: **************

Хүсэлтийн шаардлага: Ажиллаж байсан байдал тогтоолгох тухай хүсэлтийг 2025 оны 5 дугаар сарын 20-ны өдөр хүлээн авч, хянан хэлэлцэв.

Шүүх хуралдаанд: Хүсэлт гаргагч ************, шүүх хуралдааны нарийн бичгийн даргаар А.Уртнасан нар оролцов.

ТОДОРХОЙЛОХ нь:

1. Хүсэлт гаргагч Ч********************** нь ажиллаж байсан байдал тогтоолгохоор нэхэмжлэл гаргасан. Хүсэлт гаргагч нэхэмжлэлийн шаардлагын үндэслэлээ дараах байдлаар тодорхойлж байна. Үүнд:

Миний бие 1965 онд Баянхонгор аймгийн Баян-Овоо суманд төрсөн. 60 нас хүрч өндөр настны тэтгэвэрт орох гэтэл бичиг баримтын зөрчил гарч шүүхээр ажиллаж байсан байдлаа тогтоолгох шаардлагатай болсон. Иймд 1986 оны 7 дугаар сарын 20-ны өдрөөс 1992 оны 12 дугаар сарын 30-ны өдрийг дуустал Баянхонгор аймгийн Баян-Овоо сумын Худалдаа бэлгэтийн ангид тракторын жолоочоор ажиллаж байсан байдлыг тогтоож өгнө үү.гэжээ.

2. Хүсэлт гаргагчаас иргэний үнэмлэхийн хуулбар, Баянхонгор аймгийн Засаг даргын тамгын газрын 2025 оны 4 дүгээр сарын 28-ны өдрийн 433 дугаар лавлагаа, Баярын бичгийн хуулбарууд, системийн аваргын дипломын хуулбар, улсын тэмдэгтийн хураамж төлсөн баримт зэрэг баримтуудыг гаргаж өгсөн байна.

Шүүхээс Баянхонгор аймгийн Улсын бүртгэлийн хэлтсийн 2025 оны 6 дугаар сарын 30-ны өдрийн 13/591 дугаартай албан бичиг, хүсэлт гаргагч ************** ХААТР-1 маягтын хуулбар, гэрч ************** нарын мэдүүлэг зэргийг бүрдүүлсэн байна.

ҮНДЭСЛЭХ нь:

1. Шүүх хүсэлт гаргагч ***************** ажиллаж байсан байдал тогтоолгох нэхэмжлэлийн шаардлагыг бүхэлд нь хэрэгсэхгүй болгож шийдвэрлэв. Учир нь:

2. Хүсэлт гаргагч*************нь 1986 оны 7 дугаар сарын 20-ны өдрөөс 1992 оны 12 дугаар сарын 30-ны өдрийг дуустал Баянхонгор аймгийн Баян-Овоо сумын Худалдаа бэлтгэлийн ангид тракторын жолоочоор ажиллаж байсныг тогтоолгох гэж нэхэмжлэлийн шаардлагаа тодорхойлжээ.

3. Хүсэлт гаргагч Ч.Болд************** нь 1986 оны 7 дугаар сарын 20-ны өдрөөс 1992 оны 12 дугаар сарын 30-ны өдрийг дуустал Баянхонгор аймгийн Баян-Овоо сумын Худалдаа бэлтгэлийн ангид тракторын жолоочоор  ажиллаж байсан гэж хүсэлтийн шаардлагаа тодорхойлсон боловч дээрх байдал нь хүсэлт гаргагчийн шүүхэд болон шүүх хуралдаанд гаргасан тайлбарууд, хэрэгт цугларсан нотлох баримтуудаар нотлогдон тогтоогдохгүй байна.

4. Гэрчийн нарын мэдүүлэгт *************1986 оны 7 дугаар сарын 20-ны өдрөөс 1992 оны 12 дугаар сарын 31-ний өдрийг дуустал Баянхонгор аймгийн Баян-Овоо сумын худалдаа бэлтгэлийн ангид тракторын жолоочоор ажиллаж эхэлсэн гэж мэдүүлж байх боловч хэрэгт гэрчийн мэдүүлгийн эх сурвалж буюу тухайн цаг үед ************** ажиллаж байсныг нотлох бичгийн баримт авагдаагүй тул гэрчийн мэдүүлгийн энэхүү хэсгийг, мөн хүсэлт гаргагч **************** гаргаж өгсөн 1989 оны баярын бичгүүд, 1991 оны системийн аваргын дипломын хуулбарууд нь засвартай байх тул шүүхийн шийдвэрийн үндэслэл болгох боломжгүй байна.

5. Иргэний хэрэг шүүхэд хянан шийдвэрлэх тухай хуулийн 25 дугаар зүйлийн 25.2.2, 38 дугаар зүйлийн 38.1 дэх хэсэгт зааснаар нэхэмжлэгч нь өөрийн шаардлагын үндэслэл болж байгаа байдлын талаарх нотлох баримтаа өөрөө гаргаж өгөх, цуглуулах үүрэгтэй бөгөөд хүсэлт гаргагч ************ нь 1986 оны 7 дугаар сарын 20-ны өдрөөс 1992 оны 12 дугаар сарын 30-ны өдрийг дуустал Баянхонгор аймгийн Баян-Овоо сумын Худалдаа бэлтгэлийн ангид тракторын жолоочоор  байсан талаарх бичгийн нотлох баримтыг шүүхэд гаргаж өгч нотолж чадаагүй тул шүүхээс нэхэмжлэлийг бүхэлд нь хэрэгсэхгүй болгож шийдвэрлэлээ.

6. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1-д зааснаар хүсэлт гаргагч ************** улсын тэмдэгтийн хураамжид урьдчилан төлсөн 70,200 төгрөгийг төсвийн орлогод хэвээр үлдээв.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.3 дахь хэсэгт заасныг удирдлага болгон

ТОГТООХ нь:

1. Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6 дахь хэсэгт заасныг баримтлан *************** 1986 оны 7 дугаар сарын 20-ны өдрөөс 1992 оны 12 дугаар сарын 30-ны өдрийг дуустал Баянхонгор аймгийн Баян-Овоо сумын Худалдаа бэлтгэлийн ангид тракторын жолоочоор ажиллаж байсан байдлыг тогтоолгох хүсэлтийг бүхэлд нь хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1 дэх хэсэгт зааснаар хүсэлт гаргагч********** улсын тэмдэгтийн хураамжид урьдчилан төлсөн 70.200 төгрөгийг төсвийн орлогод хэвээр үлдээсүгэй.

3. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2 дахь хэсэгт зааснаар шүүхийн шийдвэр танилцуулан сонсгомогц хүчинтэй болох бөгөөд мөн хуулийн 120 дугаар зүйлийн 120.2 дахь хэсэгт зааснаар зохигч, тэдгээрийн төлөөлөгч, өмгөөлөгч шийдвэрийг гардан авсан өдрөөс хойш 14 хоногийн дотор Баянхонгор аймгийн Эрүү, Иргэний хэргийн давж заалдах шатны шүүхэд давж заалдах гомдол гаргаж болохыг дурдсугай.

 

 ДАРГАЛАГЧ, ШҮҮГЧ Г.БАТЗАЯА