Нэхэмжлэгч нэхэмжлэлээсээ татгалзсаныг

  баталж, хэргийг  хэрэгсэхгүй болгох тухай

      

Дорноговь аймгийн Замын-Үүд сум дахь сум дундын шүүхийн шүүгч Э.Болормаа би, нэхэмжлэгч Т.ББСБ ХХК-ийн нэхэмжлэлтэй, Б.Э-т холбогдох зээлийн 1,710,994.16 төгрөг гаргуулах тухай нэхэмжлэлийг 2025 оны 08 сарын 01-ний өдөр хүлээн авч,  2025 оны 08 сарын 04-ний өдөр иргэний хэрэг үүсгэн хянаад,

                                                ТОДОРХОЙЛОХ нь:

Нэхэмжлэгч Т.ББСБ ХХК шүүхэд гаргасан нэхэмжлэлдээ: Хариуцагч Б.Э нь Токи ББСБ ХХК-тай дараах гэрээг байгуулсан боловч гэрээний үүрэг зөрчигдсөн байна.

1. 2024 оны 03 сарын 03-ны өдөр 3Г2024030310157 тоот гэрээний дагуу Samsung A54 128GB маркийн гар утас/цаг, чихэвч/-ыг нийт 1,438,000.0 төгрөгийн зээлээр 30 сарын хугацаатай авсан. Хариуцагчид зээлийн гэрээний үүргийг зөрчигдсөн үеэс эхлэн тогтмол шаардаж, сануулсан боловч үр дүн гарахгүй байх тул дээрх гэрээг цуцалж, Шүүхэд дараах нэхэмжлэлийн шаардлагыг гаргаж байна. Үүнд:

3Г2024030310157 тоот гэрээний үүрэгт үндсэн зээлд 1,282,078.87 төгрөг, үндсэн хүүнд 409,492.47 төгрөг, нэмэгдүүлсэн хүүнд 12,422.82 төгрөг, нотариатын төлбөрт 7,000.0 төгрөг, нийт 1,710,994.16 төгрөгийг хариуцагч Б.Э-ээс гаргуулr өгнө үү гэжээ.

Нэхэмжлэгчийн итгэмжлэгдсэн төлөөлөгч Б.Г шүүхэд гаргасан хүсэлтдээ: Нэхэмжлэгч Токи ББСБ ХХК нь Б.Э-т холбогдуулан гаргасан нэхэмжлэх нь буруу дата татагдсаны улмаас давхардан очсон тул нэхэмжлэгч Т.ББСБ ХХК нь нэхэмжлэлээсээ татгалзаж байна. Иймд нэхэмжлэгч нэхэмжлэлээсээ татгалзсаныг баталж хэргийг хялбаршуулсан журмаар шийдвэрлэж, хэргийг хэрэгсэхгүй болгож шийдвэрлэж өгнө үү гэжээ.

ҮНДЭСЛЭХ нь:

 

Нэхэмжлэгч Т.ББСБ ХХК нь хариуцагч Б.Э-т холбогдуулан зээлийн 1,710,994.16 төгрөг гаргуулах тухай нэхэмжлэлийн шаардлага тус шүүхэд гаргажээ.

 

Нэхэмжлэгч Т.ББСБ ХХК нь зээлийн 1,710,994.16 төгрөг гаргуулах тухай нэхэмжлэлийн шаардлагыг гаргасан боловч хэрэг хянан шийдвэрлэх ажиллагааны явцад нэхэмжлэгчийн итгэмжлэгдсэн төлөөлөгч Б.Г нь Б.Э-т холбогдох нэхэмжлэл нь давхардан ирсэн тул нэхэмжлэгч нэхэмжлэлээсээ татгалзсаныг баталж хэргийг хялбаршуулсан журмаар шийдвэрлэж өгнө үү гэх тайлбарыг шүүхэд ирүүлсэн байна.

           Нэхэмжлэгч Т.ББСБ ХХК нь хариуцагч Б.Э-ээс үл хамаарах шалтгааны улмаас нэхэмжлэлийн шаардлагаасаа татгалзсан нь хуульд харшлаагүй, гуравдагч этгээдийн эрх, хуулиар хамгаалагдсан ашиг сонирхлыг хөндөөгүй байна.

Иймд нэхэмжлэгч нэхэмжлэлийн шаардлагаасаа татгалзсаныг баталж, хэргийг хялбаршуулсан журмаар хянан шийдвэрлэх үндэслэлтэй байна.

 

           Иргэний хэрэг шүүхэд хянан шийдвэрлэх тухай хуулийн 74, 75, 75⁸ дүгээр зүйлийн дугаар зүйлийн 75⁸.1,123 дугаар зүйлийн 123.1-д заасныг удирдлага болгон ЗАХИРАМЖЛАХ нь:

 

1. Нэхэмжлэгч Т.ББСБ ХХК-ийн нэхэмжлэлтэй, Б.Э-т холбогдох зээлийн 1,710,994.16 төгрөг гаргуулах тухай нэхэмжлэлийн шаардлагаасаа нэхэмжлэгч татгалзсаныг баталж, хэргийг хэрэгсэхгүй болгосугай.

 

 2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар  нэхэмжлэгчийн улсын тэмдэгтийн хураамжид урьдчилан төлсөн 42,326 төгрөгийн 50 хувь буюу 21,163 төгрөгийг улсын орлогод хэвээр үлдээж, үлдэх 50 хувь болох 21,163 төгрөгийг улсын орлогоос гаргуулж нэхэмжлэгчид олгосугай.

 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин  нэхэмжлэл гаргах эрхгүй болохыг дурдсугай.

 

 

 

 

 

                                        ШҮҮГЧ                                   Э.Б