Нэхэмжлэгч нэхэмжлэлээсээ татгалзсаныг

  баталж, хэргийг  хэрэгсэхгүй болгох тухай

      

Дорноговь аймгийн Замын-Үүд сум дахь сум дундын шүүхийн шүүгч Э.Б би, нэхэмжлэгч Т.ББСБ ХХК-ийн нэхэмжлэлтэй, О.О-т холбогдох зээлийн 6,589,767.03 төгрөг гаргуулах тухай нэхэмжлэлийг 2025 оны 07 сарын 28-ны өдөр хүлээн авч,  2025 оны 07 сарын 30-ны өдөр иргэний хэрэг үүсгэн хянаад,                                          

ТОДОРХОЙЛОХ нь:

Нэхэмжлэгч Т.ББСБ ХХК шүүхэд гаргасан нэхэмжлэлдээ: Хариуцагч О.О нь Т.ББСБ ХХК-тай дараах гэрээг байгуулсан боловч гэрээний үүрэг зөрчигдсөн байна.

1.2024 оны 07 сарын 05-ны өдөр 352024070526641 тоот гэрээний дагуу Phone15_Pro_Max_256GB маркийн гар утас/цаг, чихэвч/-ыг нийт 5,838,000 төгрөгийн зээлээр 30 сарын хугацаатай авсан. Хариуцагчид зээлийн гэрээний үүргийг зөрчигдсөн үеэс эхлэн тогтмол шаардаж, сануулсан боловч үр дүн гарахгүй байх тул дээрх гэрээг цуцалж, Шүүхэд дараах нэхэмжлэлийн шаардлагыг гаргаж байна. Үүнд:

3Г2024070526641 тоот гэрээний үүрэгт үндсэн зээлд 5,244,600.37 төгрөг, үндсэн хүүнд 1,310,086.8 төгрөг, нэмэгдүүлсэн хүүнд 28,079.86 төгрөг, нотариатын төлбөрт 7,000 төгрөг, нийт 6,589,767.03 төгрөгийг хариуцагч О.О-оос гаргуулж өгнө үү гэжээ.

 

Нэхэмжлэгчийн итгэмжлэгдсэн төлөөлөгч О.О шүүхэд гаргасан хүсэлтдээ: Нэхэмжлэгч Т.ББСБ ХХК нь О.О-т холбогдуулан 2025 оны 07 сарын 08-ны өдөр гаргасан нэхэмжлэх нь буруу дата татагдсаны улмаас давхардан очсон тул нэхэмжлэгч Т.ББСБ ХХК нь нэхэмжлэлээсээ татгалзаж байна. Иймд нэхэмжлэгч нэхэмжлэлээсээ татгалзсаныг баталж хэргийг хялбаршуулсан журмаар шийдвэрлэж, хэргийг хэрэгсэхгүй болгож шийдвэрлэж өгнө үү гэжээ.

ҮНДЭСЛЭХ нь:

 

Нэхэмжлэгч Т.ББСБ ХХК нь хариуцагч О.О-т холбогдуулан зээлийн 6,589,767.03 төгрөг гаргуулах тухай нэхэмжлэлийн шаардлага тус шүүхэд гаргажээ.

 

Нэхэмжлэгч Т.ББСБ ХХК нь зээлийн 6,589,767.03 төгрөг гаргуулах тухай нэхэмжлэлийн шаардлагыг гаргасан боловч хэрэг хянан шийдвэрлэх ажиллагааны явцад нэхэмжлэгчийн итгэмжлэгдсэн төлөөлөгч О.О нь О.О-т холбогдох нэхэмжлэл нь давхардан ирсэн тул нэхэмжлэгч Т.ББСБ ХХК нь нэхэмжлэлээсээ татгалзсаныг баталж, хэргийг хялбаршуулсан журмаар шийдвэрлүүлэх хүсэлтийг шүүхэд ирүүлсэн байна.

           Нэхэмжлэгч Т.ББСБ ХХК нь хариуцагч О.О-оос үл хамаарах шалтгааны улмаас нэхэмжлэлийн шаардлагаасаа татгалзсан нь хуульд харшлаагүй, гуравдагч этгээдийн эрх, хуулиар хамгаалагдсан ашиг сонирхлыг хөндөөгүй байна.

Иймд нэхэмжлэгч нэхэмжлэлийн шаардлагаасаа татгалзсаныг баталж, хэргийг хялбаршуулсан журмаар хянан шийдвэрлэх үндэслэлтэй байна.

 

           Иргэний хэрэг шүүхэд хянан шийдвэрлэх тухай хуулийн 74, 75, 75⁸ дүгээр зүйлийн дугаар зүйлийн 75⁸.1, 123 дугаар зүйлийн 123.1-д заасныг удирдлага болгон ЗАХИРАМЖЛАХ нь:

 

1. Нэхэмжлэгч Т.ББСБ ХХК-ийн нэхэмжлэлтэй, О.О-т холбогдох зээлийн 6,589,767.03 төгрөг гаргуулах тухай нэхэмжлэлийн шаардлагаасаа нэхэмжлэгч татгалзсаныг баталж, хэргийг хэрэгсэхгүй болгосугай.

 

 2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар  нэхэмжлэгчийн улсын тэмдэгтийн хураамжид урьдчилан төлсөн 120,386 төгрөгийн 50 хувь буюу 60,193 төгрөгийг улсын орлогод хэвээр үлдээж, үлдэх 50 хувь болох 60,193 төгрөгийг улсын орлогоос гаргуулж нэхэмжлэгчид олгосугай.

 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин  нэхэмжлэл гаргах эрхгүй болохыг дурдсугай.

 

 

 

 

 

                                        ШҮҮГЧ                                   Э.Б