Хариуцагч нэхэмжлэлийн шаардлагыг

хүлээн зөвшөөрснийг баталж, хэргийг

хэрэгсэхгүй болгох тухай

Завхан аймаг дахь сум дундын анхан шатны шүүхийн шүүгч Т.Балжинням би,

Нэхэмжлэгч: Завхан аймаг, Отгон сум, ........ оршин суух хаягтай *******үү овогт *******ийн нэхэмжлэлтэй,

Хариуцагч: Завхан аймаг, Алдархаан сум, .........,оршин суух хаягтай, *******ийн *******ид холбогдох,

Худалдах худалдан авах гэрээний төлбөр 1,700,000 төгрөг гаргуулах тухай нэхэмжлэлийг 2025 оны 06 дугаар сарын 27-ны өдөр хүлээн авч хянаад ТОДОРХОЙЛОХ НЬ:

Нэхэмжлэгч ........... миний бие Завхан аймгийн Отгон сумын Баянбулаг багт 1981 онд төрсөн. Миний бие нь .......... 2025 оны 01 дүгээр сарын 22-ний өдөр 15 ямаа, 5 хонь нийт 1.700.000 төгрөгөөр мал худалдах, худалдан авах гэрээ байгуулсан. Мал худалдах, худалдан авах гэрээний 3 дугаар зүйлийн 3.3-т 2025 оны 04 дүгээр сарын 20-ний дотор Завхан, Улиастайд авчирч өгөхөөр тохиролцсон. 15 ямаа, 5 хонь нийт 1.700.000 төгрөгийг Төрийн банкны ........тоот (.........) дансанд хийж 2025 оны 04 дүгээр сарын 20-ний дотор Завхан, Улиастайд авчирч өгөхөөр тохиролцсон миний бие 1.700.000 төгрөгийг хугацаанд нь шилжүүлэсн боловч Д........ нь 15 ямаа, 5 хонь одоо болтол авчирч өгөөгүй тул танай шүүхээр тусгайлсан журмаар шийдвэрлүүлэхээр хандаж байна гэжээ.

ҮНДЭСЛЭХ НЬ:

Нэхэмжлэгч Ч........ нь хариуцагч Д.......... холбогдуулан зээлийн гэрээний үүрэгт 1,700,000 төгрөгийг гаргуулахаар тус шүүхэд нэхэмжлэлийн шаардлага гаргажээ.

Нэхэмжлэгч Ч.*******ийн нэхэмжилсэн 1,700,000 төгрөгийг хариуцагч Д.******* нь бүрэн төлж барагдуулахаа хүлээн зөвшөөрсөн тайлбарыг тус шүүхэд ирүүлсэн байна.

Хариуцагчийн зөвшөөрөл нь бусдын эрх, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул Иргэний хэрэг шүүхэд хянан шийдвэрлэх тухай хуулийн 758 дугаар зүйлийн 758.1-д  зааснаар хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох нь зүйтэй байна гэж үзлээ.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар нэхэмжлэгч Ч.*******ийн 42,150 улсын тэмдэгтийн хураамжид урьдчилан төлсөн 21,075 төгрөгийг төрийн сангийн орлогод хэвээр үлдээж, хариуцагчаас 21,075 төгрөгийг, төрийн сангийн орлогоос 21,075 төгрөгийг тус тус гаргуулж, нийт 42,150 төгрөгийг нэхэмжлэгч Ч.*******т олгох нь зүйтэй байна гэж үзээд

ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛИЙН 74, 75 ДУГААР ЗҮЙЛҮҮДИЙГ УДИРДЛАГА БОЛГОН ЗАХИРАМЖЛАХ НЬ:

1. Иргэний хэрэг шүүхэд хянан шийдвэрлэх тухай хуулийн 758 дугаар зүйлийн 758.1-д  зааснаар нэхэмжлэгч Ч.*******ийн нэхэмжлэлтэй Д.*******д холбогдох, 1,700,000 төгрөгийг гаргуулах тухай нэхэмжлэлийг хариуцагч Д.******* бүхэлд нь төлөхийг хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 60 дугаар зүйлийн 60.1, 56 дугаар зүйлийн 56.1, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар нэхэмжлэгч Ч.*******ийн 42,150 улсын тэмдэгтийн хураамжид урьдчилан төлсөн 21,075 төгрөгийг төрийн сангийн орлогод хэвээр үлдээж, хариуцагчаас 21,075 төгрөгийг, төрийн сангийн орлогоос 21,075 төгрөгийг тус тус гаргуулж, нийт 42,150 төгрөгийг нэхэмжлэгч Ч.*******т олгосугай.

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хялбаршуулсан журмаар хэрэг хянан шийдвэрлэсэн тохиолдолд зохигч нь давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

4. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-т зааснаар энэхүү захирамжийг хариуцагч Д.******* нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг сануулсугай.  

ШҮҮГЧ  Т.БАЛЖИННЯМ