Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Булган аймаг дахь сум дундын анхан шатны шүүхийн Ерөнхий шүүгч О.Одончимэг би,

Нэхэмжлэгч:  Т******* ф******* ББСБ ХХК-ийн нэхэмжлэлтэй,

Хариуцагч:  С.М*******ад холбогдох,

Нэхэмжлэлийн шаардлага: 617,134 /зургаан зуун арван долоон мянга нэг зуун гучин дөрөв/ төгрөг гаргуулах тухай нэхэмжлэлийг 2025 оны 07 дугаар сарын 18-ны өдөр хүлээн авч хянаад

ТОДОРХОЙЛОХ нь:

Нэхэмжлэгч Т******* ф******* ББСБ ХХК нь шүүхэд гаргасан нэхэмжлэлдээ: ...С.М******* нь манай Т******* зээлийн аппликейшн дахь үйлчилгээний нөхцөлийг хүлээн зөвшөөрч 2023 оны 10 дугаар сарын 09-ний өдрийн 231009-1628524 дугаартай 310,000 төгрөгийн зээлийг гэрээ байгуулан 6 хувийн хүүтэй 30 хоногийн хугацаатай зээлсэн.

2025 оны 06 дугаар сарын 20-ны өдрийн байдлаар 617,134 төгрөг төлөгдөөгүй байна. Иймд зээлдэгч С.М*******аас 617,134 төгрөгийг гаргуулж өгнө үү гэжээ.

Хариуцагч С.М******* нь шүүхэд гаргасан хариу тайлбартаа: Т******* ф******* ББСБ ХХК-ийн нэхэмжисэн 617,134 төгрөгийг төлөхийг хүлээн зөвшөөрч байна гэжээ.

ҮНДЭСЛЭХ нь:

 Нэхэмжлэгч Т******* ф******* ББСБ ХХК нь хариуцагч С.М*******ад холбогдуулан 617,134 төгрөг гаргуулах тухай нэхэмжлэл гаргасныг хариуцагч С.М******* нь төлөхийг хүлээн зөвшөөрсөн тайлбараа шүүхэд гаргасан байна.

Хариуцагчийн зөвшөөрөл нь б*******дын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох үндэслэлтэй байна.

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 75⁸ дугаар зүйлийн 75⁸.1, 123 дугаар зүйлийн 123.1 дэх хэсэгт заасныг удирдлага болгон

ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.3-д зааснаар нэхэмжлэгч Т******* ф******* ББСБ ХХК-ийн нэхэмжлэлтэй, С.М******* холбогдох 617,134 /зургаан зуун арван долоон мянга нэг зуун гучин дөрөв/ төгрөг гаргуулах тухай нэхэмжлэлийн шаардлагыг хариуцагч С.М******* нь төлөхийг хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчийн улсын тэмдэгтийн хураамжид төлсөн 19,164 /арван есөн мянга нэг зуун жаран дөрөв/ төгрөгөөс 9,582 /есөн мянга таван зуун наян хоёр/ төгрөгийг Төрийн санд үлдээж, Төрийн сангаас 9,582 /есөн мянга таван зуун наян хоёр/ төгрөгийг, хариуцагч С.М*******аас 9,582 /есөн мянга таван зуун наян хоёр/ төгрөгийг т******* т******* гаргуулж, нэхэмжлэгчид олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар захирамжийг хариуцагч сайн дураараа биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

                                         ЕРӨНХИЙ ШҮҮГЧ О.ОДОНЧИМЭГ